Bagalkot Murder: ಮಧ್ಯರಾತ್ರಿ ಮಕ್ಕಳ ಎದುರೇ ಹೆಂಡತಿಯನ್ನು ಕೊಂದು, ಗಡದ್ದಾಗಿ ನಿದ್ದೆ ಹೋದ ಗಂಡ!

ಇಳಕಲ್ ನಗರದ ಕವಿಶೆಟ್ಟಿ ಗಲ್ಲಿಯಲ್ಲಿ ಮಕ್ಕಳ ಎದುರೇ ರಾಡ್ ನಿಂದ ಹೊಡೆದು ಪತ್ನಿಯನ್ನ ಕೊಲೆಗೈಯಲಾಗಿದೆ. ಗಂಡ ಮೆಹಬೂಬ್ ಬಂಡಿ ಎಂಬುವನು ತನ್ನ ಹೆಂಡತಿ ಮದೀನಾ ಬಂಡಿ (27) ಅನ್ನು ಕೊಂದಿದ್ದಾನೆ. ಇವರಿಗೆ 9 ಹಾಗೂ 5 ವರ್ಷದ ಇಬ್ಬರು ಮಕ್ಕಳಿದ್ದಾರೆ.

ಪತ್ನಿಯನ್ನು ಕೊಲೆಗೈದ ಬಳಿಕ ಮಕ್ಕಳನ್ನ ಮನೆಯಲ್ಲೇ ಕೂಡಿ ಹಾಕಿದ್ದ. ಮಕ್ಕಳು ತಾಯಿಯ ಶವದ ಎದುರು ಗಂಟೆಗಟ್ಟಲೇ ರೋದಿಸುತ್ತಾ ರಾತ್ರಿ ಕಳೆದಿವೆ. ಮಕ್ಕಳನ್ನು ಹೊರಗೂ ಬಿಡದೆ ತಂದೆಯಾದವನು ಅಮಾನುಷವಾಗಿ ನಡೆದುಕೊಂಡಿದ್ದಾನೆ. (ಸಾಂದರ್ಭಿಕ ಚಿತ್ರ)

ತಂದೆ ನಿದ್ದೆಗೆ ಜಾರಿದಾಗ ಮಕ್ಕಳು ಹೊರಬಂದು ಪಕ್ಕದ ಮನೆಯವರಿಗೆ ಘಟನೆ ಬಗ್ಗೆ ತಿಳಿಸಿದ್ದಾರೆ. ನಂತರ ಸ್ಥಳಕ್ಕೆ ಇಳಕಲ್ ನಗರ ಠಾಣೆ ಪೊಲೀಸರು ಭೇಟಿ ನೀಡಿ, ಪರಿಶೀಲನೆ ನಡೆಸಿದ್ದಾರೆ. (ಸಾಂದರ್ಭಿಕ ಚಿತ್ರ)

ಮೆಹಬೂಬ್ ಪಾನಿಪುರಿ ಅಂಗಡಿ ನಡೆಸ್ತಿದ್ದ, ಮೃತ ಪತ್ನಿ ಟೇಲರಿಂಗ್ ಕೆಲಸ ಮಾಡಿ ಮನೆ ನಡೆಸ್ತಿದ್ದಳು. ಮೆಹಬೂಬ್ ಕುಡಿದು ಬಂದು ನಿತ್ಯ ಪತ್ನಿಯೊಂದಿಗೆ ಜಗಳವಾಡ್ತಿದ್ದ. ಘಟನೆ ನಡೆದ ರಾತ್ರಿಯೂ ದುಡ್ಡಿನ ವಿಚಾರವಾಗಿ ಜಗಳ ತೆಗೆದು ಕೊಲೆ ಮಾಡಿದ್ದಾನೆ ಎನ್ನಲಾಗುತ್ತಿದೆ. (ಸಾಂದರ್ಭಿಕ ಚಿತ್ರ)

ಇಳಕಲ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಆರೋಪಿ ಪತಿ ಮೆಹಬೂಬ್ ನನ್ನು ಬಂಧಿಸಿದ್ದಾರೆ.