Anekal: ಪತ್ನಿಗಾಗಿ ಓವರ್​​ ಹೆಡ್​​​ ಟ್ಯಾಂಕ್​ ಏರಿದ ವ್ಯಕ್ತಿ! ಮುಂದಾಗಿದ್ದೇನು?

ಆನೇಕಲ್: ಪತ್ನಿ ದೂರ ಆಗಿದ್ದಕ್ಕೆ ನೊಂದ ಪತಿಯೋರ್ವ ಪತ್ನಿಗಾಗಿ ಓವರ್​ ಹೆಡ್​ ಟ್ಯಾಂಕ್​ ಏರಿ ಆತ್ಮಹತ್ಯೆಗೆ ಬೆದರಿಕೆ ಹಾಕಿದ ಘಟನೆ ಬೆಂಗಳೂರು ಹೊರವಲಯ ಆನೇಕಲ್ ತಾಲೂಕಿನ ಬುಕ್ಕಸಾಗರದಲ್ಲಿ ನಡೆದಿದೆ.

ಜಿಗಣಿ ಸಮೀಪದ ಬುಕ್ಕಸಾಗರ ವಾಸಿ ಗಂಗಾಧರ್ ಆತ್ಮಹತ್ಯೆ ಬೆದರಿಕೆ ಹಾಕಿದ ವ್ಯಕ್ತಿ. ಓವರ್ ಹೆಡ್ ಟ್ಯಾಂಕ್ ಏರಿ ವ್ಯಕ್ತಿ ಆತ್ಮಹತ್ಯೆ ಮಾಡಿಕೊಳ್ಳುವುದಾಗಿ ಬೆದರಿಕೆ ಹಾಕಿದ್ದಾನೆ.

ಇನ್ನು, ಗಂಗಾಧರ್ ಹಾಗೂ ಪತ್ನಿ ನಡುವೆ ಕುಡಿತ ವಿಚಾರಕ್ಕೆ ನಿತ್ಯ ಗಲಾಟೆ ನಡೆಯುತಿತ್ತಂತೆ. ಗಲಾಟೆಯಿಂದ ಬೇಸತ್ತ ಪತ್ನಿ ಗಂಡನನ್ನು ಬಿಟ್ಟು ತವರಿಗೆ ತೆರಳಿದ್ದಳಂತೆ.

ಪತ್ನಿ ಮನೆ ಬಿಟ್ಟು ಹೋದ ಕಾರಣ ಬೇಸತ್ತ ಗಂಗಾಧರ್, ತನಗೆ ಪತ್ನಿ ಬೇಕು ಎಂದು ಓವರ್ ಹೆಡ್​ ಟ್ಯಾಂಕ್​ ಏರಿ ಬೆದರಿಕೆ ಹಾಕುವ ಕೆಲಸ ಮಾಡಿದ್ದಾನೆ.

ಘಟನೆ ಕುರಿತಂತೆ ಮಾಹಿತಿ ಲಭ್ಯವಾಗುತ್ತಿದ್ದಂತೆ ಸ್ಥಳಕ್ಕೆ ಆಗಮಿಸಿದ ಅಗ್ನಿಶಾಮಕ ಸಿಬ್ಬಂದಿ, ಜಿಗಣಿ ಪೊಲೀಸರು, ಗಂಗಾದರ್​ ಮನವೊಲಿಕೆ ಮಾಡಿ ಕೆಳಗೆ ಇಳಿಸುವ ಪ್ರಯತ್ನ ಮಾಡಿದರು.

ಆದರೆ ಮೊದಲು ಮನವೊಲಿಕೆ ನಿರಾಕರಿಸಿದ ಗಂಗಾಧರ್​, ತಂಪು ಪಾನಿಯ ಮತ್ತು ತಿಂಡಿಗಾಗಿ ಬೇಡಿಕೆ ಇಟ್ಟು ಓವರ್ ಹೆಡ್ ಟ್ಯಾಂಕ್ ಮೇಲಿದ್ದಾಗಲೇ ತಿಂಡಿ, ತಂಪು ಪಾನೀಯ ಸೇವನೆ ಮಾಡಿದ್ದಾನೆ. (ಸಾಂದರ್ಭಿಕ ಚಿತ್ರ)

ಸುಮಾರು ಆರು ತಾಸು ಸರ್ಕಸ್ ಬಳಿಕ ಪತ್ನಿಯನ್ನು ವಾಪಸ್ ಕರೆಸುವ ಭರವಸೆ ನೀಡಿ ಗಂಗಾಧರ್​ನ್ನು ಪೊಲೀಸರು ಹಾಗೂ ಅಗ್ನಿಶಾಮಕ ಸಿಬ್ಬಂದಿ ಕೆಳಕ್ಕೆ ಇಳಿಸಿದ್ದಾರೆ. (ಸಾಂದರ್ಭಿಕ ಚಿತ್ರ)