Hubballi Girmit: ಹುಬ್ಬಳ್ಳಿ ಗಿರ್ಮಿಟ್ ಯಾಕಷ್ಟು ಫೇಮಸ್? ಇಲ್ಲಿದೆ ಟೇಸ್ಟಿ ರೆಸಿಪಿ

"ಹಳೆ ಹುಬ್ಳಿ ಬಸ್ಟ್ಯಾಂಡ್ನಾಗ ನಿಂತಿದ್ದೆ.. ಮಿರ್ಚಿ ಮಂಡಕ್ಕಿನಾ ತಿಂದು ಚಾ ಕುಡ್ದೆ.." ಈ ಹಾಡನ್ನಾ ನೀವೆಲ್ರೂ ಕೇಳಿರ್ತೀರಿ. ಇದ್ರಲ್ಲೇ ಗೊತ್ತಾಗುತ್ತೆ ಹುಬ್ಬಳ್ಳಿಯ ಮಂಡಕ್ಕಿ ಎಷ್ಟು ಫೇಮಸ್ ಅಂತ.

ಬಾಯಿ ಚಪ್ಪರಿಸೋಕಂತೂ ಇದ್ಕಿಂತ ಟೇಸ್ಟಿ ಸಿಗೋದೇ ಇಲ್ಲ. ಅದ್ರಲ್ಲೂ ಈ ಗಿರ್ಮಿಟ್ ಅಂದ್ರೆ ಕೇಳ್ಬೇಕಾ? ಉಪ್ಪು, ಖಾರಾ, ಹುಳಿ ಎಲ್ಲಾ ಸೇರಿ ಬಾಯಿಗೆ ಅದ್ಬುತ ರುಚಿ ನೀಡುತ್ತೆ.

ಹುಬ್ಬಳ್ಳಿಗೆ ಬಂದವರು ಗಿರ್ಮಿಟ್ ಅಲಿಯಾಸ್ ಮಂಡಕ್ಕಿ, ಅದರ ಮೇಲೊಂದು ಬಜ್ಜಿ ತಿನ್ನದೇ ಹೋಗೋದೇ ಇಲ್ಲ. ಹುಬ್ಬಳ್ಳಿ ಗಿರ್ಮಿಟ್ ಅಷ್ಟು ರುಚಿ, ಅಷ್ಟು ಫೇಮಸ್.

ಅದರಲ್ಲೂ ಈ ಮೋಡ ಕವಿತ ಕೊಂಚ ಚಳಿ ಚಳಿ ವಾತಾವರಣದಲ್ಲಿ ಗಿರ್ಮಿಟ್, ಬಜ್ಜಿ ಸಿಕ್ಕರಂತೂ ನಾಲಿಗೆ ಕೇಳೋದೇ ಇಲ್ಲ. ಹಾಗಾದ್ರೆ ಹೇಗೆ ಈ ಗಿರ್ಮಿಟ್ ಮಾಡೋದು? ಇಲ್ಲಿದೆ ನೋಡಿ ರೆಸಿಪಿ.

ಮೊದಲಿಗೆ ಈರುಳ್ಳಿ, ಟೋಮ್ಯಾಟೋ, ಕರಿಬೇವು, ಕೊತ್ತಂಬರಿ, ಹಸಿ ಮೆಣಸಿನಕಾಯಿ, ಸಾಸಿವೆ, ಜೀರಿಗೆ, ಅರಿಶಿನ ಪುಡಿಯನ್ನ ಸೇರಿಸಿ ಎಣ್ಣೆ ಹಾಕಿ ಚೆನ್ನಾಗಿ ಒಗ್ಗರಣೆ ಮಾಡಿಕೊಳ್ಳಬೇಕು. ನಂತರ ಮಂಡಕ್ಕಿಯನ್ನು ಹದವಾಗಿ ಅದಕ್ಕೆ ಸೇರಿಸಿ ಮಿಕ್ಸ್ ಮಾಡಿಕೊಳ್ಳಬೇಕು. ನಂತರದಲ್ಲಿ ಅದಕ್ಕೆ ಪುಟಾಣಿ ಹಿಟ್ಟನ್ನು ಬೆರೆಸಿ ಸವಿಯಬಹುದು.

ಉತ್ತರ ಕರ್ನಾಟಕ ಮಂದಿ ಸವಿಯುವ ಖಾರವನ್ನು ಇತರ ಭಾಗದವರು ತಿನ್ನುವುದು ಅಷ್ಟು ಸುಲಭವಲ್ಲ. ಆದರೆ ಎಷ್ಟೇ ಖಡಕ್ ಗಿರ್ಮಿಟ್ ತಿಂದರೂ ಉತ್ತರ ಕರ್ನಾಟಕದ ಮಂದಿ ಅಷ್ಟೇ ಮುಗ್ದರು, ಮಾತೃಹೃದಯಿಗಳಂತೂ ಹೌದು.

ಹುಬ್ಬಳ್ಳಿ- ಧಾರವಾಡ ಸೇರಿದಂತೆ ಉತ್ತರ ಕರ್ನಾಟಕದ ಯಾವುದೇ ಊರಿಗೆ ನೀವು ಬಂದ್ರೂ ಸ್ಥಳೀಯ ಆಹಾರವನ್ನು ಸವಿಯಲು ನೀವು ಮರೆಯಬೇಡಿ.