Indian Railways: ಬೇಸಿಗೆ ವಿಶೇಷ ರೈಲುಗಳ ಓಡಾಟ ವಿಸ್ತರಣೆ; ಎಲ್ಲೆಲ್ಲಿ ನೀವೇ ನೋಡಿ

ಬೇಸಿಗೆ ವಿಶೇಷ ರೈಲುಗಳ ಓಡಾಟದ ಆದೇಶವನ್ನು ನೈಋತ್ಯ ರೈಲ್ವೇ ವಲಯವು ಮತ್ತೊಮ್ಮೆ ಪರಿಷ್ಕರಿಸಿದೆ. ಹೀಗಾಗಿ ಪ್ರಯಾಣಿಕರು ಮತ್ತಷ್ಟು ರೈಲು ಪ್ರಯಾಣದ ಅನುಕೂಲವನ್ನು ಪಡೆಯಬಹುದಾಗಿದೆ.

ಹಾಗಿದ್ರೆ ಎಲ್ಲೆಲ್ಲ ರೈಲು ಓಡಾಟ ಮತ್ತೆ ವಿಸ್ತರಿಸಲಾಗಿದೆ? ಯಾರಿಗೆಲ್ಲ ಅನುಕೂಲ ಆಗಲಿದೆ ಅನ್ನೋದನ್ನ ನೋಡಿ.

ಈ ಹಿಂದಿನ ಆದೇಶದ ಅನ್ವಯ ಬೆಂಗಳೂರು-ವೆಲಂಕಣಿ (ತಮಿಳುನಾಡು) ಹಾಗೂ ವೆಲಂಕಣಿ-ಬೆಂಗಳೂರು ನಡುವಿನ ವಿಶೇಷ ಬೇಸಿಗೆ ರೈಲು ಇದೇ ಮೇ 27ರಂದು ತನ್ನ ಓಡಾಟವನ್ನು ಸ್ಥಗಿತಗೊಳಿಸಬೇಕಿತ್ತು.

ಆದರೆ ಜನರ ಬೇಡಿಕೆ, ರೈಲು ನಿಲ್ದಾಣಗಳಲ್ಲಿನ ದಟ್ಟಣೆ ಕಡಿಮೆ ಮಾಡುವ ನಿಟ್ಟಿನಲ್ಲಿ ಮತ್ತೆ ವಿಸ್ತರಿಸಿ ಆದೇಶಿಸಲಾಗಿದೆ. ಅದರಂತೆ ಬೆಂಗಳೂರು-ವೆಲಂಕಣಿ ಮತ್ತು ವೆಲಂಕಣಿ-ಬೆಂಗಳೂರು ನಡುವಿನ ವಿಶೇಷ ಬೇಸಿಗೆ ರೈಲು ಓಡಾಟವನ್ನು ಮತ್ತೆ 6 ಟ್ರಿಪ್ ವಿಸ್ತರಿಸಲಾಗಿದೆ.

ಈ ಕೆಳಗಿನ ದಿನಗಳಲ್ಲಿ ಬೆಂಗಳೂರು-ವೆಲಂಕಣಿ (ರೈಲು ಸಂಖ್ಯೆ 06547) ಓಡಾಟ ನಡೆಸಲಿದೆ. ಜೂನ್‌ 3,10, 17, 24 ಹಾಗೂ ಜುಲೈ 01 ಮತ್ತು 08 ರಂದು ಓಡಾಟ ನಡೆಸಲಿದೆ. ಇನ್ನು ವೆಲಂಕಣಿ-ಬೆಂಗಳೂರು ನಡುವಿನ ರೈಲು ಸಂಖ್ಯೆ 06548 ಕೂಡಾ ಅದೇ ದಿನಾಂಕಗಳಲ್ಲಿ ಓಡಾಟ ನಡೆಸಲಿದೆ.

[caption id="attachment_1103941" align="alignnone" width="1600"] ಹುಬ್ಬಳ್ಳಿ ಶ್ರೀಸಿದ್ಧರೂಢ ಸ್ವಾಮೀಜಿ ಹಾಗೂ ತಮಿಳುನಾಡಿನ ತಂಜಾವೂರು ನಡುವೆ ಓಡಾಟ ನಡೆಸುವ ಬೇಸಿಗೆ ವಿಶೇಷ ಎಕ್ಸ್ ಪ್ರೆಸ್ ರೈಲು ಹಿಂದಿನ ಆದೇಶದ ಅನ್ವಯ ಮೇ 29 ರಂದು ಸ್ಥಗಿತಗೊಳ್ಳಲಿದೆ.

ಅದೇ ರೀತಿ, ತಂಜಾವೂರು-ಹುಬ್ಬಳ್ಳಿ ಎಕ್ಸ್ಪ್ರೆಸ್ ರೈಲು ಮೇ 30 ರಂದು ಒಡಾಟ ನಿಲ್ಲಿಸಬೇಕಿದೆ. ಆದರೆ, ಇದೀಗ ಪರಿಷ್ಕೃತ ಆದೇಶದನ್ವಯ ಮತ್ತೆ 4 ಹೆಚ್ಚುವರಿ ಟ್ರಿಪ್ ಅನ್ನ ಓಡಾಟ ನಡೆಸಲಿದೆ.

ಸಿದ್ದಾರೂಢ ಹುಬ್ಬಳ್ಳಿ-ತಂಜಾವೂರು ನಡುವಿನ ರೈಲು ಸಂಖ್ಯೆ 07325 ಜೂನ್ 05, 12, 19 ಹಾಗೂ 26 ರಂದು ಹೆಚ್ಚುವರಿ ವಿಶೇಷ ಓಡಾಟ ನಡೆಸಲಿದೆ. ಇನ್ನು ರೈಲು ಸಂಖ್ಯೆ 07326 ತಂಜಾವೂರು-ಹುಬ್ಬಳ್ಳಿ ರೈಲು ಜೂನ್ 06, 13, 27 ಹಾಗೂ 27 ರಂದು ಓಡಾಟ ನಡೆಸಲಿದೆ.

ಯಶವಂತಪುರ-ಹಿಂದೂಪುರ (ಆಂಧ್ರಪ್ರದೇಶ) ಎಕ್ಸ್ಪ್ರೆಸ್ ನಡುವಿನ ಓಡಾಟ ಮೇ 21ಕ್ಕೆ ಅಂತ್ಯಗೊಂಡಿರುತ್ತೆ. ಆದರೆ ಬೇಸಿಗೆ ವಿಶೇಷ ಈ ಎಕ್ಸ್ಪ್ರೆಸ್ ರೈಲನ್ನು ಮೇ 22 ರಂದು ಮತ್ತೆ ವಿಸ್ತರಿಸಿ ಆದೇಶಿಸಲಾಗಿದ್ದು, ಈ ರೈಲು ಮುಂದಿನ ಆದೇಶದವರೆಗೂ ಈ ಹಿಂದಿನ ವೇಳಾಪಟ್ಟಿಯಂತೆಯೇ ಓಡಾಟ ನಡೆಸಲಿದೆ. ಯಶವಂತಪುರ-ಹಿಂದೂಪುರ ಹಾಗೂ ಹಿಂದೂಪುರ-ಯಶವಂತಪುರ ನಡುವೆ ಓಡಾಟ ನಡೆಸಲಿದೆ, ಪರಿಷ್ಕೃತ ಆದೇಶದ ಲಾಭವನ್ನು ಪ್ರಯಾಣಿಕರು ಪಡೆಯಬಹುದಾಗಿದೆ.