Honour Killing: ಪಿರಿಯಾಪಟ್ಟಣದಲ್ಲಿ ಮರ್ಯಾದಾ ಹತ್ಯೆ; ಪೋಷಕರಿಂದಲೇ ಹತಳಾದ ಅಪ್ರಾಪ್ತ ಮಗಳು

ಕಗ್ಗುಂಡಿ ಗ್ರಾಮದ ಸುರೇಶ್ ಮತ್ತು ಬೇಬಿ ದಂಪತಿಯ ಪುತ್ರಿ ಕೊಲೆಯಾಗಿದ್ದಾಳೆ. ಕಗ್ಗುಂಡಿ ಗ್ರಾಮದ 17 ವರ್ಷದ ಅಪ್ರಾಪ್ತೆ  ಪಕ್ಕದೂರಿನ ಮೆಲ್ಲಹಳ್ಳಿಯ ಯುವಕ ಮಂಜು ಎಂಬಾತನ ಜೊತೆ  ಪ್ರೀತಿ ಮಾಡುತ್ತಿದ್ಳು. ಜಾತಿ ಬೇರೆಯಾಗಿದ್ದರಿಂದ ಇಬ್ಬರ ಪ್ರೀತಿಗೆ ಪೋಷಕರಿಂದ ವಿರೋಧ ವ್ಯಕ್ತವಾಗಿತ್ತು. (ಸಾಂದರ್ಭಿಕ ಚಿತ್ರ)

ತಮ್ಮ ಪ್ರೀತಿಗೆ ವಿರೋಧ ವ್ಯಕ್ತವಾಗಿದ್ದರಿಂದ ಅಪ್ರಾಪ್ತೆ ತಾನು ಪ್ರೀತಿಸಿದ ಯುವಕನ ಜೊತೆ ಮದುವೆ ಮಾಡಿಕೊಳ್ಳಲು ಮುಂದಾಗಿದ್ದಳು.  (ಸಾಂದರ್ಭಿಕ ಚಿತ್ರ)

ಪ್ರಿಯತಮ ಮಂಜು ಜೊತೆ ಮದುವೆ ಮಾಡಿಕೊಳ್ಳುವ ಉದ್ದೇಶದಿಂದ ಅಪ್ರಾಪ್ತೆ ಮನೆಯನ್ನು ಸಹ ತೊರೆದಿದ್ದಳು. ಹಾಗಾಗಿ ಇಬ್ಬರ ಕಥೆ ಪೊಲೀಸ್ ಠಾಣೆಯ ಮೆಟ್ಟಿಲೇರಿತ್ತು. (ಸಾಂದರ್ಭಿಕ ಚಿತ್ರ)

ಪೊಲೀಸರ ಮುಂದೆ ಮನೆಗೆ ಹೋಗುವುದಿಲ್ಲ ಎಂದು ಅಪ್ರಾಪ್ತೆ ಪಟ್ಟು ಹಿಡಿದಿದ್ದಳು. ಹೀಗಾಗಿ ಪೊಲೀಸರು ಅಪ್ರಾಪ್ತೆಯನ್ನು  ಬಾಲಮಂದಿರಕ್ಕೆ ಸೇರಿಸಿದ್ದರು. (ಸಾಂದರ್ಭಿಕ ಚಿತ್ರ)

ಆದ್ರೆ ಇತ್ತೀಚೆಗಷ್ಟೆ ಮಗಳನ್ನ ಮನೆಗೆ ಕರೆದುಕೊಂಡು ಹೋಗಲು ತಂದೆ ಸುರೇಶ್ ಬಾಲಮಂದಿರಕ್ಕೆ ಬಂದಿದ್ದನು. ಈ ವೇಳೆ ಅಪ್ರಾಪ್ತೆ ಸಹ ತಂದೆ ಜೊತೆ ಹೋಗೋದಾಗಿ ಸ್ವ ಹೇಳಿಕೆ ನೀಡಿದ್ದಳು. (ಸಾಂದರ್ಭಿಕ ಚಿತ್ರ)

ಇತ್ತ ತಂದೆ ಸುರೇಶ್ ಸಹ ಮಗಳನ್ನು ಚೆನ್ನಾಗಿ ನೋಡಿಕೊಳ್ಳುವದಾಗಿ ಹೇಳಿಕೆ ನೀಡಿದ್ದನು. ಇಬ್ಬರ ಹೇಳಿಕೆ ದಾಖಲಿಸಿಕೊಂಡ ಅಧಿಕಾರಿಗಳು ತಂದೆ ಜೊತೆ ಮಗಳನ್ನು ಕಳುಹಿಸಿದ್ದರು. (ಸಾಂದರ್ಭಿಕ ಚಿತ್ರ)

ಬಾಲಮಂದಿರದಿಂದ ತೆರಳಿದ್ದ ಅಪ್ರಾಪ್ತೆ ಶವ ಜಮೀನಿನಲ್ಲಿ ಪತ್ತೆಯಾಗಿತ್ತು. ಅಂತರಜಾತಿ ಹುಡುಗನನ್ನ ಪ್ರೀತಿಸಿದ ಹಿನ್ನೆಲೆ ಹೆತ್ತವರೇ ಮಗಳನ್ನ ಕೊಂದಿರುವುದು ತನಿಖೆಯಲ್ಲಿ ಬೆಳಕಿಗೆ ಬಂದಿದೆ. (ಸಾಂದರ್ಭಿಕ ಚಿತ್ರ)

ಅಪ್ರಾಪ್ತೆಯ ತಂದೆ ಸುರೇಶ್ ಹಾಗೂ ತಾಯಿ ಬೇಬಿಯನ್ನ ಪೊಲೀಸರ  ವಶಕ್ಕೆ ಪಡೆದು ವಿಚಾರಣೆಗೆ ಒಳಪಡಿಸಿದ್ದಾರೆ. ಈ ಸಂಬಂಧ ಪಿರಿಯಾಪಟ್ಟಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲು ಆಗಿದೆ. (ಸಾಂದರ್ಭಿಕ ಚಿತ್ರ)