Love Tragedy: ಬಸ್​ನಲ್ಲಿ ಲವ್ ಆಯ್ತು, ಏಕಾಂತದಲ್ಲಿದ್ದಾಗ ತಗ್ಲಾಕೊಂಡ್ರು! ಮುಂದಾಗಿದ್ದು ಮಾತ್ರ ದುರಂತ ಅಂತ್ಯ

ವಿಜಯಪುರ ಜಿಲ್ಲೆಯ ತಿಕೋಟ ತಾಲೂಕಿನ ಕಳ್ಳಕವಟಗಿಯಲ್ಲಿ ಸೆಪ್ಟೆಂಬರ್ 22ರಂದು ಈ ಘಟನೆ ನಡೆದಿತ್ತು. ಅಪ್ರಾಪ್ತ ಪ್ರಿಯತಮೆ ವಿಷ ಕುಡಿದು ಆತ್ಮಹತ್ಯೆ ಮಾಡಿಕೊಂಡದ್ರೆ, ಯುವಕನಿಗೆ ಬಲವಂತವಾಗಿ ವಿಷ ಪ್ರಾಷಾಣ ಮಾಡಿಸಲಾಗಿದೆ.

ತಿಕೋಟ ತಾಲೂಕಿನ ಕಳ್ಳಕವಟಗಿಯ ಅಪ್ರಾಪ್ತ ಯುವತಿ ಹಾಗೂ ಘೊಣಸಗಿಯ ಮಲ್ಲು ಜಮಖಂಡಿ ಮಧ್ಯೆ ಪ್ರೇಮಾಂಕುರವಾಗಿತ್ತು. ಒಂದೇ ಬಸ್​​ನಲ್ಲಿ  ವಿಜಯಪುರಕ್ಕೆ ಕಾಲೇಜಿಗೆ ತೆರಳುತ್ತಿದ್ದರು. (ಆರೋಪಿ ಗುರಪ್ಪ)

ಅಕ್ಕಪಕ್ಕದ ಊರಿನವರು ಆಗಿದ್ದರಿಂದ ಪರಿಚಯವಾಗಿತ್ತು. ಕಳೆದ ಒಂದು ವರ್ಷದಿಂದ ಪ್ರೀತಿಸುತ್ತಿದ್ದ ಜೋಡಿ ಎಲ್ಲೆಂದರಲ್ಲಿ ಸ್ವಚ್ಛಂದವಾಗಿ ವಿಹರಿಸಿದ್ದರು.

ಇಬ್ಬರ ಪ್ರೇಮ ವಿಚಾರ ಎರಡೂ ಕುಟುಂಬಸ್ಥರಿಗೆ ಸಹ ತಿಳಿದಿತ್ತು. ಈ ವಿಷಯ ತಿಳಿದ ಕೂಡಲೇ ಇಬ್ಬರನ್ನುಇ ಪೋಷಕರು ದೂರ ಮಾಡಿದ್ದರು. ಈ ಸಂಬಂಧ ಎರಡೂ ಕುಟುಂಬಗಳ ನಡುವೆಯೂ ಗಲಾಟೆ ಆಗಿತ್ತು ಎಂದು ತಿಳಿದು ಬಂದಿದೆ. (ಆರೋಪಿ)

ಗಲಾಟೆಯಾದ ಬಳಿಕ ಅಪ್ರಾಪ್ತೆ ಗೆಳೆಯ ಮಲ್ಲುನನ್ನು ಮನೆಗೆ ಸೆಪ್ಟೆಂಬರ್ 22ರ ರಾತ್ರಿ ಕರೆಸಿಕೊಂಡಿದ್ದಳು. ಇಬ್ಬರು  ಏಕಾಂತದಲ್ಲಿರುವಾಗ ಅಪ್ರಾಪ್ತೆ ತಂದೆ ಗುರಪ್ಪನ ಕೈಗೆ ತಗ್ಲಾಕೊಂಡಿದ್ದಾರೆ.

ಈ ವೇಳೆ ಅಪ್ರಾಪ್ತೆ ತಂದೆ ಇಬ್ಬರಿಗೂ ಬುದ್ಧಿ ಹೇಳಿದ್ದರಂತೆ. ಆದರೆ ಈ ಘಟನೆಯಿಂದ ನೊಂದ ಅಪ್ರಾಪ್ತೆ ವಿಷ ಕುಡಿದು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ.

ಮಗಳ ಸಾವಿಗೆ ಆಕೆಯ ಗೆಳೆಯನೇ ಕಾರಣ ಎಂದು ಕೋಪಗೊಂಡ ಅಪ್ರಾಪ್ತೆ ತಂದೆ ಯುವಕನ ಕೈಕಾಲುಗಳನ್ನು ಕಟ್ಟಿ ಅದೇ ವಿಷವನ್ನು ಕುಡಿಸಿದ್ದನು. ನಂತರ ಮಗಳು ಮತ್ತು ಯುವಕನ ಶವವನ್ನು ಪ್ರತ್ಯೇಕವಾಗಿ ಚೀಲದಲ್ಲಿ ತುಂಬಿ  ಕೃಷ್ಣಾ ನದಿಗೆ ಎಸೆದಿದ್ದರು.

ಬಾಗಲಕೋಟೆ ಜಿಲ್ಲೆ ಬೀಳಗಿ ಠಾಣೆ ವ್ಯಾಪ್ತಿಯಲ್ಲಿ ಮಲ್ಲು ಶವ ಪತ್ತೆಯಾದ ನಂತರ ಪ್ರಕರಣ ಬೆಳಕಿಗೆ ಬಂದಿದೆ.

ಪ್ರಕರಣ ಸಂಬಂಧ ಗುರುಪ್ಪ ಮತ್ತು ಆತನ ಅಳಿಯ ಅಜಿತ್ ಎಂಬಾತನನ್ನು ಪೊಲೀಸರು ಬಂಧಿಸಿದ್ದಾರೆ. ಅಪ್ರಾಪ್ತೆಯ ಶವಕ್ಕಾಗಿ ಪೊಲೀಸರು ಹುಡುಕಾಟ ನಡೆಸುತ್ತಿದ್ದಾರೆ.