ಗಾಲಿ ಜನಾರ್ಧನ ರೆಡ್ಡಿ ಮೊಮ್ಮಗಳ ಹುಟ್ಟುಹಬ್ಬ: ಕವನ ಬರೆಯುವ ಮೂಲಕ ಶುಭ ಕೋರಿದ ಮಾಜಿ ಸಚಿವ..!

ಗಾಲಿ ಜನಾರ್ಧನ ರೆಡ್ಡಿ ತಮ್ಮ ಮುದ್ದಿನ ಮೊಮ್ಮಗಳ ಮೊದಲ ವರ್ಷದ ಹುಟ್ಟುಹಬ್ಬ ಆಚರಿಸಿದ್ದಾರೆ.

ಬ್ರಹ್ಮಣಿ ಹಾಗೂ ರಾಜೀವ್​ ರೆಡ್ಡಿ ಅವರ ಮಗಳು ಭ್ರಮರಾಳ ಮೊದಲ ಹುಟ್ಟುಹಬ್ಬವನ್ನು ಅದ್ಧೂರಿಯಾಗಿ ಸಂಭ್ರಮಿಸಲಾಗಿದೆ.

ಮೊಮ್ಮಗಳು ಭ್ರಮರಾಳಿಗಾಗಿ ತಾತ ಜನಾರ್ಧನ ರೆಡ್ಡಿ ಅವರು ಕವನ ಬರೆಯುವ ಮೂಲಕ ಶುಭ ಕೋರಿದ್ದಾರೆ.

ಇದೇ ತಿಂಗಳ  12ರಂದು ಮೊಮ್ಮಗಳು ಭ್ರಮರಾಳಿಗೆ ಒಂದು ವರ್ಷ ತುಂಬಿದ್ದು, ಅಂದೇ  ಹುಟ್ಟುಹಬ್ಬ ಆಚರಿಸಲಾಗಿದೆ.

ಕುಟುಂಬದವರು ಹಾಗೂ ಕೆಲವೇ ಕೆಲವು ಆತ್ಮೀಯರು ಇದರಲ್ಲಿ ಭಾಗಿಯಾಗಿದ್ದರು. ಸಚಿವ ಶ್ರೀರಾಮುಲು ಅವರೂ ಈ ಸಂಭ್ರಮದಲ್ಲಿ ಭಾಗಿಯಾಗಿದ್ದರು.

ಗಾಲಿ ಜನಾರ್ಧನ ರೆಡ್ಡಿ ಅವರು ಮೊಮ್ಮಗಳಿಗಾಗಿ ಬರೆದಿರುವ ಕವನ ಹೀಗಿದೆ... ಮುದ್ದು ಮೊಗದವಳು, ಹಾಲು ಗಲ್ಲದವಳು ನನ್ನ ಮೊಮ್ಮಗಳು. ಅವಳ ಮೊದಲ ವರ್ಷದ ಹುಟ್ಟು ಹಬ್ಬದ ಹರ್ಷ, ನಮ್ಮ ಮನೆ ಮಂದಿಗೆಲ್ಲಾ ತಂದಿದೆ, ಆನಂದದ ಸ್ಪರ್ಷ, ತನ್ನ ಪುಟ್ಟ, ಪುಟ್ಟ ಕಾಲುಗಳಿಂದ ಅಂಬೆಗಾಲು ಇಟ್ಟು, ಆಟ, ಓಟದ ಅವಳ ಚಂದದ ನಗು ನಮ್ಮ ಮನೆ, ಮನವ ಬೆಳಗಿದೆ. ಅವಳ ಓಟ, ಆಟದಲ್ಲಿ ಆ ಒಂದು ವರ್ಷ ನಮಗರಿವಿಲ್ಲದ ಹಾಗೆ ಕಳೆದಿದೆ. ಈಗ ನನ್ನ ಮೊಮ್ಮಗಳು ಭ್ರಮರ 12ನೇ ತಾರೀಖಿಗೆ ಒಂದು ವರ್ಷ ತುಂಬಿದವಳು. ಅವಳಿಗೆ ನನ್ನ ತುಂಬು ಹೃದಯದ ಜನ್ಮ ದಿನದ ಹಾರ್ದಿಕ ಶುಭಾಶಯಗಳು.

ನನ್ನ ಫೇಸ್​ಬುಕ್​ ಖಾತೆಯ ತಾಂತ್ರಿಕ ದೋಷದಿಂದ ಮೂರು ದಿನಗಳ ನಂತರ ತಡವಾಗಿ ತಮ್ಮಲ್ಲಿ ಈ ವಿಷಯವನ್ನು ಹಂಚಿಕೊಳ್ಳುತ್ತಿದ್ದೇನೆ ಎಂದು ಬರೆದುಕೊಂಡಿದ್ದಾರೆ ಗಾಲಿ ಜನಾರ್ಧನ ರೆಡ್ಡಿ.

ಮಗಳು ಭ್ರಮರಾ ಜತೆ ಬ್ರಹ್ಮಣಿ

ಮಗಳು ಭ್ರಮರಾ ಜತೆ ರಾಜೀವ ರೆಡ್ಡಿ

ಗಾಲಿ ಜನಾರ್ಧನ ರೆಡ್ಡಿ ಅವರ ಮಗಳು ಬ್ರಹ್ಮಣಿ ಹಾಗೂ ಅಳಿಯ ರಾಜೀವ ರೆಡ್ಡಿ

ಮಗಳು ಬ್ರಹ್ಮಣಿ, ಅಳಿಯ ರಾಜೀವ​ ರೆಡ್ಡಿ ಹಾಗೂ ಮೊಮ್ಮಗಳು ಭ್ರಮರಾ ಜೊತೆ ಗಾಲಿ ಜನಾರ್ಧನ ರೆಡ್ಡಿ ದಂಪತಿ.