Bengaluru Airport: ಇನ್ಮುಂದೆ ಬೆಂಗಳೂರು ವಿಮಾನ ನಿಲ್ದಾಣಕ್ಕೆ ಹೆಲಿಕಾಪ್ಟರ್ ನಲ್ಲಿ ಹೋಗಿ; ಎಷ್ಟು ದರ?

ಜುಲೈ ತಿಂಗಳಿನಿಂದ ಹೆಲಿಕಾಪ್ಟರ್ ಸೇವೆ ಆರಂಭವಾಗಲಿದೆ. ಎಲೆಕ್ಟ್ರಾನಿಕ್ ಸಿಟಿ ಮತ್ತು ಹಳೆಯ ಹೆಚ್ಎಎಲ್ ನಿಂದ ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಹೋಗಬಹುದಾಗಿದೆ. (ಸಾಂದರ್ಭಿಕ ಚಿತ್ರ)

ಈ ಹೆಲಿಪೋರ್ಟ್ ಸೇವೆಯನ್ನು ಒದಗಿಲು ಬ್ಲೇಡ್ ಇಂಡಿಯಾ ಕಂಪನಿ ಮುಂದಾಗಿದೆ. ಈ ಸೇವೆ ಪಡೆಯಲು ಪ್ರಯಾಣಿಕರು ಒಂದು ಕಡೆ ಪಯಣಕ್ಕೆ 4,000 ರೂ. ಪಾವತಿಸಬೇಕು ಎಂದು ಕಂಪನಿಯ ನಿರ್ದೇಶಕರಾದ ಪಾಯಲ್ ಸತೀಶ್ ಹೇಳಿದ್ದಾರೆ.  (ಸಾಂದರ್ಭಿಕ ಚಿತ್ರ)

ಮೂರು ವರ್ಷಗಳ ಹಿಂದೆ ಥಂಬಿ ಏವಿಯೇಷನ್ ಹೆಲಿಪೋರ್ಟ್ ಸೇವೆಯನ್ನು ನೀಡುತ್ತಿತ್ತು. ಆದ್ರೆ ಹಲವು ತಾಂತ್ರಿಕ ಸಮಸ್ಯೆಗಳು ಎದುರಾದ ಹಿನ್ನೆಲೆ ಸೇವೆಯನ್ನು ಥಂಬಿ ಏವಿಯೇಷನ್ ನಿಲ್ಲಿಸಿತ್ತು. ಇದೀಗ ಬ್ಲೇಡ್ ಇಂಡಿಯಾ ಕಂಪನಿ  ಮುಂದಾಗಿದೆ. (ಸಾಂದರ್ಭಿಕ ಚಿತ್ರ)

ಮೂರು ವರ್ಷಗಳ ಹಿಂದೆ ಹೆಲಿಪೋರ್ಟ್ ಸೇವೆಗೆ ಪ್ರೋತ್ಸಾಹದ ಕೊರತೆ ಉಂಟಾಗಿತ್ತು. ಹೆಲಿಕಾಪ್ಟರ್ ಗಳಿಂದಾಗಿ ಬೇರೆ ವಿಮಾನಗಳ ಹಾರಾಟದಲ್ಲಿ ವ್ಯತ್ಯಯ ಉಂಟಾಗುತ್ತಿತ್ತು. ನಿರ್ವಹಣೆಯ ಸಮಸ್ಯೆಯಿಂದ ಈ ಸೇವೆ ರದ್ದುಗೊಂಡಿತ್ತು. (ಸಾಂದರ್ಭಿಕ ಚಿತ್ರ)

ಸದ್ಯ ಬ್ಲೇಡ್ ಇಂಡಿಯಾ ಕಂಪನಿ ನಾಲ್ಕು ಚಾಪರ್ ಗಳನ್ನು ಹೊಂದಿದೆ. ಮುಂಬೈ ಮತ್ತು ಪುಣೆ, ಅಂಬಿ ವ್ಯಾಲಿ, ಶಿಲ್ಲಿಮ್ ಮತ್ತು ಶಿರಡಿ ನಡುವೆ ಸಂಚಾರ ನಡೆಸುತ್ತಿದೆ. (ಸಾಂದರ್ಭಿಕ ಚಿತ್ರ)

ಬೆಂಗಳೂರಿನ ಜಕ್ಕೂರ ಏರ್ ಡ್ರೋಮ್ ನಿಂದ ಕೊಡಗು ಅಥವಾ ಕಬಿನಿಗೆ ಏರ್ ಟ್ರಿಪ್ ಸಹ ಬ್ಲೇಡ್ ಇಂಡಿಯಾ ಕಂಪನಿ ಆಯೋಜಿಸುತ್ತಿದೆ. ವಾರದಲ್ಲಿ ಆರು ದಿನ ಈ ಸೇವೆ ಪ್ರಯಾಣಿಕರಿಗೆ ಲಭ್ಯ ಇರಲಿದೆ. (ಸಾಂದರ್ಭಿಕ ಚಿತ್ರ)

ಬೆಂಗಳೂರಿನಿಂದ ಕೊಡಗಿಗೆ ಹೆಲಿಕಾಪ್ಟರ್ ನಲ್ಲಿ ಸಂಚರಿಸಲು ಕಂಪನಿ 16,000 ರೂ. (ಒಂದು ಕಡೆ ಪ್ರಯಾಣಕ್ಕೆ ಮಾತ್ರ) ನಿಗದಿ ಮಾಡಿದೆ. ಇದು ಸೋಮವಾರದಿಂದ ಶುಕ್ರವಾರದವರೆಗೆ ಹೆಲಿಕಾಪ್ಟರ್ ಗಳು ಸಂಚರಿಸಲಿವೆ. (ಸಾಂದರ್ಭಿಕ ಚಿತ್ರ)

ಇದರ ಜೊತೆ ಮೈಸೂರು ಟ್ರಿಪ್ ಸಹ ಆಯೋಜನೆ ಮಾಡಲಾಗುತ್ತಿದೆ. ಮೈಸೂರು ಟ್ರಿಪ್ ಗೆ 12 ಸಾವಿರ ರೂ. ನಿಗದಿ ಮಾಡಲಾಗಿದೆ ಎಂದು ಪಾಯಲ್ ಸತೀಶ್ ಹೇಳಿದ್ದಾರೆ. (ಸಾಂದರ್ಭಿಕ ಚಿತ್ರ)