Mandya: ಮಗನೊಂದಿಗೆ ತಂದೆ ಆತ್ಮಹತ್ಯೆ: ಇನಿಯನಿಗೆ ಬೆತ್ತಲೆ ವಿಡಿಯೋ ಮಾಡ್ತಿದ್ದ ಶೋಕಿ ಹೆಂಡ್ತಿ ಬಣ್ಣ ಬಯಲು

ಆರು ವರ್ಷದ ಜಶ್ವಿತ್ ಮತ್ತು ಗಂಗಾಧರ್ ಮೃತರು. ಆತ್ಮಹತ್ಯೆಗೂ ಮುನ್ನ ಗಂಗಾಧರ್ ಮಾಡಿದ್ದ ವಿಡಿಯೋ ಲಭ್ಯವಾಗಿದೆ. ವಿಡಿಯೋದಲ್ಲಿ ತಮ್ಮ ನಿರ್ಧಾರಕ್ಕೆ ಪತ್ನಿ ಸಿಂಧು ಮತ್ತು ಆಕೆಯ ಇನಿಯ LIC ಏಜೆಂಟ್ ನಂಜುಂಡೆಗೌಡ ಕಾರಣ ಎಂದು ಹೇಳಿದ್ದಾರೆ. ಮಂಡ್ಯದ ನಾಗಮಂಗಲ ತಾಲೂಕಿನ ಪಿಟ್ಟೆಕೊಪ್ಪಲು ಗ್ರಾಮದ ಹೊರವಲಯದ ತೊರೆಗೆ ಮಗನೊಂದಿಗೆ ಹಾರಿ ಗಂಗಾಧರ್ ಆತ್ಮಹತ್ಯೆ ಮಾಡಿಕೊಂಡಿದ್ದರು.

ಸಿಂಧು ಪ್ರಿಯಕರನಾದ ನಂಜುಂಡೆಗೌಡನ ಜೊತೆ ಸೇರಿ ಪತಿಗೆ ಕಿರುಕುಳ ನೀಡುತ್ತಿದ್ದಳು. ನಂಜುಡೇಗೌಡನ ಮೋಹದಲ್ಲಿ ಸಿಲುಕಿದ್ದ ಸಿಂಧು ಮಗನ ಕಾಳಜಿಯನ್ನು ಸಹ ಮರೆತಿದ್ದಳು. ಅನೈತಿಕ ಸಂಬಂಧದಿಂದಾಗಿ ಕಳೆದ ಎರಡು ವರ್ಷಗಳಿಂದ ಇಬ್ಬರ ಸಂಸಾರದಲ್ಲಿ ಬಿರುಕು ಮೂಡಿತ್ತು. (ಸಾಂದರ್ಭಿಕ ಚಿತ್ರ)

ಐಷಾರಾಮಿ ಜೀವನದ ಆಸೆ ತೋರಿಸಿ ಸಂಬಂಧದಲ್ಲಿ ಅಕ್ಕನ ಮಗಳಾದ ಸಿಂಧುಳನ್ನು ನಂಜುಂಡೇಗೌಡ ಪಟಾಯಿಸಿದ್ದನು. ಯಾರೂ ಇಲ್ಲದ ವೇಳೆ ಸಿಂಧೂ ಮನೆಗೆ ಬರುತ್ತಿದ್ದನು. (ಸಾಂದರ್ಭಿಕ ಚಿತ್ರ)

ಈ ವಿಷಯ ತಿಳಿದ ಗಂಗಾಧರ್ ಪ್ರಶ್ನೆ ಮಾಡಿದ್ದಕ್ಕೆ ವರದಕ್ಷಿಣೆ ಕಿರುಕುಳದಡಿ ಪೊಲೀಸರಿಗೆ ದೂರು ನೀಡಲಾಗುವುದು ಎಂದು ಬೆದರಿಕೆ ಹಾಕುತ್ತಿದ್ದರು. ಇತ್ತ ಸದಾ ಫೋನ್ ನಲ್ಲಿ ಬ್ಯುಸಿಯಾಗಿ ಇರುತ್ತಿದ್ದ ಸಿಂಧು ಇನಿಯನಿಗೆ ಬೆತ್ತಲೆ ವಿಡಿಯೋ ಮಾಡುತ್ತಿದ್ದ ವಿಚಾರ ಸದ್ಯ ಬೆಳಕಿಗೆ ಬಂದಿದೆ. (ಸಾಂದರ್ಭಿಕ ಚಿತ್ರ)

ಇನ್ನು ಮಗು ಮತ್ತು ಪತಿ ಆತ್ಮಹತ್ಯೆಗೆ ವಿಷಯ ತಿಳಿಯುತ್ತಿದ್ದಂತೆ ಸಿಂಧು ಘಟನಾ ಸ್ಥಳದಲ್ಲಿ ಹೈಡ್ರಾಮಾವನ್ನೇ ಮಾಡಿದ್ದಳು. ಅನುಮಾನ ಬರದಿರಲಿ ಎಂದು ಎಲ್ಲರ ಮುಂದೆ ತೊರೆಗೆ ಹಾರಿದ್ದಳು. ಸ್ಥಳದಲ್ಲಿ ಜನರು ಮತ್ತು ಅಗ್ನಿಶಾಮಕದಳದ ಸಿಬ್ಬಂದಿ ಸಿಂಧುಳನ್ನು ರಕ್ಷಣೆ ಮಾಡಿದ್ದರು. (ಸಾಂದರ್ಭಿಕ ಚಿತ್ರ)

ಸದ್ಯ ಮೃತ ಗಂಗಾಧರ್ ನೀಡಿದ ದೂರಿನ ಅನ್ವಯ ಪೊಲೀಸರು ಸಿಂಧುಳನ್ನು ಬಂಧಿಸಿದ್ದಾರೆ. ಇತ್ತ ನಂಜುಂಡೇಗೌಡ ಎಸ್ಕೇಪ್ ಆಗಿದ್ದು, ಆತನ ಬಂಧನಕ್ಕೆ ಪೊಲೀಸರು ಬಲೆ ಬೀಸಿದ್ದಾರೆ. (ಸಾಂದರ್ಭಿಕ ಚಿತ್ರ)