Bengaluru Rains: ಮಳೆ ನಡುವೆಯೂ ಪ್ರಧಾನಿಗಾಗಿ ಕಾಯುತ್ತಿರುವ ಅಭಿಮಾನಿಗಳು

ಇಂದು ಪ್ರಧಾನಿ ನರೇಂದ್ರ ಮೋದಿ ಬೆಂಗಳೂರಿನಲ್ಲಿ ಎರಡನೇ ಹಂತದ ಆರು ಕಿಲೋಮೀಟರ್ ರೋಡ್​ಶೋ ನಡೆಸಲಿದ್ದಾರೆ. ಒಂದು ವೇಳೆ ಮಳೆ ಬೀಳುವ ಪ್ರಮಾಣ ಹೆಚ್ಚಾದ್ರೆ ರೋಡ್​ಶೋಗೆ ಅಡ್ಡಿಯುಂಟಾಗುವ ಸಾಧ್ಯತೆಗಳಿವೆ.

ಮಧ್ಯಾಹ್ನ ನಾಲ್ಕು ಗಂಟೆವರೆಗೆ ಮಳೆಯಾಗುವ ಸಾಧ್ಯತೆಗಳಿವೆ ಎಂದು ಹವಾಮಾನ ಇಲಾಖೆ ಹೇಳಿದೆ. ಹಾಗಾಗಿ ಮಳೆಯ ಸಿಂಚನದ ನಡುವೆಯೇ ಪ್ರಧಾನಿಗಳು ರೋಡ್​ಶೋ ನಡೆಸೋದು ಬಹುತೇಕ ಖಚಿತವಾಗಿದೆ.

ಮಳೆಯ ನಡುವೆಯೂ ಅಭಿಮಾನಿಗಳು ಪ್ರಧಾನಿ ಮೋದಿ ಅವರನ್ನು ಕಣ್ತುಂಬಿಕೊಳ್ಳಲು ಕಾಯುತ್ತಿದ್ದಾರೆ. ಈಗಾಗಲೇ ಮೋದಿ ರೋಡ್​ಶೋ ನಡೆಸುವ ಮಾರ್ಗದಲ್ಲಿ ಕಲಾತಂಡಗಳು ನೃತ್ಯ ಮಾಡುವ ಮೂಲಕ ಮೆರಗು ತಂದಿವೆ.

ಮತ್ತೊಂದು ಕಡೆ ಹಿರಿಯರು ತಮ್ಮ ಕುಟುಂಬ ಸಮೇತವಾಗಿ ರೋಡ್​ಶೋ ಮಾರ್ಗದಲ್ಲಿ ಬಂದು ಕಾಯುತ್ತಿದ್ದಾರೆ. ರೋಡ್​ಶೋ ಮಾರ್ಗದಲ್ಲಿ ಬಿಗಿ ಪೊಲೀಸ್ ಭದ್ರತೆ ಕೈಗೊಳ್ಳಲಾಗಿದೆ.

ಮಳೆ ಬಂದರೂ ಪರವಾಗಿಲ್ಲ. ನಾವು ಮಾತ್ರ ಮೋದಿ ಅವರನ್ನು ನೋಡದೇ ಹೋಗಲ್ಲ ಎಂದು ಯುವತಿ ನ್ಯೂಸ್ 18ಗೆ ಹೇಳಿದ್ದಾಳೆ.

ರಸ್ತೆ ಮೂಲಕ ನ್ಯೂ ತಿಪ್ಪಸಂದ್ರಕ್ಕೆ  ತೆರಳಲಿರುವ ಪ್ರಧಾನಿಗಳು ನಾಡಪ್ರಭು ಕೆಂಪೇಗೌಡರ ಪ್ರತಿಮೆಗೆ ಮಾಲಾರ್ಪಣೆ ಮಾಡಲಿದ್ದಾರೆ. ಈ ಮೊದಲು ಹೆಲಿಕಾಪ್ಟರ್ ಮೂಲಕ ಪ್ರಯಾಣಿಸೋದು ನಿಗದಿಯಾಗಿತ್ತು. ಮಳೆಯಾಗುತ್ತಿರುವ ಹಿನ್ನೆಲೆ ರಸ್ತೆ ಮೂಲಕ ತೆರಳಲಿದ್ದಾರೆ.

ಇದು 6.5 ಕಿ.ಮೀ ರೋಡ್​ಶೋ ಇದಾಗಿದ್ದು, HAL ಬಳಿಯ ಸುರಂಜನ್ ದಾಸ್ ರಸ್ತೆಯಿಂದ ಶುರುವಾಗಲಿದೆ. ರೋಡ್​​ಶೋ ಹಿನ್ನೆಲೆ 20 ರಸ್ತೆಗಳಲ್ಲಿ ಬೆಂಗಳೂರು ಪೊಲೀಸರು (Bengaluru Police) ಸಂಚಾರ ನಿರ್ಬಂಧಿಸಿದ್ದಾರೆ.