Mobile Ban: ರಾಜ್ಯದ ದೇವಾಲಯಗಳಲ್ಲಿ ಮೊಬೈಲ್ ಬಳಕೆಗೆ ಬ್ರೇಕ್! ಶೀಘ್ರವೇ ಫೋನ್ ಬ್ಯಾನ್ ರೂಲ್ಸ್ ಜಾರಿ!?

ತಮಿಳಿನಾಡಿನ ದೇವಾಲಯಗಳಲ್ಲಿ ಮೊಬೈಲ್ ಬಳಕೆ ನಿಷೇಧ ಮಾಡಲಾಗಿದೆ. ಇದೀಗ ತಮಿಳುನಾಡಿನ ಹಾಗೇ ರಾಜ್ಯದಲ್ಲಿಯೂ ಮೊಬೈಲ್ ಬ್ಯಾನ್ ಮಾಡಲು ಒತ್ತಾಯ ಕೇಳಿಬಂದಿದೆ.

ದೇವಾಲಯಗಳ ಅಂಗಳದಲ್ಲಿ ಮೊಬೈಲ್ ಬಳಕೆಗೆ ಅನುಮತಿ ಕೊಡಬೇಡಿ ಎಂದು ಅಖಿಲ ಕರ್ನಾಟಕ ಹಿಂದೂ ದೇವಾಲಯಗಳ ಅರ್ಚಕರ ಒಕ್ಕೂಟ ಆಗ್ರಹಿಸಿದೆ.

ಮುಜರಾಯಿ ಸಚಿವೆ ಶಶಿಕಲಾ ಜೊಲ್ಲೆ ಅವರಿಗೆ ಅಖಿಲ ಕರ್ನಾಟಕ ಹಿಂದೂ ದೇವಾಲಯಗಳ ಅರ್ಚಕರ ಒಕ್ಕೂಟದ ವತಿಯಿಂದ ಪತ್ರದ ಮೂಲಕ ಮನವಿ ಮಾಡಲಾಗಿದೆ.

ಬ್ಯಾನ್ ಮಾಡದೇ ಇದ್ರೆ ಮುಂದಿನ ದಿನಗಳಲ್ಲಿ ಕೋರ್ಟ್ ಮೆಟ್ಟಿಲೇರೋ ನಿರ್ಧಾರ ಮಾಡಿರುವುದಾಗಿ ಒಕ್ಕೂಟದ ಸದಸ್ಯರು ಹೇಳಿದ್ದಾರೆ.

ಅರ್ಚನೆ ಮಾಡುತ್ತಿರುವಾಗ ಮಂತ್ರಗಳ ಉಚ್ಚಾರಣೆ ಮಾಡುವಾಗ ಮೊಬೈಲ್​ನಲ್ಲಿ ಕೆಲವರು ಹಾಡುಗಳನ್ನು ಹಾಕುತ್ತಾರೆ. ಇದ್ರಿಂದ ಧಾರ್ಮಿಕ ಕಾರ್ಯಗಳಿಗೆ ಅಡಚಣೆ ಆಗ್ತಿದೆ ಎಂದು ಅರ್ಚಕರು ದೂರಿದ್ದಾರೆ.

ಅಲ್ಲದೆ ಅಶ್ಲೀಲರಿಂಗ್ ಟೋನ್ ಗಳ ಕಿರಿಕಿರಿ, ಭಕ್ತಾದಿಗಳು ಧ್ಯಾನ ಮಾಡುವಾಗ, ಹೆಣ್ಣು ಮಕ್ಕಳ ಫೋಟೋ ತೆಗೆಯುವುದು ಹೀಗೆ ಕೆಲವರು ಕಿಡಿಗೇಡಿ ಕೆಲಸ ಮಾಡ್ತಿದ್ದಾರೆ.

ದೇಗುಲಕ್ಕೆ ಬರುವ ಭಕ್ತರು ಹೆಚ್ಚಾಗಿ ಮೊಬೈಲ್ ಬಳಸುವುದರಿಂದ ಇತರರಿಗೆ ತೊಂದರೆಯಾಗುತ್ತದೆ. ದೇವರ ಫೋಟೋ ತೆಗೆಯುವುದು, ಸೆಲ್ಫಿ ಹುಚ್ಚಾಟಗಳು ಹೆಚ್ಚಾಗಿದೆ.

ಹೀಗಾಗಿ ದೇಗುಲಗಳಲ್ಲಿ ಮೊಬೈಲ್ ಬಳಕೆಗೆ ಕಡಿವಾಣ ಹಾಕಲೇಬೇಕಿದೆ ಎಂದು ಅರ್ಚಕರ ಒಕ್ಕೂಟ ಆಗ್ರಹಿಸಿದೆ.