ಕರ್ನಾಟಕದ 6 ನೇ ವಿಮಾನ ನಿಲ್ದಾಣ ಕಲಬುರ್ಗಿ ಆರಂಭ; ಇಲ್ಲಿದೆ ರಾಜ್ಯದ ಅತಿ ಉದ್ದದ ರನ್ ವೇ

ಸಿಎಂ ಬಿ.ಎಸ್​.ಯಡಿಯೂರಪ್ಪ ಇಂದು ಕಲಬುರ್ಗಿ ವಿಮಾನ ನಿಲ್ದಾಣವನ್ನು ಲೋಕಾರ್ಪಣೆಗೊಳಿಸಿದರು. ಇದರೊಂದಿಗೆ ಕಲ್ಯಾಣ ಕರ್ನಾಟಕದ ಬಹುವರ್ಷದ ಕನಸು ನನಸಾಗಿದೆ.

ವಿಮಾನ ನಿಲ್ದಾಣ ಉದ್ಘಾಟನೆ ಕಾರ್ಯಕ್ರಮದಲ್ಲಿ ಸಿಎಂ ಬಿಎಸ್​ವೈ ಜೊತೆಗೆ ಗೃಹ ಸಚಿವ ಬಸವರಾಜ್​ ಬೊಮ್ಮಾಯಿ, ಉಪಮುಖ್ಯಮಂತ್ರಿ ಗೋವಿಂದ್ ಕಾರಜೋಳ, ಕೈಗಾರಿಕಾ ಸಚಿವ ಜಗದೀಶ ಶೆಟ್ಟರ್, ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಮುರಳೀಧರ ರಾವ್, ಸಂಸದ ಉಮೇಶ್ ಜಾಧವ್ ಮತ್ತಿತರರು ಮತ್ತಿತರರು ಭಾಗಿಯಾಗಿದ್ದರು.

ಮಾ.27, 2007ರಂದು ಕಲಬುರ್ಗಿ ವಿಮಾನ ನಿಲ್ದಾಣ ನಿರ್ಮಾಣಕ್ಕೆ ರಾಜ್ಯ ಸರ್ಕಾರದಿಂದ ಅನುಮೋದನೆ ನೀಡಿತ್ತು. ಜೂ.14, 2008 ರಂದು ಸಿಎಂ ಬಿಎಸ್​ ಯಡಿಯೂರಪ್ಪ ಕಾಮಗಾರಿಗೆ ಅಡಿಗಲ್ಲು ಹಾಕಿದ್ದರು.  ಈಗ ಅವರೇ ಏರ್​​ಪೋರ್ಟ್​​​ ಉದ್ಘಾಟನೆ ಮಾಡಿರುವುದು ವಿಶೇಷ ಸಂಗತಿ.

ಕೇಂದ್ರದ ‘ಉಡಾನ್’ ಯೋಜನೆಯಡಿ ಕಲಬುರ್ಗಿ ಏರ್​ಪೋರ್ಟ್ ನಿರ್ಮಾಣವಾಗಿದೆ. 742 ಎಕರೆ ಭೂ ಪ್ರದೇಶದಲ್ಲಿ 230 ಕೋಟಿ ರೂ. ಖರ್ಚಿನಲ್ಲಿ ಏರ್​ಪೋರ್ಟ್ ನಿರ್ಮಾಣ ಆಗಿದೆ. ವಿಮಾನ ನಿಲ್ದಾಣ ನಿರ್ಮಾಣಕ್ಕೆ ರಾಜ್ಯ ಸರ್ಕಾರದಿಂದಲೇ 175.57 ಕೋಟಿ ರೂ. ವೆಚ್ಚ ಮಾಡಲಾಗಿದೆ.

ಸ್ಟಾರ್​ ಏರ್​ಲೈನ್ಸ್​ ಕಲಬುರ್ಗಿಗೆ ಬಂದಿಳಿದ ಮೊದಲ ವಿಮಾನವಾಗಿದೆ. ವಾರಕ್ಕೆ  3 ದಿನ ಸ್ಟಾರ್ ಏರ್​ಲೈನ್ಸ್​ನಿಂದ ವಿಮಾನ ಸೇವೆ ಇರಲಿದೆ. ಬೆಂಗಳೂರು, ತಿರುಪತಿ, ದೆಹಲಿ ಮಾರ್ಗದಲ್ಲಿ ವಿಮಾನ ಸೇವೆ ಇದೆ.
ಕಲಬುರ್ಗಿ-ಬೆಂಗಳೂರಿಗೆ ಪ್ರಯಾಣ ದರ 2,850 ರೂ. ನಿಗದಿ ಮಾಡಲಾಗಿದೆ.

ರಾಜ್ಯದಲ್ಲಿ 2ನೇ ಅತಿ ಉದ್ದದ ರನ್​ ವೇ ಹೊಂದಿದೆ. ದೇಶದಲ್ಲೇ 10ನೇ ಅತಿ ಉದ್ದದ ರನ್​ ವೇ ಇದಾಗಿದೆ. ರಾಜ್ಯದ 6ನೇ ನಾಗರಿಕ ವಿಮಾನ ನಿಲ್ದಾಣ ಕಲಬುರ್ಗಿ ವಿಮಾನ ನಿಲ್ದಾಣವಾಗಿದೆ.

ಕಲಬುರ್ಗಿ ವಿಮಾನ ನಿಲ್ದಾಣ ಉದ್ಘಾಟನೆ ಕಾರ್ಯಕ್ರಮದಲ್ಲಿ ಸಿಎಂ ಬಿಎಸ್​​ ಯಡಿಯೂರಪ್ಪ ಮತ್ತಿತರರು

ಕಲಬುರ್ಗಿ ವಿಮಾನ ನಿಲ್ದಾಣಕ್ಕೆ ಬಂದಿಳಿದ ಸಿಎಂ ಬಿಎಸ್​  ಯಡಿಯೂರಪ್ಪನವರನ್ನುಸ್ವಾಗತಿಸುತ್ತಿರುವ ಅಧಿಕಾರಿಗಳು