BS Yediyurappa: ಶಿಥಿಲಾವಸ್ಥೆ ತಲುಪಿದ ಬಿ ಎಸ್ ಯಡಿಯೂರಪ್ಪ ಓದಿದ ಶಾಲೆ

ಮಂಡ್ಯದ ಹಳೆ ನಗರದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಯಡಿಯೂರಪ್ಪ ಅವರು ಓದಿದ ಮೊದಲ ಪಾಠ ಶಾಲೆ ಇದೆ. 1954 ರಲ್ಲಿ ಬಿಎಸ್ ಯಡ್ಡಿಯೂರಪ್ಪ 1 ನೇ ತರಗತಿಗೆ ಈ ಶಾಲೆಯಲ್ಲಿ ದಾಖಲಾಗಿದ್ರು.

ಬಳಿಕ 1 ರಿಂದ 3ನೇ ತರಗತಿವರೆಗೆ ಯಡ್ಡಿಯೂರಪ್ಪ ಈ ಶಾಲೆಯಲ್ಲಿ ವ್ಯಾಸಂಗಮಾಡಿದ್ದಾರೆ. ಹೀಗಾಗಿ ಮಂಡ್ಯದಲ್ಲಿ ಈ ಶಾಲೆಯನ್ನ ಯಡ್ಡಿಯೂರಪ್ಪ ಓದಿದ ಶಾಲೆ ಎಂದೆ ಕರೆಯುತ್ತಾರೆ.

ಯಡ್ಡಿಯೂರಪ್ಪ ಅವರು ಓದಿದ ಈ ಶಾಲೆಗೆ ಮೂಲಭೂತ ಸೌಕರ್ಯದ ಕೊರತೆ ಇದೆ. ಮಳೆ ಬಂದ್ರೆ ಸಾಕು ಶಾಲೆಯ ಆವರಣ ಕೆರೆಯಾಗಿ ಮಾರ್ಪಾಡಾಗುತ್ತದೆ. ಶಾಲೆಗೆ ಮಕ್ಕಳು ಬರಲು ಪರದಾಡುವಂತ ಪರಿಸ್ಥಿತಿ ನಿರ್ಮಾಣವಾಗುತ್ತದೆ.
ಯಡ್ಡಿಯೂರಪ್ಪ ಅವರು ಓದಿದ ಈ ಶಾಲೆಗೆ ಮೂಲಭೂತ ಸೌಕರ್ಯದ ಕೊರತೆ ಇದೆ. ಮಳೆ ಬಂದ್ರೆ ಸಾಕು ಶಾಲೆಯ ಆವರಣ ಕೆರೆಯಾಗಿ ಮಾರ್ಪಾಡಾಗುತ್ತದೆ. ಶಾಲೆಗೆ ಮಕ್ಕಳು ಬರಲು ಪರದಾಡುವಂತ ಪರಿಸ್ಥಿತಿ ನಿರ್ಮಾಣವಾಗುತ್ತದೆ.

ಮತ್ತೊಂದು ಕಡೆ ಹಳೆ ಶಾಲೆಯಾಗಿದ್ರಿಂದ ಶಾಲೆಯ ಗೋಡೆಗಳು ಕುಸಿಯುವ ಹಂತದಲ್ಲಿದೆ. ಅಷ್ಟೇ ಅಲ್ಲದೆ ಈಗಾಗಲೇ ಶಾಲೆಯ ಹಲವು ಭಾಗದ ಹೆಂಚುಗಳು ನೆಲಕ್ಕುರುಳಿವೆ.

ಇನ್ನು ಈ ಬಗ್ಗೆ ಶಾಲೆಯ ಶಿಕ್ಷಕ ನಾಗರಾಜು ಹೇಳುವ ಪ್ರಕಾರ, ಹಲವು ಬಾರಿ ದುರಸ್ತಿ ಕಾರ್ಯಕ್ಕೆ ಮನವಿ ಮಾಡಿದರೂ ಯಾರು ಕ್ರಮ ಕೈಗೊಳ್ತಿಲ್ಲ ಅಂತಿದ್ದಾರೆ.

ಶಾಲೆಯ ಆವರಣದಲ್ಲಿ ನೀರು ತುಂಬಿಕೊಳ್ಳುವ ಬಗ್ಗೆ ನಗರಸಭೆಯ ಅಧಿಕಾರಿಗಳಿಗೆ ತಿಳಿಸಿದ್ರು ಏನು ಪ್ರಯೋಜನವಾಗ್ತಿಲ್ಲ.

ಆದ್ರೆ ಶಾಲಾ ಮಕ್ಕಳು ಮಾತ್ರ ಸಮಸ್ಯೆಯ ಜೊತೆಯಲ್ಲೇ ಪಾಠ ಕೇಳುವಂತಾಗಿದೆ ಎಂದಿದ್ದಾರೆ. ಅಲ್ಲದೆ ಈ ಶಾಲೆಯಲ್ಲಿ ಸಾರ್ವಜನಿಕ ಶಿಕ್ಷಣ ಇಲಾಖೆಯ 45 ವಿದ್ಯಾರ್ಥಿಗಳು ಹಾಗೂ ಅಲ್ಪ ಸಂಖ್ಯಾತರ ಕಲ್ಯಾಣ ಇಲಾಖೆಯ ಮೌಲಾನ ಶಾಲೆಯ 150ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ವ್ಯಾಸಂಗ ಮಾಡ್ತಿದ್ದಾರೆ.

ಒಟ್ಟಾರೆ ರಾಜ್ಯದಲ್ಲಿ ಒಬ್ಬ ಮುಖ್ಯಂತ್ರಿಯನ್ನ ಕೊಡುಗೆಯಾಗಿ ನೀಡಿದ ಈ ಶಾಲೆ ಇಂದು ಅಳಿವಿನಂಚಿನಲ್ಲಿ ಇರೋದು ವಿಪರ್ಯಾಸವಾಗಿದೆ. ಇನ್ನಾದ್ರು ಸಂಬಂಧಪಟ್ಟ ಅಧಿಕಾರಿಗಳು ಯಡ್ಡಿಯೂರಪ್ಪ ಅವರ ನೆನಪಿನ ಬಾಲ್ಯದ ಶಾಲೆಯನ್ನ ಉಳಿಸುವಂತ ಕೆಲಸ ಮಾಡಬೇಕಿದೆ.