Karnataka Election: ವೋಟ್​ ಮೊದಲು ಆಮೇಲೆ ಮದುವೆ!

ಶಿವಮೊಗ್ಗ, ಚಿಕ್ಕಮಗಳೂರು ಹಾಗು ಉಡುಪಿ ಎಲ್ಲೆಡೆ ಇಂದು ಮದುವೆ ಇತ್ತು ವಧು ಹಾಗು ವರ ಇಬ್ಬರು ಮದುವೆ ಮಂಟಪಕ್ಕೆ ತೆರಳುವ ಮುನ್ನ ತಮ್ಮ ಮತಚಲಾಯಿಸಿದ್ದಾರೆ.

ತಾಳಿ ಕಟ್ಟುವ ಮುನ್ನ ಮತ ಚಲಾಯಿಸಿದ ಮದುಮಗ ಶಿವಮೊಗ್ಗದವರಾಗಿದ್ದಾರೆ. ಇವರು ತಮ್ಮ ಜವಾಬ್ಧಾರಿಯನ್ನು ನಿರ್ವಹಿಸಿದ್ದಾರೆ. ವೋಟ್​ ಮಾಡಿದ ಫೋಟೋ ಹಂಚಿಕೊಂಡಿದ್ದಾರೆ.

ತಾಳಿ ಕಟ್ಟಿಸಿಕೊಳ್ಳುವ ಮುನ್ನವೇ ರೆಡಿಯಾಗಿ ನೇರವಾಗಿ ಮತಗಟ್ಟೆಗೆ ವಧು ಆಗಮಿಸಿ ತನ್ನ ಮತ ಚಲಾಯಿಸಿದ್ದಾಳೆ. ಈ ಫೋಟೋ ಹಂಚಿಕೊಂಡಿದ್ದಾರೆ.

ಜೀವನದಲ್ಲಿ ಎಷ್ಟೇ ಮುಖ್ಯ ಘಟನೆ ಇದ್ದರೂ ಕೂಡಾ ನಮ್ಮ ಹಕ್ಕನ್ನು ನಾವು ಚಲಾಯಿಸಲೇ ಬೇಕು ಎಂಬುದನ್ನು ಈ ವಧು ವರರು ತೋರಿಸಿಕೊಟ್ಟಿದ್ದಾರೆ.

ಕಾಪು ಕ್ಷೇತ್ರದ ಪಲಿಮಾರು ಗ್ರಾಮ ಪಂಚಾಯತ್ ನ ಅವರಾಲು ಮಟ್ಟು ಮತಗಟ್ಟೆಯಲ್ಲಿ ಮತ ಚಲಾವಣೆ ಮಾಡಿದ್ದಾರೆ ನಂತರ ನವ ವಧು ಮೆಲಿಟಾ ಚರ್ಚ್​​ಗೆ ತೆರಳಿದ್ದಾರೆ. 

ಸಾಗರ ಶಿವಪ್ಪನಗರ ಬಡಾವಣೆಯ ನಾರಾಯಣ್ ಅವರ ಪುತ್ರ ವಿನೋದ್ ಕುಮಾರ್ ಮತ ಚಲಾವಣೆ ಮಾಡಿದ್ದಾರೆ.

ವಿನೋದ್ ಅವರ ವಿವಾಹ ರಿಪ್ಪನ್ ಪೇಟೆಯಲ್ಲಿ ಪಲ್ಲವಿ ಎಂಬವರೊಂದಿಗೆ ಇಂದು ನಿಶ್ಚಯವಾಗಿತ್ತು.