Traffic Fines: 50% ಡಿಸ್ಕೌಂಟ್​​ ದಂಡ ಕಟ್ಟಲು ಬಂದ ಬೆಂಗಳೂರು ಸವಾರರಿಗೆ ಬಿಗ್​ ಶಾಕ್​​! ಪೊಲೀಸರಿಗೆ ಹೊಸ ತಲೆನೋವು

ಬೆಂಗಳೂರು: ಬೆಂಗಳೂರಿನಲ್ಲಿ 50ರಷ್ಟು ರಿಯಾಯತಿ ದಂಡ ಕಟ್ಟಲು ಬಂದವರಿಗೆ ಶಾಕ್ ಆಗಿದೆ ಕಾರಣ ಫೇಕ್ ಪ್ಲೇಟ್ ಧರಿಸಿ ಓಡಾಡುವ ಸಂಖ್ಯೆ ಹೆಚ್ಚಾಗಿದ್ದು ಪೊಲೀಸರಿಗೆ ತಲೆನೋವಾಗಿದೆ.

ಯಾರೋ ಮಾಡಿದ ತಪ್ಪಿಗೆ ಇನ್ಯಾರೋ ಶಿಕ್ಷೆ ಅನುಭವಿಸುವಂತಾಗಿದೆ. ಹೌದು, ರಾಜ್ಯ ಸರ್ಕಾರ ಟ್ರಾಫಿಕ್​​ ನಿಯಮಗಳ ಉಲ್ಲಂಘನೆ ಮಾಡಿದವರಿಗೆ ದಂಡ ಪಾವತಿ ಮಾಡಲು ಫೆ.11ರ ವರೆಗೂ ಡಿಸ್ಕೌಂಟ್ ನೀಡಿ ಅವಕಾಶ ನೀಡಿದೆ. ಇದರಿಂದ ಹಲವರು ತಮ್ಮ ಬೈಕ್​ ಮೇಲಿರುವ ದಂಡ ಪಾವತಿ ಮಾಡಲು ಮುಂದಾಗುತ್ತಿದ್ದು, ಆದರೆ ಹಲವು ಬೈಕ್​ ಸವಾರರಿಗೆ ನಕಲಿ ನಂಬರ್ ಪ್ಲೇಟ್​ ಹಾವಳಿ ಶಾಕ್ ನೀಡಿದೆ.

ಈ ಕುರಿತಂತೆ ಪೊಲೀಸರಿಗೆ ದೂರು ನೀಡಿರುವ ಹಲವು ಸಾರ್ವಜನಿಕರು ಪೊಲೀಸರಿಗೆ ದೂರು ನೀಡಿದ್ದು, ಬೇರೆ ಯಾರೋ ಮಾಡಿದ ತಪ್ಪಿಗೆ ನಾವು ಏಕೆ ದಂಡ ಕಟ್ಟಬೇಕು ಎಂದು ಪ್ರಶ್ನೆ ಮಾಡಿದ್ದಾರೆ.

ಈ ಕುರಿತಂತೆ ಮಾಧ್ಯಮಗಳೊಂದಿಗೆ ಮಾತನಾಡಿರುವ ಬೆಂಗಳೂರು ನಿವಾಸಿ ನಂದಕುಮಾರಿ ಎನ್ನುವವರು, ನಮ್ಮ ಬೈಕ್ ನಂಬರ್ ಬಳಸಿ ಬೇರೆಯವರು ಓಡಿಸ್ತಿದ್ದಾರೆ. ಈ ಬಗ್ಗೆ ಮೊದಲೇ ಪೊಲೀಸರಿಗೆ ದೂರು ಕೊಟ್ಟಿದ್ದೆ. ಬೈಕ್​ ಮೇಲೆ ನಮಗೆ 16 ಸಾವಿರ ರೂಪಾಯಿ ದಂಡ ಬಂದಿದೆ. ಆದರೆ ನಮ್ಮದು ಸಿಗ್ನಲ್ ಜಂಪ್ ಅಷ್ಟೇ ಇರೋದು. ನಮ್ಮ ನಂಬರ್ ಬಳಸಿ ಬೇರೆ ಯಾರೋ ಓಡಾಡಿ ರೂಲ್ಸ್ ಬ್ರೇಕ್ ಮಾಡಿರುವುದರಿಂದ ಹೆಚ್ಚು ದಂಡ ನಮಗೆ ಬಂದಿದೆ. ಈ ಬಗ್ಗೆ ದೂರು ಕೊಡಲು ಬಂದಿದ್ದೇನೆ. ಪೊಲೀಸರನ್ನು ಕೇಳಿದರೆ ದಂಡ ಕ್ಯಾನ್ಸಲ್ ಮಾಡಿಸಲು ಆಗಲ್ಲ, ಪತ್ತೆ ಮಾಡುತ್ತೇವೆ ಅಂತ ಹೇಳಿದ್ದಾರೆ. ನಮಗೆ ಈಗ ಏನು ಮಾಡ್ಬೇಕು ಅಂತ ತಿಳಿಯುತ್ತಿಲ್ಲ ಎಂದು ಅಸಹಾಯಕತೆ ವ್ಯಕ್ತಪಡಿಸಿದ್ದಾರೆ.

ಇನ್ನು, ಭವಾನಿ ಎಂಬವರು ಮಾತನಾಡಿ, ನನ್ನ ಬೈಕ್ ನಂಬರ್ ಪ್ಲೇಟ್ ಬಳಸಿ ಬೇರೆಯವರು ಟ್ರಾಫಿಕ್ಸ್​ ರೂಲ್ಸ್​ ಬ್ರೇಕ್ ಮಾಡಿದ್ದಾರೆ. ದಂಡ ಕಟ್ಟೋಣ ಅಂತ ಇವತ್ತು ನೋಡಿದಾಗ ನನಗೆ ಗೊತ್ತಾಗಿದೆ. ಸೇಮ್ ನಂಬರ್ ಇದೆ, ಮಹಿಳೆಯೊಬ್ಬರು ಬೈಕ್ ಓಡಿಸ್ತಿದ್ದಾರೆ‌. ಈ ಬಗ್ಗೆ ದೂರು ಕೊಡಲು ಬಂದಿದ್ದೇನೆ ಎಂದು ತಿಳಿಸಿದರು.

ದಂಡ ಪಾವತಿ ಮಾಡಲು ಬಂದ ವೇಳೆ ನಕಲಿ ನಂಬರ್ ಪ್ಲೇಟ್ ಗಳ ಹಾವಳಿ ಬೆಳಕಿಗೆ ಬರುತ್ತಿದ್ದು, ಹಲವು ವಾಹನ ಸವಾರರು ನಾವು ದಂಡ ಪಾವತಿ ಮಾಡೋದಿಲ್ಲ ಅಂತಿದ್ದಾರೆ. ಅಲ್ಲದೆ ನಮ್ಮ ಸಮಸ್ಯೆ ಬಗೆಹರಿಸಿ ಅಲ್ಲಿವರೆಗೂ 50 ಪರ್ಸೆಂಟ್​ ಡಿಸ್ಕೌಂಟ್​ ಅವಕಾಶವನ್ನು ವಿಸ್ತರಿಸುವಂತೆ ಒತ್ತಾಯ ಮಾಡಿದ್ದಾರೆ.

ನಕಲಿ ನಂಬರ್ ಪ್ಲೇಟ್​ ದೂರುಗಳು ಹೆಚ್ಚಾಗುತ್ತಿದ್ದಂತೆ ಎಚ್ಚೆತ್ತುಕೊಂಡಿರುವ ಪೊಲೀಸ್ ಇಲಾಖೆ, ನಕಲಿ ನಂಬರ್ ಪ್ಲೇಟ್ ಗಳ ಪ್ರಕರಣಗಳನ್ನು ಪತ್ತೆ ಮಾಡುತ್ತೇವೆ. ಅಂತವರ ವಿರುದ್ದ ಕ್ರಿಮಿನಲ್ ಕೇಸ್ ದಾಖಲು ಮಾಡಲು ಸಹಕಾರಿಯಾಗುತ್ತೆ ಅಂತಿದೆ. (ಸಾಂದರ್ಭಿಕ ಚಿತ್ರ)

ದಂಡಪಾವತಿ ವೇಳೆ ಇಂತಹ ಸಮಸ್ಯೆಗಳು ಬಂದರೆ ಟ್ರಾಫಿಕ್ ಮ್ಯಾನೇಜ್ಮೆಂಟ್ ಸೆಂಟರ್ ನಲ್ಲಿ ಪರಿಶೀಲಿಸಲು ಸೂಚನೆ ನೀಡಲಾಗುತ್ತಿದೆ. ಎರಡು ದಿನ ನೋಡಿಕೊಂಡು ದಂಡ ಪಾವತಿ ಮಾಡುವ ಕಾಲಾವಧಿಯನ್ನು ವಿಸ್ತರಿಸುವ ಬಗ್ಗೆ ಚಿಂತನೆ ಮಾಡುತ್ತೇವೆ. ಈ ಬಗ್ಗೆ ಸರ್ಕಾರದ ಗಮನಕ್ಕೆ ತಂದು ಚರ್ಚಿಸಲಾಗುವುದು ಎಂದು ಟ್ರಾಫಿಕ್ ಸ್ಪೆಷಲ್ ಕಮಿಷನರ್ ಎಂಎ ಸಲೀಂ ತಿಳಿಸಿದ್ದಾರೆ. (ಸಾಂದರ್ಭಿಕ ಚಿತ್ರ)