Husband Murder: ಸೆಕ್ಸ್ ವಿಚಾರವಾಗಿ ಗಂಡನ ಅತಿರೇಕದ ವರ್ತನೆಗೆ ಬೇಸತ್ತು ಕೊಲೆ ಮಾಡಿದ 2ನೇ ಹೆಂಡತಿ!

ರಿಯಲ್ ಎಸ್ಟೇಟ್ ಉದ್ಯಮಿ ಆಗಿರುವ ನನ್ನ ಗಂಡ ತನಗೆ ಲೈಂಗಿಕ ಕಿರುಕುಳ ನೀಡುತ್ತಿದ್ದರು. ಸೆಕ್ಸ್ ವಿಚಾರವಾಗಿ ಅತಿರೇಕದ ವರ್ತನೆಯಿಂದ ಬೇಸತ್ತು ಕೊಲೆ ಮಾಡಿರೋದಾಗಿ ಆರೋಪಿ ಹೇಳಿಕೊಂಡಿದ್ದಾರೆ. (ಸಾಂದರ್ಭಿಕ ಚಿತ್ರ)

ಇನ್ನು ಮಗನನ್ನು ಕೊಲೆ ಮಾಡಿದ ಸೊಸೆ ವಿರುದ್ಧ ಮಾವ ಠಾಣೆಗೆ ದೂರು ನೀಡಿದ್ದಾರೆ. ತಾನು ಮತ್ತು ತನ್ನ ಮಗ ಗಳಿಸಿದ ಆಸ್ತಿಯನ್ನೆಲ್ಲಾ ಕಬಳಿಸಲು ಸೊಸೆ ನೇತ್ರಾ ಮುಂದಾಗಿದ್ದಳು ಎಂದು ಆರೋಪಿಸಿ ಮೃತ ರಾಜ್ ತಂದೆ ಬಸವರಾಜು ಪೊಲೀಸರಿಗೆ ದೂರು ನೀಡಿದ್ದಾರೆ. (ಸಾಂದರ್ಭಿಕ ಚಿತ್ರ)

ಮಾವ ಬಸವರಾಜು ಪ್ರಕಾರ, ರಾಜ್ 25 ವರ್ಷಗಳ ಹಿಂದೆ ಟಿ.ಆರ್.ಸತ್ಯಕುಮಾರಿ ಎಂಬುವರನ್ನು ವಿವಾಹವಾಗಿದ್ದರು. ಅವರಿಗೆ ಇಬ್ಬರು ಮಕ್ಕಳಿದ್ದರು. ಬಳಿಕ ಬ್ಯೂಟಿಷಿಯನ್ ನೇತ್ರಾ ಅವರ ಪರಿಚಯವಾಗಿ 6 ವರ್ಷಗಳ ಹಿಂದೆ 2ನೇ ವಿವಾಹವಾಗಿದ್ದರು. (ಸಾಂದರ್ಭಿಕ ಚಿತ್ರ)

ನನ್ನ ಮಗ ನನ್ನನ್ನು ಭೇಟಿ ಮಾಡಿ ನೇತ್ರಾ ಬಗ್ಗೆ ದೂರು ಹೇಳುತ್ತಿದ್ದ. 2ನೇ ಹೆಂಡತಿ ಕಳೆದ ಒಂದು ವರ್ಷದಿಂದ ಆತನಿಗೆ ಕಿರುಕುಳ ನೀಡುತ್ತಿದ್ದಳು. ರಾಜ್ ಬೆಳಿಗ್ಗೆ 9.30ಕ್ಕೆ ನನ್ನ ಮನೆಗೆ ಬಂದು ಕೆಲ ಸಮಸ್ಯೆಗಳ ಬಗ್ಗೆ ಹೇಳಿದ್ದ. (ಸಾಂದರ್ಭಿಕ ಚಿತ್ರ)

ರಾತ್ರಿ 11 ಗಂಟೆಗೆ ನಾನು ಅವರಿಗೆ ಕರೆ ಮಾಡಿದರೂ ಅವರು ಪ್ರತಿಕ್ರಿಯಿಸಲಿಲ್ಲ. ನಾನು ಮಗನ ನಿವಾಸಕ್ಕೆ ಧಾವಿಸಿ ನೋಡಿದಾಗ ನನ್ನ ಮಗ ರಕ್ತದ ಮಡುವಿನಲ್ಲಿ ಬಿದ್ದಿರುವುದನ್ನು ಕಂಡೆ. ಆತನ ತಲೆಗೆ ತೀವ್ರ ಪೆಟ್ಟಾಗಿತ್ತು. ನಾನು ಮನೆಗೆ ನುಗ್ಗಿದ ಕೂಡಲೇ ನೇತ್ರಾ ಕಬ್ಬಿಣದ ರಾಡ್ ಹಿಡಿದು ಸ್ಥಳದಿಂದ ಪರಾರಿಯಾಗಿದ್ದಾಳೆ ಎಂದು ಬಸವರಾಜು ದೂರಿನಲ್ಲಿ ತಿಳಿಸಿದ್ದಾರೆ. (ಪ್ರಾತಿನಿಧಿಕ ಚಿತ್ರ)

ನೇತ್ರಾ ನನ್ನ ಗಂಡ ರಾಜ್ ಅವರ ಆಸ್ತಿಯನ್ನು ಸ್ವಾಧೀನಪಡಿಸಿಕೊಳ್ಳಲು ಕೊಲೆ ಮಾಡಿದ್ದಾಳೆ ಎಂದು ಮೊದಲ ಪತ್ನಿ ಸತ್ಯಕುಮಾರಿ ಕೂಡ ಆರೋಪಿಸಿದ್ದಾರೆ. ಹಾರೋಕ್ಯಾತನಹಳ್ಳಿಯಲ್ಲಿ ನಾಗೇಶ್ ಎಂಬುವರಿಗೆ ಸೇರಿದ ಎರಡು ಎಕರೆಯಲ್ಲಿ ರಾಜ್ ಬಡಾವಣೆ ಅಭಿವೃದ್ಧಿಪಡಿಸಿದ್ದರು. ಬಳಿಕ ಆರು ನಿವೇಶನಗಳನ್ನು ತನ್ನ ಬಳಿ ಇಟ್ಟುಕೊಂಡು ಆಸ್ತಿಯನ್ನು ನಾಗೇಶ್ಗೆ ಹಿಂದಿರುಗಿಸಿದ್ದರು. (ಸಾಂದರ್ಭಿಕ ಚಿತ್ರ)

ಮೂರು ವರ್ಷಗಳ ಹಿಂದೆ ರಾಜ್ ಈ ನಿವೇಶನಗಳಲ್ಲಿ ಐಷಾರಾಮಿ ಮನೆ ಕಟ್ಟಿಕೊಂಡು ನೇತ್ರಾ ಜತೆ ವಾಸವಾಗಿದ್ದ.ಆದರೆ ಲೈಂಗಿಕವಾಗಿ ಗಂಡ ಕಾಟ ಕೊಡುತ್ತಿದ್ದಾನೆ ಎಂದು ಆರೋಪಿಸಿ ನೇತ್ರಾ ಗಂಡನ ಕೊಲೆ ಮಾಡಿದ್ದಾಳೆ. ಆದರೆ ಕೊಲೆ ಹಿಂದೆ ಆಸ್ತಿ ಕಬಳಿಕೆ ಆರೋಪ ಕೇಳಿ ಬಂದಿದೆ. (ಪ್ರಾತಿನಿಧಿಕ ಚಿತ್ರ)