ಐದನೇ ಮಹಡಿಯಿಂದ ಬಿದ್ದು ಎರಡು ವರ್ಷದ ಮಗು ಸಾವು

ದಿವ್ಯಾಂಶ್ ರೆಡ್ಡಿ ಮೃತ ಮಗು. ದಿವ್ಯಾಂಶ್ ಅಜ್ಜಿ ಕಳೆದ ಕೆಲ ದಿನಗಳಿಂದ ಬಾಡಿಗೆಗೆ ಹೊಸ ಮನೆ ಹುಡುಕುತ್ತಿದ್ದರು. ಇವತ್ತು ಸಹ ಮನೆ ನೋಡಲು ಹೊರಟಿದ್ದ ಅಜ್ಜಿ ಜೊತೆ ದಿವ್ಯಾಂಶ್ ತೆರಳಿದ್ದನು. (ಸಾಂದರ್ಭಿಕ ಚಿತ್ರ)

ಇನ್ವಸ್ಟೆಮೆಂಟ್ ಲೇಔಟ್ ನಲ್ಲಿರುವ ಅಪಾರ್ಟ್​ ಮೆಂಟ್ ನಲ್ಲಿ ಖಾಲಿ ಫ್ಲ್ಯಾಟ್ ಇರೋ ವಿಷಯ ತಿಳಿದು ಅಲ್ಲಿಗೆ ತೆರಳಿದ್ದರು, ಈ ವೇಳೆ ಅಜ್ಜಿ ಮನೆ ನೋಡುತ್ತಿರಬೇಕಾದ್ರೆ ಜೊತೆಯಲ್ಲಿದ್ದ ಕಂದಮ್ಮ 5ನೇ ಮಹಡಿಯಿಂದ ಕೆಳಗೆ ಬಿದ್ದಿದೆ.

ಆಯತಪ್ಪಿ ಬಿದ್ದು ಕೆಳಗೆ ಬಿದ್ದು ಮಗು ಸ್ಥಳದಲ್ಲಿಯೇ ಸಾವನ್ನಪ್ಪಿದೆ. ಅಪಾರ್ಟ್ ಮೆಂಟ್ ಸಿಬ್ಬಂದಿ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಈ ಸಂಬಂಧ ಎಲೆಕ್ಟ್ರಾನಿಕ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಸದ್ಯ ಮಗುವಿನ ಮೃತದೇಹವನ್ನು ಸಾರ್ವಜನಿಕ ಆಸ್ಪತ್ರೆಯಲ್ಲಿ ಇರಿಸಲಾಗಿದೆ, ದಿವ್ಯಾಂಶ್ ಪೋಷಕರು ಆಕ್ರಂದನ ಮುಗಿಲು ಮುಟ್ಟಿದೆ.

ಕೆಲ ದಿನಗಳ ಹಿಂದೆ ಮೈಸೂರಿನಲ್ಲಿ ತಿಳಿಯದೇ ಮೈ ಮೇಲೆ ಬಿಸಿ ನೀರು ಸುರಿದುಕೊಂಡು 2 ವರ್ಷದ ಆದ್ಯಾ ಪ್ರಾಣ ಬಿಟ್ಟಿದ್ದಳು. ಮೈಸೂರು ತಾಲೂಕಿನ ದಾಸನಕೊಪ್ಪಲು ಗ್ರಾಮದ ರಾಮು-ಜಯಲಕ್ಷ್ಮೀ ದಂಪತಿಯ ಪುತ್ರಿಯಾಗಿದ್ದಳು.