Supervisor Murder: ನಿಂಗೆ ಬೇಕಾದ ಯುವತಿಗೆ ಜಾಸ್ತಿ ಸಂಬಳ ಕೊಟ್ಟಿದ್ದೀಯಾ.. ನೌಕರನಿಂದ ಸೂಪರ್​​ವೈಸರ್​ ಕೊಲೆ!

ಬೆಂಗಳೂರಿನ ಕೊಟ್ಟಿಗೆಪಾಳ್ಯದಲ್ಲಿ ಕೇಶವ್(40) ಎಂಬುವರ ಕೊಲೆಯಾಗಿದೆ. ಕೊಲೆಯಾದ ಕೇಶವ್ ಹಾಗೂ ಆರೋಪಿ ಶಿವಣ್ಣ ಒಟ್ಟಿಗೆ ಮಾಲ್ಗುಡಿ ಫಾರ್ಮ್ಸ್ ನಲ್ಲಿ ಕೆಲಸ ಮಾಡುತ್ತಿದ್ದರು. ಕೇಶವ್ ಸೂಪರ್ ವೈಸರ್ ಆಗಿದ್ದರೆ, ಶಿವಣ್ಣ ಸಾಮಾನ್ಯ ನೌಕರನಾಗಿದ್ದ.

ಸೂಪರ್ ವೈಸರ್ ಕೇಶವ್ ಮಾಲ್ಗುಡಿ ಫಾರ್ಮ್ಸ್ ನಲ್ಲಿ ನೌಕರರಿಗೆ ಸಂಬಳ ನಿರ್ಧರಿಸುವ ಅಧಿಕಾರದಲ್ಲಿದ್ದರು. ಸಂಬಳ ವಿಚಾರವಾಗಿ ಇಬ್ಬರು ಮದ್ಯಪಾನ ಮಾಡುವಾಗ ಮಾತನಾಡಿಕೊಂಡಿದ್ದಾರೆ. ನಿನಗೆ ಬೇಕಾದ ಯುವತಿಗೆ ಹೆಚ್ಚಿನ ಸಂಬಳ ಕೊಟ್ಟಿದ್ದೀಯಾ ಎಂದು ಕೇಶವ್ ವಿರುದ್ಧ ಶಿವಣ್ಣ ಅಸಮಾಧಾನ ವ್ಯಕ್ತಪಡಿಸಿದ್ದನು.

ನಿನಗೆ ಬೇಕಾದವರಿಗೆ ಬೇಕಾದಂತೆ ಸಂಬಳ, ವಿನಾಯ್ತಿಗಳನ್ನು ನೀಡುತ್ತಿದ್ದೀಯಾ ಎಂದು ಶಿವಣ್ಣ ಕೂಗಾಡಿದ್ದಾನೆ. ಇಬ್ಬರ ಮಧ್ಯೆ ವಾಗ್ವಾದ ನಡೆದಿದೆ. ಈ ವೇಳೆ ಮದ್ಯದ ನಶೆಯಲ್ಲಿ ಸೂಪರ್ ವೈಸರ್ ಕೇಶವ್ ನನ್ನು ನೌಕರ ಶಿವಣ್ಣ ಚಾಕುವಿನಿಂದ ಇರಿದು ಕೊಲೆ ಮಾಡಿದ್ದಾನೆ. ( photo: ಆರೋಪಿ ಶಿವಣ್ಣ)

ಅಕ್ಟೋಬರ್ 29ರ ರಾತ್ರಿ ಸುಮಾರು 9 ಗಂಟೆ ಸಮಯದಲ್ಲಿ ಕೊಲೆ ನಡೆದಿದೆ. ಕೇಶವ್ ಹೊಟ್ಟೆಗೆ ಶಿವಣ್ಣ ಚಾಕು ಇರಿಯುತ್ತಲೇ ಕೇಶವ್ ಕುಸಿದು ಬಿದ್ದಿದ್ದರು. ನಂತರ ಆಸ್ಪತ್ರೆಗೆ ದಾಖಲಿಸಿದರೂ ಚಿಕಿತ್ಸೆ ಫಲಿಸದೇ ಕೊನೆಯುಸಿರೆಳೆದಿದ್ದಾರೆ. (photo: ಕೊಲೆಯಾದ ಕೇಶವ್​)

ಸದ್ಯ ಆರೋಪಿ ಶಿವಣ್ಣ@ ರಾಜೇಶ್ ನನ್ನು ವಶಕ್ಕೆ ಪಡೆದ ಪೊಲೀಸರು, ಕಾಮಾಕ್ಷಿಪಾಳ್ಯ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.