Republic Day 2022: ಗಣರಾಜ್ಯೋತ್ಸವಕ್ಕೆ ಕೆನರಾ ಬ್ಯಾಂಕ್ ವಿಶ್​​​ ಮಾಡಿದ ರೀತಿಗೆ ಬೆಂಗಳೂರಿಗರು ಫಿದಾ!

Republic Day 2022: ಜನವರಿ 26ರಂದು ದೇಶಾದ್ಯಂತ ಗಣರಾಜ್ಯೋತ್ಸವದ ಸಂಭ್ರಮ ಮನೆ ಮಾಡಿತ್ತು. ನಿನ್ನೆ ದೆಹಲಿಯ ರಾಜಪಥ ಹತ್ತು-ಹಲವು ಹೊಸತನಗಳಿಗೆ ಸಾಕ್ಷಿಯಾಗಿತ್ತು. ಧ್ವಜಾರೋಹಣ, ಪರೇಡ್​, ಸಾಂಸ್ಕೃತಿಕ ಕಾರ್ಯಕ್ರಮಗಳು, ಕಲಾ ತಂಡಗಳ ವೈಭವ ಗಣರಾಜ್ಯೋತ್ಸವಕ್ಕೆ ಹೆಚ್ಚಿನ ಕಳೆ ತಂದಿದ್ದವು.

ಬೆಂಗಳೂರಿನಲ್ಲಿ ಗಣರಾಜ್ಯೋತ್ಸವಕ್ಕೆ ಕೆನರಾ ಬ್ಯಾಂಕ್​ ವಿಶೇಷ ರೀತಿಯಲ್ಲಿ ಶುಭಾಶಯ ಕೋರಿತ್ತು. ಬೆಂಗಳೂರಿನ ವಿವಿಧೆಡೆ ವಿಮಾನಗಳನ್ನು ಹಾರಿಸುವ ಮೂಲಕ ಗಣರಾಜ್ಯೋತ್ಸವಕ್ಕೆ ಶುಭಾಶಯ ಕೋರಲಾಯಿತು. ಈ ವಿಶೇಷ ಕಾರ್ಯಕ್ರಮವನ್ನು AKAR ಅಡ್ವರ್ಟೈಸಿಂಗ್ & ಏರಿಯಲ್​​ ವರ್ಕ್ಸ್​​​ ಏರೋ LLP ಆಯೋಜಿಸಿತ್ತು. ಕೆನರಾ ಬ್ಯಾಂಕ್​ನ ಈ ಕಾರ್ಯಕ್ಕೆ ಸಾರ್ವಜನಿಕರು ಬಹಳ ಮೆಚ್ಚುಗೆ ವ್ಯಕ್ತಪಡಿಸಿದರು.

ಏರಿಯಲ್‌ವರ್ಕ್ಸ್ ಏರೋ ಎಲ್‌ಎಲ್‌ಪಿಯ ಕ್ಯಾಪ್ಟನ್ ಮುರಳಿ ಅವರು ಗಣರಾಜ್ಯೋತ್ಸವದ ಶುಭಾಶಯಗಳನ್ನು ಕೋರಲು, ಜಕ್ಕೂರ್ ಏರೋಡ್ರೋಮ್‌ನಿಂದ ಜೆಸಿ ರಸ್ತೆ, ಲಾಲ್‌ಬಾಗ್ ಮತ್ತು ದಕ್ಷಿಣ ಬೆಂಗಳೂರಿನ ಕಡೆಗೆ ಸುಮಾರು 2 ಗಂಟೆಗಳ ಕಾಲ ವಿಮಾನವನ್ನು ಹಾರಿಸಿದರು.

ನಾವೀನ್ಯತೆಯನ್ನು ನಂಬಿರುವ ಭಾರತದ 3ನೇ ಅತಿದೊಡ್ಡ PSU ಬ್ಯಾಂಕ್ ಗಣರಾಜ್ಯೋತ್ಸವಕ್ಕೆ ಶುಭಾಶಯ ಕೋರುವ ಅವಕಾಶವನ್ನು ಸದುಪಯೋಗಪಡಿಸಿಕೊಂಡಿತು. ಇದನ್ನು ಒಂದು ಉತ್ತಮ ಅವಕಾಶವನ್ನಾಗಿ ಬಳಸಿಕೊಂಡು ಹೊಸ ರೀತಿಯಲ್ಲಿ ಬೆಂಗಳೂರಿಗರಿಗೆ ಗಣರಾಜ್ಯೋತ್ಸವದ ಶುಭಾಶಯ ತಿಳಿಸಿತು.

ನಂತರ ಕ್ಯಾಪ್ಟನ್ ಮುರಳಿ ಮಾತನಾಡಿ, ‘‘ಇಂತಹ ಸೇವೆಯನ್ನು ಒದಗಿಸುತ್ತಿರುವುದು ರಾಜ್ಯದಲ್ಲಿ ಇದೇ ಮೊದಲು. ನಮ್ಮ ಏರಿಯಲ್‌ ವರ್ಕ್ಸ್ ಏರೋ LLP ಮತ್ತು AKAR ಜಾಹೀರಾತು ಜಂಟಿಯಾಗಿ ರಾಜ್ಯದ ಜನರಿಗಾಗಿ ಈ ಸೇವೆಯನ್ನು ಪ್ರಾರಂಭಿಸಿದೆ. ಇದು ಆಕಾಶವನ್ನು ಸುತ್ತುವ ಮತ್ತು ಅವರ ಪ್ರೀತಿಪಾತ್ರರಿಗೆ ಪ್ರೀತಿಯ ಸಂದೇಶಗಳನ್ನು ನೀಡುವ ಸೇವೆಯಾಗಿದೆ‘‘ ಎಂದರು.

ಆರಂಭದಲ್ಲಿ, ಏರೋಪ್ಲೇನ್‌ಗಳನ್ನು ಬಳಸಿಕೊಂಡು ತುರ್ತು ಸಂದೇಶಗಳನ್ನು ನೀಡಲಾಯಿತು. ಮಾಧ್ಯಮದ ಇತರ ವಿಧಾನಗಳು ಪ್ರಮುಖವಾಗಿಲ್ಲದಿರುವಾಗ ಈ ರೀತಿಯ ಜಾಹೀರಾತು ಬಹಳ ಜನಪ್ರಿಯವಾಗಿತ್ತು. ಈಗ ಬೆಂಗಳೂರಿನಲ್ಲಿ ಈ ಸೇವೆ ಆರಂಭವಾಗಿದೆ.