Bengaluru ನಗರದಲ್ಲಿ ಮಿತಿ ಮೀರಿದ ಗಾಂಜಾ ಘಾಟು: ತಿಂಡಿಗಳ ಪ್ಯಾಕ್ ಒಳಗೆ Drugs ಇಟ್ಟು ಮಾರಾಟ..!

ಸಿಸಿಬಿ ಪೊಲೀಸರು ಭರ್ಜರಿ ಕಾರ್ಯಾಚರಣೆ ನಡೆಸಿ 8 ಲಕ್ಷ ಬೆಲೆಬಾಳುವ 7 ಕೆಜಿ ಗಾಂಜಾವನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ. ತಿಂಡಿ ಹಾಗೂ ದಿನ ಬಳಕೆ ವಸ್ತು ಪ್ಯಾಕೆಟ್ ನಲ್ಲಿಟ್ಟು ಗಾಂಜಾ ಸಪ್ಲೈ ಮಾಡ್ತಿದ್ದ ಆರೋಪಿಯನ್ನು ಬಂಧಿಸಲಾಗಿದೆ.

ಒರಿಸ್ಸಾ ಮೂಲದ ಆರೋಪಿ ಗಾಂಜಾವನ್ನು 5, 10 ,29 ಗ್ರಾಂ ತೂಕದ ಪೊಟ್ಟಣಗಳನ್ನಾಗಿ ಮಾಡಿ ಮಾರಾಟ ಮಾಡ್ತಿದ್ದ. ಉತ್ತರ ಭಾರತ ಮೂಲದ ಕೂಲಿ ಕಾರ್ಮಿಕರಿಗೆ ಹಾಗೂ ಹಳೇ ಗಿರಾಕಿಗಳಿಗೆ ಸಪ್ಲೈ ಮಾಡುತ್ತಿದ್ದ ಎಂದು ತಿಳಿದು ಬಂದಿದೆ.

5 ಗ್ರಾಂ 500 ರೂ. , 10 ಗ್ರಾಂಗೆ 1 ಸಾವಿರ, 20 ಗ್ರಾಂ ಗೆ 2 ಸಾವಿರದಂತೆ ಮಾರಾಟ ಆರೋಪಿಯಿಂದ ಒಟ್ಟಾರೆ 8 ಲಕ್ಷ ಬೆಲೆಬಾಳುವ 7 ಕೆಜಿ ಗಾಂಜಾ, ತೂಕದ ಯಂತ್ರ, ಒಂದು ಮೊಬೈಲ್ ಅನ್ನು ವಶಕ್ಕೆ ಪಡೆಯಲಾಗಿದೆ. ಮೈಕೋಲೇಔಟ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. (ಸಾಂದರ್ಭಿಕ ಚಿತ್ರ)

ಸಿಸಿಬಿ ಪೊಲೀಸರ ಮತ್ತೊಂದು ಕಾರ್ಯಾಚರಣೆಯಲ್ಲಿ ಗಾಂಧಿ ನಗರದ ಮೂಡ್ ಲೈವ್ ಬ್ಯಾಂಡ್ ಮೇಲೆ ದಾಳಿ ನಡೆಸಿದ್ದಾರೆ. ಕಳೆದ ರಾತ್ರಿ 11.30ಕ್ಕೆ ಸಿಸಿಬಿ ಇನ್ಸ್ ಪೆಕ್ಟರ್ ಮಹ್ಮದ್ ಸಿರಾಜ್ ನೇತೃತ್ವದಲ್ಲಿ ದಾಳಿ ನಡೆಸಲಾಗಿದೆ.

ಅಕ್ರಮವಾಗಿ ಹುಡುಗಿಯರನ್ನು ಕರೆತಂದ ಲೈವ್ ಬ್ಯಾಂಡ್ ನಡೆಸಿದ ಆರೋಪದ ಮೇಲೆ ದಾಳಿ ನಡೆಸಲಾಯಿತು. ದಾಳಿ ವೇಳೆ 58 ಡ್ಯಾನ್ಸ್ ಗರ್ಲ್ಸ್ ಗಳು ಪತ್ತೆಯಾಗಿದ್ದು, ಸುಮಾರು 75 ಗ್ರಾಹಕರು ಲೈವ್ ಬ್ಯಾಂಡ್ ನಲ್ಲಿ ಇದ್ರು.

ಜಂಟಿ ಪೊಲೀಸ್ ಆಯುಕ್ತ ರಮನ್ ಗುಪ್ತ ಆದೇಶ ಹಿನ್ನಲೆ ಎಲ್ಲಾ ಲೈವ್ ಬ್ಯಾಂಡ್ ಕ್ಲೋಸ್ ಮಾಡಲಾಗಿತ್ತು. ಆದರೆ ಅಕ್ರಮವಾಗಿ ಲೈವ್ ಬ್ಯಾಂಡ್ ನಡೆಸುತ್ತಿದ್ದ ಬ್ಯಾಂಡ್ ಮೇಲೆ ದಾಳಿ ನಡೆಸಿ ಕೆಪಿ ಆಕ್ಟ್ ಅಡಿ ಉಪ್ಪಾರಪೇಟೆ ಪೊಲೀಸರ ಪ್ರಕರಣ ದಾಖಲಿಸಿದ್ದಾರೆ.

2 ದಿನಗಳ ಹಿಂದೆ ಐಷಾರಾಮಿ ಕಾರುಗಳನ್ನು ಕದ್ದು ಬೇರೆ ರಾಜ್ಯಗಳಲ್ಲಿ ಮಾರಾಟ ಮಾಡುತ್ತಿದ್ದ ಮೂವರು ಆರೋಪಿಗಳನ್ನು ಬೇಗೂರು ಠಾಣೆ ಪೊಲೀಸರು ಬಂಧಿಸಿದ್ದಾರೆ. ಹಾಗೂ ಬಂಧಿತರಿಂದ 1 ಕೋಟಿ 55 ಲಕ್ಷ ರೂ. ಮೌಲ್ಯದ 6 ಇನೋವಾ ಕಾರು, 1 ಟೊಯೋಟಾ ಇಟಿಯೋಸ್ ಕಾರು ಜಪ್ತಿ ಮಾಡಲಾಗಿದೆ.