Academic Year Calendar: 2022-23ನೇ ಸಾಲಿನ ಶೈಕ್ಷಣಿಕ ವರ್ಷದ ಕ್ಯಾಲೆಂಡರ್​ ಬಿಡುಗಡೆ; ಮೇ 16ರಿಂದ ಶಾಲೆ ಆರಂಭ

ರಾಜ್ಯ ಶಿಕ್ಷಣ ಇಲಾಖೆ 2022- 23ನೇ ಸಾಲಿನ ಶಾಲೆಗಳ ಕಲಿಕಾ ದಿನ ಮತ್ತು ರಜೆಗಳ ಕುರಿತ ಮಾರ್ಗಸೂಚಿ ಬಿಡುಗಡೆ ಮಾಡಿದೆ. ಸದ್ಯ ಮಕ್ಕಳಿಗೆ ಬೇಸಿಗೆ ರಜೆ ನಡೆಯುತ್ತಿದ್ದು, ಈ ಬೇಸಿಗೆ ರಜೆ ಮೇ 15ರಂದು ಮುಗಿಯಲಿದ್ದು, ಮೇ 16ರಂದು ಸರ್ಕಾರಿ, ಖಾಸಗಿ ಮತ್ತು ಅನುದಾನಿತ ಶಾಲೆಗಳು ಮತ್ತೆ ಪ್ರಾರಂಭವಾಗಲಿದೆ ಎಂದು ಮಾರ್ಗಸೂಚಿಯಲ್ಲಿ ತಿಳಿಸಿದೆ.

ಇನ್ನು ಕಳೆದ ಮೂರು ವರ್ಷಗಳಿಂದ ಕೋವಿಡ್​ ಸೋಂಕಿನಿಂದಾಗಿ ಮಕ್ಕಳ ಕಲಿಕೆ ಪೂರ್ಣ ಪ್ರಮಾಣದಲ್ಲಿ ನಡೆದಿಲ್ಲ. ಹೀಗಾಗಿ ಎಲ್ಲಾ ಶಾಲೆಗಳು ಈ ಮಾರ್ಗಸೂಚಿ ಅನುಸರಿಸುವಂತೆ ಸಾರ್ವಜನಿಕ ಶಿಕ್ಷಣ ಇಲಾಖೆ ಸುತ್ತೋಲೆ ಪ್ರಕಟಿಸಿದೆ.

ಮೇ 16ರಂದು ಆರಂಭವಾಗುವ ತರಗತಿಗಳು ಅಕ್ಟೋಬರ್​ 2ರವರೆಗೆ ನಡೆಯಲಿದೆ. ಇದು ಮೊದಲ ಅವಧಿ ಆಗಿದೆಲಿ. ಎರಡನೇ ಅವಧಿ ಅಕ್ಟೋಬರ್​ 17 ರಿಂದು ಏಪ್ರಿಲ್​ 10. 2023ರವರೆಗೆ ನಡೆಯಲಿದೆ ಎಂದು ಸುತ್ತೋಲೆಯಲ್ಲಿ ತಿಳಿಸಿದೆ

ಇನ್ನು 2023 ಏಪ್ರಿಲ್​ 11 ರಿಂದ ಮೇ. 28ರವರಗೆ ಬೇಸಿಗೆ ರಜೆ ಆರಂಭವಾಗಲಿದೆ. ಈ ಶಾಲಾ ಅವಧಿಯ ಮಾರ್ಗಸೂಚಿ ಪಟ್ಟಿ ಎಲ್ಲಾ ಶಾಲೆಗಳಿಗೂ ಅನ್ವಯ ಆಗಲಿದೆ ಎಂದು ತಿಳಿಸಲಾಗಿದೆ

ಕಳೆದ ಮೂರು ವರ್ಷಗಳಿಂದ ಮಕ್ಕಳ ಕಲಿಕೆಯಲ್ಲಿ ನಿರೀಕ್ಷಿತ ಮಟ್ಟದ ಕಲಿಕಾ ಪ್ರಗತಿ ಉಂಟಾಗಿಲ್ಲ. ಕೇವಲ ಶೇ. 50- 60 ಮಕ್ಕಳಿಗೆ ಮಾತ್ರ ಭೌತಿಕ ಕಲಿಕೆ ನೀಡಲಾಗಿದ್ದು, ಪೂರ್ಣ ಪ್ರಮಾಣದ ಕಲಿಕೆ ಆಗಿಲ್ಲ

ಈ ಹಿನ್ನಲೆ ಈ ಶೈಕ್ಷಣ ವರ್ಷವನ್ನು ಪೂರ್ಣ ಪ್ರಮಾಣಧಲ್ಲಿ ಬಳಸಿಕೊಳ್ಳುವುದರ ಮೂಲಕ ಕಲಿಕಾ ಚೇತರಿಕೆ ವರ್ಷವೆಂದು ಕಾರ್ಯಸೂಚಿಯಲ್ಲಿ ರೂಪಿಸಲಾಗಿದೆ.

ಸಾರ್ವಜನಿಕ ಶಿಕ್ಷಣ ಇಲಾಖೆ ಶಾಲಾ ಶೈಕ್ಷಣಿಕ ವರ್ಷದಲ್ಲಿ ಈ ಬಾರಿ ಸರ್ಕಾರಿ ರಜೆ ಸೇರಿ ಒಟ್ಟು 14 ದಿನ ದಸರಾ ರಜೆಗಳು ಸಿಗಲಿದೆ. ಶೈಕ್ಷಣಿಕ ಸಾಲಿನಲ್ಲಿ ಪಠ್ಯ ಮತ್ತು ಪಠ್ಯೇತರ ಚಟುವಟಿಕೆಗಳಿಗೆ ಒಟ್ಟು 256 ದಿನಗಳು ಲಭ್ಯವಾಗಲಿದೆ.

ಇದರಲ್ಲಿ ಪಠ್ಯೇತರ ಚಟಯವಟಿಕೆ, ಪರೀಕ್ಷಾ ಮೌಲ್ಯಮಾಪನ, ರಜೆ, ಪ್ರವಾಸ ಹೊರತಾಗಿ ಅಂತಿಮವಾಗಿ ಬೋಧನಾ ಕಲಿಕೆ ಪ್ರಕ್ರಿಯೆಗೆ 228 ದಿನಗಳು ಲಭ್ಯವಾಗಲಿದೆ.