Bengaluru Netizens Appeal: ಹಬ್ಬಕ್ಕೆ ಬೀದಿಬದಿ ಚೌಕಾಸಿ ಮಾಡದೆ ಖರೀದಿಸಿ; ಏನಿದು ಬೆಂಗಳೂರು ನೆಟ್ಟಿಗರ ಅಭಿಯಾನ?

ಈ ಬಾರಿ ದೀಪಗಳ ಹಬ್ಬದಲ್ಲಿ ಬೆಂಗಳೂರಿಗರು ಹೃದಯ ವೈಶಾಲ್ಯವನ್ನು ಮೆರೆಯಲು ಮುಂದಾಗಿದ್ದಾರೆ. ಅಬ್ಬಬ್ಬಾ ಬೆಲೆ ಏರಿಕೆ ಅಂತಿದ್ದವರು ದಾರಳರಾಗಿದ್ದಾರೆ. ಕೊರೊನಾ-ಲಾಕ್ ಡೌನ್ ನಂತರ ಕತ್ತಲೆ ಸರಿದು ಬಂದಿರುವ ದೀಪಗಳ ಹಬ್ಬವನ್ನು ಅರ್ಥಪೂರ್ಣವಾಗಿ ಆಚರಿಸಲು ಮುಂದಾಗಿದ್ದಾರೆ. (ಸಾಂದರ್ಭಿಕ ಚಿತ್ರ)

ಈ ಬಾರಿಯ ದೀಪಾವಳಿಯಲ್ಲಿ ರಸ್ತೆ ಬದಿಯೇ ಮಣ್ಣಿನ ದೀಪಗಳು ಸೇರಿದಂತೆ ಹಬ್ಬದ ಸಾಮಾನುಗಳನ್ನು ಖರೀದಿಸೋಣ. ಚೌಕಾಸಿ ಮಾಡದೆ ಹಣ ನೀಡಿ ಹಬ್ಬದ ಖುಷಿಯನ್ನು ಸ್ಥಳೀಯ ವ್ಯಾಪಾರಿಗಳೊಂದಿಗೆ ಹಂಚಿಕೊಳ್ಳೋಣ ಎಂಬ ಅಭಿಯಾನ ಸಾಮಾಜಿಕ ಜಾಲತಾಣಗಳಲ್ಲಿ ರೂಪುಗೊಂಡಿದೆ. (ಸಾಂದರ್ಭಿಕ ಚಿತ್ರ)

ಕೊರೊನಾ-ಲಾಕ್ ಡೌನ್ ನಿಂದ ಕಳೆದ ವರ್ಷ ವ್ಯಾಪಾರವಿಲ್ಲದೆ ಸ್ಥಳೀಯ ಸಣ್ಣಪುಟ್ಟ ವ್ಯಾಪಾರಿಗಳು ತೀವ್ರ ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದ್ದರು. ಅದಕ್ಕಾಗಿ ಈ ಬಾರಿ ಚೌಕಾಸಿ ಮಾಡದೆ ಅವರಿಂದ ವಸ್ತುಗಳನ್ನು ಖರೀದಿಸೋಣ ಎಂದು ಬೆಂಗಳೂರಿನ ನೆಟ್ಟಿಗರು ಸೋಷಿಯಲ್ ಮೀಡಿಯಾದಲ್ಲಿ ಮನವಿ ಮಾಡುತ್ತಿದ್ದಾರೆ. (ಸಾಂದರ್ಭಿಕ ಚಿತ್ರ)

ಲಾಕ್ ಡೌನ್ ಸಮಯದಲ್ಲಿ ಆನ್ ಲೈನ್ ಖರೀದಿಗೆ ನಾವು ಒಗ್ಗಿಕೊಂಡಿದ್ದೇವೆ ನಿಜ. ಆದರೆ ಈ ಬಾರಿಯ ದೀಪಾವಳಿಯನ್ನು ಸ್ಥಳೀಯ ವ್ಯಾಪಾರಿಗಳ ದೃಷ್ಟಿಯಿಂದ ಆಚರಿಸೋಣ. ಮಣ್ಣಿನ ದೀಪಗಳನ್ನು ರಸ್ತೆ ಬದಿ ಖರೀದಿಸಿ, ಹಬ್ಬದ ಸಂಭ್ರಮದಲ್ಲಿ ವ್ಯಾಪಾರಿಗಳನ್ನು ಭಾಗಿಗಳನ್ನಾಗಿ ಮಾಡೋಣ ಎಂಬ ಚಿಂತನೆ ಟ್ರೆಂಡ್ ಆಗುತ್ತಿದೆ. (ಸಾಂದರ್ಭಿಕ ಚಿತ್ರ)

ಹಲವಾರು ನೆಟ್ಟಿಗರು ರಸ್ತೆ ಬದಿ ಮಣ್ಣಿನ ದೀಪಗಳನ್ನು ಖರೀದಿ, ಅವರ ಫೋಟೋ-ವಿಳಾಸವನ್ನು ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡು ಪ್ರಚಾರ ನೀಡುತ್ತಿದ್ದಾರೆ. ಬೆಂಗಳೂರಿಗರ ಈ ಬೈ ಲೋಕಲ್ ಅಭಿಯಾನಕ್ಕೆ ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಗುತ್ತಿದೆ. (ಸಾಂದರ್ಭಿಕ ಚಿತ್ರ)