Bengaluru: ಟ್ರಾಫಿಕ್​​ ಕೇಸ್​​ ಕ್ಲಿಯರ್​ ಮಾಡೋಕೆ ಪೊಲೀಸರ ಮಾಸ್ಟರ್​ ಪ್ಲ್ಯಾನ್!

ಬೆಂಗಳೂರು: ಟ್ರಾಫಿಕ್​​ ರೂಲ್ಸ್​ಗಳನ್ನು ಮಾಡಿ, ನಗರದ ಜನರನ್ನು ನಿಯಂತ್ರಣ ಮಾಡಲು ಪೊಲೀಸರು ಸಖತ್​ ಪ್ಲ್ಯಾನ್​ ಮಾಡಿದ್ದರು. ಎಲ್ಲಾ ಸಿಗ್ನಲ್​ಗಳಲ್ಲೂ ಸಿಸಿಟಿವಿ ಹಾಕಿದ್ದರು. ಇದೀಗ ಬೆಂಗಳೂರು ಹೊರತು ಪಡಿಸಿ ಬೇರೆ ಜಿಲ್ಲೆ‌ ವಾಹನಗಳ ಮೇಲೆ ನಿಗಾ ಇಡೋದಕ್ಕೆ ಶುರು ಮಾಡಿದ್ದಾರೆ. (ಸಾಂದರ್ಭಿಕ ಚಿತ್ರ)

ಬೆಂಗಳೂರಿನಲ್ಲಿ ಸವಾರರೇ ಎಚ್ಚರ:
ಸಿಲಿಕಾನ್‌ ಸಿಟಿಯಲ್ಲಿ ಟ್ರಾಫಿಕ್ ರೂಲ್ಸ್ ಬ್ರೇಕ್​ ಮಾಡುವವರ ಮೇಲೆ ಕೇಸ್​ ಹಾಕುವುದು ಕಾಮನ್​. ಆ ಕೇಸ್​ನಲ್ಲಿ ಫೈನ್​ ಕಲೆಕ್ಟ್​​ ಮಾಡೋಕೆ 50 ಪರ್ಸೆಂಟ್​ ಡಿಸ್ಕೌಂಟ್​ ಕೊಡಲಾಗಿತ್ತು. ಆದರೂ ಬರೋಬ್ಬರಿ 2 ಕೋಟಿ ಕೇಸ್​​ಗಳು ಇನ್ನೂ ಬಾಕಿ ಇವೆ. 52 ಲಕ್ಷ ಕೇಸ್​ ಕ್ಲಿಯರ್​ ಆಗಿವೆ. ಆದರೆ ಉಳಿದ ಕೇಸ್​ ಎಲ್ಲಿದು ಅನ್ನೋದರ ಬಗ್ಗೆ ಬೆಂಗಳೂರು ಸಂಚಾರಿ ಪೊಲೀಸರು ಮಾಸ್ಟರ್​ ಪ್ಲಾನ್​ ಮಾಡಿದ್ದಾರೆ.

ಬೆಂಗಳೂರಿನಲ್ಲಿ ಸಂಚರಿಸುವ ಹೊರ ಜಿಲ್ಲೆಯ ವಾಹನಗಳ ಮೇಲೆ ಟ್ರಾಫಿಕ್​ ಪೊಲೀಸರು ಕಣ್ಣಿಟ್ಟಿದ್ದಾರೆ. ಉಳಿಕೆ 2 ಕೋಟಿ ಕೇಸ್​ಗಳ ಪೈಕಿ ಹೊರ ಜಿಲ್ಲೆಯಲ್ಲಿ ನೋಂದಣಿ ಆಗಿರುವ ವಾಹನಗಳದ್ದೇ ಸಿಂಹಪಾಲು. ಇದೇ ಕಾರಣಕ್ಕೆ ಡಿಸ್ಕೌಂಟ್ ನೀಡಿದ ವೇಳೆ ಹೊರ ಜಿಲ್ಲೆ ಹಾಗೂ ಹೊರ ರಾಜ್ಯದ ವಾಹನ ಸವಾರರು ದಂಡ ಪಾವತಿ ಮಾಡಿಲ್ಲ. (ಸಾಂದರ್ಭಿಕ ಚಿತ್ರ)

ಹೀಗಾಗಿ ಬೆಂಗಳೂರಿಗೆ ಎಂಟ್ರಿ ಕೊಡುವ ವಾಹನಗಳ ಮೇಲೆ ಖಾಕಿ ಅಸ್ತ್ರ ಪ್ರಯೋಗಕ್ಕೆ ಮುಂದಾಗಿದೆ. ಟೋಲ್​ಗೇಟ್​​ನಲೇ ಎಎನ್​​ಆರ್​ಪಿ ಕ್ಯಾಮೆರಾ ಅಳವಡಿಕೆ ಪ್ಲ್ಯಾನ್​​ ಮಾಡಿದ್ದಾರೆ. ದಂಡ ಬಾಕಿಯಿರುವ ವಾಹನಗಳನ್ನು ಪತ್ತೆ ಮಾಡಿ ಪೊಲೀಸರಿಗೆ ಮಾಹಿತಿ ವರ್ಗಾಯಿಸುತ್ತದೆ. (ಸಾಂದರ್ಭಿಕ ಚಿತ್ರ)

ANPR ಕ್ಯಾಮೆರಾ ವಿಶೇಷತೆ? ಎಎನ್‌ಪಿಆರ್‌ ಕ್ಯಾಮೆರಾ ಹೇಗೆ ಕೆಲಸ ಮಾಡುತ್ತದೆ ಅನ್ನೋದನ್ನು ನೋಡೋದಾದರೆ, ಸಂಚಾರ ನಿಯಮ ಉಲ್ಲಂಘನೆ ಮಾಡಿ ದಂಡ ಬಾಕಿಯಿರುವ ವಾಹನಗಳನ್ನು ಎಎನ್‌ಪಿಆರ್‌ ಕ್ಯಾಮೆರಾ ಪತ್ತೆ ಮಾಡುತ್ತೆ. (ಸಾಂದರ್ಭಿಕ ಚಿತ್ರ)

ಕ್ಯಾಮೆರಾ ಅಳವಡಿಕೆಯಾಗಿರುವ ಕಡೆ ವಾಹನ ಹಾದು ಹೋದಾಗ ಕ್ಯಾಮೆರಾ ಸ್ವಯಂ ಚಾಲಿತವಾಗಿ ಅಲರ್ಟ್​​ ಆಗುತ್ತೆ. ಸಾಫ್ಟ್‌ವೇರ್‌ ಬಳಸಿಕೊಂಡು ವಾಹನ ಹಾಗೂ ವಾಹನ ಸವಾರನ ಸಂಪೂರ್ಣ ವಿವರವನ್ನು ತಕ್ಷಣವೇ ಹತ್ತಿರದಲ್ಲಿರುವ ಪೊಲೀಸರಿಗೆ ವರ್ಗಾಯಿಸುತ್ತೆ. ಆಗ ಪೊಲೀಸರು ಕೂಡಲೇ ಆ ವಾಹನ ಸವಾರನನ್ನು ತಡೆದು ದಂಡ ವಸೂಲಿ ಮಾಡುತ್ತಾರೆ. (ಸಾಂದರ್ಭಿಕ ಚಿತ್ರ)

ಬಾಕಿ ಕೇಸ್​​ ಕ್ಲಿಯರ್ ಮಾಡಲು ಈಗಾಗಲೇ ಇನ್ಶೂರೆನ್ಸ್‌ ಕಂಪನಿ ಜೊತೆಗೂ ಸಂಚಾರ ವಿಭಾಗದ ಪೊಲೀಸರು ಸಭೆ ನಡೆಸಿ ಚರ್ಚಿಸಿದ್ದಾರೆ. ಅದರಂತೆ ಪ್ರತಿವರ್ಷ ವಿಮೆ ಮಾಡಿಸಲು ಹೋದಾಗ ಸಂಚಾರ ನಿಯಮ ಉಲ್ಲಂಘನೆಗೆ ಸಂಬಂಧಿಸಿದ ದಂಡ ವಸೂಲಿ ಮಾಡಲು ಚಿಂತನೆ ನಡೆಸಲಾಗಿದೆ. (ಸಾಂದರ್ಭಿಕ ಚಿತ್ರ)

ದಂಡ ಕ್ಲಿಯರ್​ ಆಗಿರುವ ಎನ್‌ಒಸಿ ಪಡೆಯದ ವಾಹನಗಳಿಗೆ ಇನ್ಶೂರೆನ್ಸ್‌ ತಡೆಯಲು ಪ್ಲ್ಯಾನ್​ ಆಗಿದೆ. ಆದರೆ ಇನ್ಶೂರೆನ್ಸ್​ ಆಗದಿದ್ದರೆ ಇನ್ನೂ ಕಷ್ಟ ಆಗಲಿದೆ ಅನ್ನೋದು ಪೊಲೀಸರ ಗಮನದಲ್ಲಿ ಇರಬೇಕು ಅಷ್ಟೇ. (ವರದಿ: ರಂಜನ್ ಶಿರ್ಲಾಲ್, ನ್ಯೂಸ್​ 18, ಕನ್ನಡ) (ಸಾಂದರ್ಭಿಕ ಚಿತ್ರ)