Crime News: ಮದುವೆ ನಂತರವೂ ಸಂಬಂಧಿಕನೊಂದಿಗೆ ಲವ್ವಿಡವ್ವಿ.. ಓಡಿ ಹೋದವರಿಗೆ 20 ದಿನದಲ್ಲೇ ಏನಾಯ್ತು?

ಈ ಫೋಟೋದಲ್ಲಿರುವವರು ರಾಯಚೂರು ಮೂಲದ ಬಸವರಾಜ್ ( 28 ) ಜ್ಯೋತಿ (26). ಇಬ್ಬರೂ ಸಂಬಂಧಿಕರೇ. ಮೊದಲಿಂದಲೇ ಪ್ರೇಮವಿತ್ತೋ, ಮದುವೆಯ ಬಳಿಕ ಮೋಹಕ್ಕೆ ಬಿದ್ದರೋ ಗೊತ್ತಿಲ್ಲ. ವಿವಾಹಿತೆ ಜ್ಯೋತಿ ಗಂಡನನ್ನು ಬಿಟ್ಟು, ಪ್ರೇಮಿ ಬಸವರಾಜನೊಂದಿಗೆ ಬೆಂಗಳೂರಿಗೆ ಬಂದು ಬಿಟ್ಟಿದ್ದಳು

ಹೊಸದಾಗಿ ಇಬ್ಬರು ಜೀವನ ಕಟ್ಟಿಕೊಳ್ಳುವ ಆಸೆಯಲ್ಲಿದ್ದರು ಅನಿಸುತ್ತೆ. ಅದಕ್ಕಾಗಿಯೇ 20 ದಿನಗಳಿಂದಷ್ಟೆ ತಾವು ಗಂಡ, ಹೆಂಡತಿ ಅಂತ ಹೇಳಿಕೊಂಡು ದೇವನಹಳ್ಳಿ ಪಟ್ಟಣದ ಶಾಂತಿನಗರದಲ್ಲಿ ಮನೆ ಬಾಡಿಗೆಗೆ ಪಡೆದುಕೊಂಡಿದ್ದರು. (ಸಾಂದರ್ಭಿಕ ಚಿತ್ರ)

ಹೊಸದಾಗಿ ಬದುಕುವ ಕನಸ್ಸು ಕೇವಲ 20 ದಿನಗಳನ್ನೂ ಪೂರೈಸಲಿಲ್ಲ. ಅದೇನಾಯಿತೋ ಏನೋ ಇಬ್ಬರು ಮನೆಯಲ್ಲಿ ಭಾನುವಾರವೇ ನೇಣಿಗೆ ಶರಣಾಗಿ ಬಿಟ್ಟಿದ್ದಾರೆ. ಮನೆಯಿಂದ ದುರ್ವಾಸನೆ ಬರುತ್ತಿದ್ದದ್ದನ್ನು ಕಂಡ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.

ಸ್ಥಳಕ್ಕೆ ಬಂದ ದೇವನಹಳ್ಳಿ ಪೊಲೀಸರಿಂದ ಬಾಗಿಲು ತೆರೆದು ನೋಡಿದಾಗ ಘಟನೆ ಬೆಳಕಿಗೆ ಬಂದಿದೆ. ದೇವನಹಳ್ಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.