Bengaluru: ಶ್ವಾನಗಳಿಂದ ಬರುತ್ತಂತೆ ಡೆಡ್ಲಿ ವೈರಸ್​​; 10 ವರ್ಷದ ನೇಪಾಳಿ ಬಾಲಕಿಗೆ ವಿಚಿತ್ರ ಕಾಯಿಲೆ

ಬೆಂಗಳೂರು: ಮನೆಯಲ್ಲಿ ನಾಯಿ ಸಾಕಿದ್ದೀರಾ? ಮಕ್ಕಳಿಗೆ ಶ್ವಾನಗಳ ಮೇಲೆ ವಿಶೇಷ ಪ್ರೀತಿ ಇದಿಯಾ? ಎಲ್ಲಾ ಓಕೆ, ಬಟ್ ಹೆಲ್ತ್ ವೈಸ್ ನಾಟ್ ಓಕೆ ಅಂತಿದ್ದಾರೆ ವೈದ್ಯರು.

ಹೌದು, ಶ್ವಾನಗಳಿಂದ ಡೆಡ್ಲಿ ಡಿಸೀಸ್ ಸ್ಪ್ರೆಡ್ ಆಗಬಹುದು, ಬೀ ಕೇರ್ ಫುಲ್ ಅಂತ ಡಾಕ್ಟರ್ಸ್ ವಾರ್ನ್ ಮಾಡಿದ್ದಾರೆ. ಯಾಕೆ ಅಂತ ಇಲ್ಲಿದೆ ಸಂಪೂರ್ಣ ಮಾಹಿತಿ.

ನಾಯಿಗಳು ಮನುಷ್ಯರ ಬೆಸ್ಟ್‌ ಫ್ರೆಂಡ್ ಅಂತನೇ ಹೇಳಬಹುದು. ಇತ್ತೀಚೆಗೆ ನಾಯಿಗಳನ್ನ ಸಾಕುವುದು ಒಂದು ಟ್ರೆಂಡ್ ಆಗುತ್ತಿದೆ. ಮನೆಯಲ್ಲಿ ಮುದ್ದಾದ ನಾಯಿಮರಿಗಳನ್ನ ಸಾಕಬೇಕು ಅನ್ನೋ ಹಂಬಲ ಹೆಚ್ಚಾಗುತ್ತಿದೆ. ಆದರೆ ಇದೇ ನಾಯಿಗಳಿಂದ ಡೆಡ್ಲಿ ಡಿಸೀಸ್ ಒಂದು ಹರಡುವ ಭೀತಿ ಎದುರಾಗಿದೆ.

ಇತ್ತೀಚಿಗಷ್ಟೆ 10 ವರ್ಷದ ನೇಪಾಳಿ ಬಾಲಕಿಯೊಬ್ಬಳು ಉಸಿರಾಟದ ತೊಂದರೆಯಿಂದ ಆಸ್ಪತ್ರೆಗೆ ದಾಖಲಾಗಿದ್ದಳು. ಪರೀಕ್ಷೆ ಮಾಡಿದಾಗ ಆಕೆಯ ಶ್ವಾಸಕೋಶದಲ್ಲಿ ಡೆಡ್ಲಿ ಹುಳು ಬೆಳೆದಿತ್ತು. ಇದು ಆಕೆಯ ಪ್ರೀತಿಯ ನಾಯಿಯಿಂದ ತಗುಲಿತ್ತು ಅನ್ನೋದು ಗೊತ್ತಾಗಿದೆ. ಶ್ವಾನಗಳಿಗೆ ತಗಲುವ ವರ್ಮ್ ಇನ್ಫಸ್ಟೇಷನ್ ಮಕ್ಕಳ ಆರೋಗ್ಯಕ್ಕೂ ಮಾರಕವಾಗಿದೆ.

ಮನೆಯಲ್ಲಿ ಸಾಕು ನಾಯಿಗಳಿಗೆ ಆಗಾಗ್ಗೆ ಡಿವರ್ಮಿಂಗ್ ಮಾಡಿಸಬೇಕು. ಮಕ್ಕಳು ತುಂಬಾ ಕ್ಲೋಸ್​ ಆಗಿ ನಾಯಿಗಳೊಂದಿಗೆ ಆಟ ಆಡುವುದರಿಂದ ದೂರ ಇಡಬೇಕು. ಕೆಲವುವೊಂದು ಬಾರಿ ನಾಯಿ ಮಕ್ಕಳ ಮುಖವನ್ನು ನೆಕ್ಕುವ ಕೆಲಸ ಮಾಡುತ್ತವೆ. ಮಕ್ಕಳು ಆಟ ಆಡುವ ಬಾಲ್ ಹಾಗೂ ವಸ್ತುಗಳನ್ನು ಕಚ್ಚುತ್ತಿರುತ್ತದೆ. ನಾಯಿ ಮಲ ಮೂತ್ರ ಮಾಡದಂತೆ ಮನೆಯನ್ನು ಸ್ವಚ್ಛವಾಗಿ ಇಟ್ಟುಕೊಳ್ಳಬೇಕು ಎಂದು ಹಿರಿಯ ತಜ್ಞ ವೈದ್ಯ ಡಾ.ಅಶ್ವಿನಿ ಕುಮಾರ್ ಮಾಹಿತಿ ನೀಡಿದ್ದಾರೆ.

ನಾಯಿಗಳಲ್ಲಿ ಟೇಪ್ ವರ್ಮ್, ರಿಂಗ್ ವರ್ಮ್ ಗಳು ಕಾಣಿಸಿಕೊಳ್ಳುತ್ತಿದೆ. ಇನ್ಫೆಕ್ಷನ್ ಬಂದ ನಾಯಿಗಳ ಸಂಪರ್ಕದಿಂದ ಇದು ಸ್ಪ್ರೆಡ್ ಆಗುತ್ತಿದೆ. ಮುಖ್ಯವಾಗಿ ಚಿಕ್ಕ ಮಕ್ಕಳಿಗೆ ಈ ರೋಗ ಬಹು ಬೇಗ ತಗಲುತ್ತಿದೆ. ಹೀಗಾಗಿ ಮಕ್ಕಳನ್ನ ಸೋಂಕು ಪೀಡಿತ ಶ್ವಾನ ಜೊತೆ ಬಿಡಬೇಕಾದರೆ ಎಚ್ಚರಿಕೆ ವಹಿಸಬೇಕಿದೆ.

ಇನ್ನೊಂದ್ಕಡೆ ಮಳೆಗಾಲದ ಬೆನ್ನಲ್ಲೇ ಮಕ್ಕಳಿಗೆ ಕೆಮ್ಮು, ನೆಗಡಿ, ಜ್ವರ ಶುರುವಾಗಿದೆ. ನಗರ ಆಸ್ಪತ್ರೆಗಳಲ್ಲಿ ಮಕ್ಕಳಿಗೆ ಚಿಕಿತ್ಸೆಗೆ ಕರೆದುಕೊಂಡು ಹೋಗುವವರ ಸಂಖ್ಯೆ ಹೆಚ್ಚಾಗಿದೆ. ಹೀಗಾಗಿ ಮಕ್ಕಳ ಬಗ್ಗೆ ಗಮನಹರಿಸಿ ಎಂದು ವೈದ್ಯರು ಸಲಹೆ ನೀಡುತ್ತಿದ್ದಾರೆ. (ವರದಿ: ಹಂಸ ಶ್ಯಾಮಲ, ನ್ಯೂಸ್ 18, ಬೆಂಗಳೂರು)