Corona Virus: ಬೆಳಗಾವಿಯಲ್ಲಿ ಕೋವಿಡ್‌ಗೆ ಎರಡು ತಿಂಗಳ ಮಗು ಬಲಿ

ಬುಧವಾರದ ಕೊರೊನಾ ಬುಲೆಟಿನ್ ಪ್ರಕಾರ, ರಾಜ್ಯದಲ್ಲಿ 1,77,244 ಸಕ್ರಿಯ ಪ್ರಕರಣಗಳಿವೆ. ನಿನ್ನೆ ಒಂದೇ ದಿನ 20,505 ಜನಕ್ಕೆ ಸೋಂಕು ತಗುಲಿದ್ದು, 81 ಮಂದಿ ಮೃತರಾಗಿದ್ದಾರೆ. 81ರ ಜನರ ಪೈಕಿ ಎರಡು ತಿಂಗಳ ಗಂಡು ಮಗು ಸಹ ಸೇರಿದೆ. (ಸಾಂದರ್ಭಿಕ ಚಿತ್ರ)

ನಿನ್ನೆ 40,903 ಜನರು ಗುಣಮುಖರಾಗಿದ್ದಾರೆ. ಕೋವಿಡ್ 19 ಸೋಂಕಿತ ಖಚಿತ ಪ್ರಕರಣಗಳ ಶೇಕಡವಾರು ಪ್ರಮಾಣ ಶೇ.12.55ರಷ್ಟಿದೆ. ಮೃತರ ಪ್ರಮಾಣ ಶೇ.0.39ರಷ್ಟಿದೆ. (ಸಾಂದರ್ಭಿಕ ಚಿತ್ರ)

ಬೆಳಗಾವಿಯಲ್ಲಿ ಕೊರೊನಾ ಗುಣ ಲಕ್ಷಣ ಕಂಡು ಬಂದಿದ್ದ ಮಗು ಚಿಕಿತ್ಸೆ ಫಲಕಾರಿಯಾಗದೇ ಸಾವನ್ನಪ್ಪಿದೆ. ಜನವರಿ 17ರಂದು ಮಗು ಆಸ್ಪತ್ರೆಗೆ ದಾಖಲಾಗಿತ್ತು. ಜನವರಿ 30ರಂದು ಮಗು ಸಾವನ್ನಪ್ಪಿರುವ ಮಾಹಿತಿ ಆರೋಗ್ಯ ಇಲಾಖೆಯ ಕೊರೊನಾ ಬುಲೆಟಿನ್ ಖಚಿತಪಡಿಸಿದೆ. (ಸಾಂದರ್ಭಿಕ ಚಿತ್ರ)

ಓಮೈಕ್ರಾನ್, ಹೊಸ ರೂಪಾಂತರವು ದ್ವಿಗುಣಗೊಳ್ಳಲು ತೆಗೆದುಕೊಳ್ಳುತ್ತಿರುವ ಸಮಯ ಎರಡರಿಂದ ಮೂರು ದಿನಗಳು. ಡೆಲ್ಟಾ ಆವೃತ್ತಿಯ ಐದು ದಿನಗಳಿಗೆ ಹೋಲಿಸಿದರೆ ಓಮೈಕ್ರಾನ್ ತ್ವರಿತಗತಿಯಲ್ಲಿ ಹರಡುತ್ತಿದೆ.

ಕೋವಿಡ್ -19ನ ಓಮೈಕ್ರಾನ್ (Omicron) ರೂಪಾಂತರವು ಸೌಮ್ಯವಾದ ರೋಗಲಕ್ಷಣಗಳನ್ನು ಹೊಂದಿರುವುದರಿಂದಾಗಿ ಸೋಂಕನ್ನು ಪತ್ತೆಹಚ್ಚುವುದು ಕಷ್ಟಕರವಾಗಿದೆ. (ಸಾಂದರ್ಭಿಕ ಚಿತ್ರ)

ಭಾರತವು ಈ ವರ್ಷದ ಮಾರ್ಚ್ ವೇಳೆಗೆ 12 ರಿಂದ14 ವರ್ಷ ವಯಸ್ಸಿನ ಮಕ್ಕಳಿಗೆ ಲಸಿಕೆ ಹಾಕಲು ಪ್ರಾರಂಭಿಸುತ್ತದೆ ಎಂದು ಡಾ ಎನ್‌ಕೆ ಅರೋರಾ ಹೇಳಿದ್ದಾರೆ. ಹೆಸರಾಂತ ಸಾರ್ವಜನಿಕ ಆರೋಗ್ಯ ತಜ್ಞ ಡಾ. ಅರೋರಾ ಅವರು, ಕೇಂದ್ರ ಸರ್ಕಾರದ COVID-19 ಕಾರ್ಯನಿರತ ಗುಂಪಿನ ರಾಷ್ಟ್ರೀಯ ತಾಂತ್ರಿಕ ಸಲಹಾ ಗುಂಪಿನ ರೋಗನಿರೋಧಕ ಗುಂಪಿನ (NTAGEI) ಅಧ್ಯಕ್ಷರಾಗಿದ್ದಾರೆ. (ಸಾಂದರ್ಭಿಕ ಚಿತ್ರ)

ದೇಶಾದ್ಯಂತ ಆರೋಗ್ಯ ಮತ್ತು ಮುಂಚೂಣಿ ಕಾರ್ಯಕರ್ತರಿಗೆ ಕೋವಿಡ್ -19 ಲಸಿಕೆಗಳ 'ಮುನ್ನೆಚ್ಚರಿಕೆಯ ಡೋಸ್' (ಬೂಸ್ಟರ್ ಡೋಸ್) ನೀಡಲಾಗುತ್ತಿದೆ. ಮಧುಮೇಹ, ಅಧಿಕ ರಕ್ತದೊತ್ತಡ ಮತ್ತು ಇತರ ದೀರ್ಘಕಾಲದ ಕಾಯಿಲೆಗಳಂತಹ ಅಸ್ವಸ್ಥತೆ ಹೊಂದಿರುವ 60 ವರ್ಷಕ್ಕಿಂತ ಮೇಲ್ಪಟ್ಟವರು ತಮ್ಮ ವೈದ್ಯರ ಸಲಹೆಯ ಮೇರೆಗೆ "ಮುನ್ನೆಚ್ಚರಿಕೆ ಡೋಸ್" ಅನ್ನು ಪಡೆಯುತ್ತಿದ್ದಾರೆ. (ಸಾಂದರ್ಭಿಕ ಚಿತ್ರ)