Nadini Milk : ನಂದಿನಿ ಹಾಲಿನ ಪ್ಯಾಕೇಟ್ ಮೇಲಿಂದ ಕನ್ನಡ ಮಾಯ..! ಏನಿದರ ಸತ್ಯಾಸತ್ಯತೆ?

ಪ್ಯಾಕೆಟ್ ಬದಲಾವಣೆಯಾಗಿದ್ದು ಏಕೆ ? ಕನ್ನಡ ಕಾಣೆ ಯಾಗೋಕೆ ನಿಜವಾದ ಕಾರಣವೇನು ? ಸ್ಪಷ್ಟನೆ ಇಲ್ಲಿದೆ.

ಸಾಂದರ್ಭಿಕ ಚಿತ್ರ

ಬೆಳಗಾವಿ ಜಿಲ್ಲಾ ಹಾಲು ಒಕ್ಕೂಟದ ವ್ಯವಸ್ಥಾಪಕ ನಿರ್ದೇಶಕರಾಗಿರುವ ಶ್ರೀನಿವಾಸ್ ಅವರು ಈ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ.

ಬೆಂಗಳೂರಿನಲ್ಲಿರುವ ಕೆ.ಎಂ.ಎಫ್ ಘಟಕದಲ್ಲಿ ಹಾಲು ಪ್ಯಾಕೆಟ್ ಗಳ ಮೇಲೆ ಮುದ್ರಣ (LDPE film) ಮಾಡುವ ಯಂತ್ರ ದುರಸ್ತಿ ಯಲ್ಲಿದ್ದು, ಅದನ್ನು ಸರಿಪಡಿಸಲು 3 ರಿಂದ 4 ವಾರಗಳಾದರೂ ಬೇಕಿರುವ ಕಾರಣ, ಮುದ್ರಣ ಮಾಡಿಸಲು ಸಮಸ್ಯೆ ಎದುರಾಗಿದೆ.

ಬೆಳಗಾವಿಯಲ್ಲಿ ಸರಬರಾಜು ಆಗುವ 27000 ಲೀಟರ್ ಕೆನೆಭರಿತ ಹಾಲಿನ ಪ್ಯಾಕೆಟ್ ಗಳು ಬೇರೆಡೆ ಲಭ್ಯವಿಲ್ಲದ ಕಾರಣ ಗೋವಾ ಮತ್ತು ಪುಣೆ ಮಾರುಕಟ್ಟೆಗೆಂದು ಮುದ್ರಿಸಿದ್ದ ಕೆನೆಭರಿತ ಹಾಲಿನ ದುಬಾರಿ ಪ್ಯಾಕೆಟ್ ಗಳನ್ನು ಬಳಸಲಾಗುತ್ತೆ.

ಹಾಲು ವಿತರಣೆಯಲ್ಲಿ ತೊಂದರೆಯಾಗದಂತೆ ಮಲ್ಟಿ ಕಲರ್ ಫ್ಯಾಮಿಲಿ ಚಿತ್ರವುಳ್ಳ LDPE film ನಲ್ಲಿ ನಂದಿನಿ ಕೆನೆಭರಿತ ಹಾಲಿನ ಪ್ಯಾಕ್ ಗಳನ್ನು ಸರಬರಾಜು ಮಾಡಲಾಗುತ್ತಿದೆ’ ಎಂದು ತಿಳಿಸಿದರು.

ಹಾಲನ್ನು ಗ್ರಾಹಕರಿಗೆ ತಲುಪಿಸುವ ದೃಷ್ಟಿಯಿಂದ ಬೆಳಗಾವಿ ಜಿಲ್ಲಾ ಸಹಕಾರಿ ಹಾಲು ಒಕ್ಕೂಟ ಏಪ್ರಿಲ್ 04 ರಿಂದ ಈ ತಾತ್ಕಾಲಿಕ ಬದಲಿ ವ್ಯವಸ್ಥೆ ಮಾಡಿದೆ.

ಏಪ್ರಿಲ್ 3 ನೇ ವಾರದೊಳಗೆ ಸರಿಪಡಿಸಲು ಎಲ್ಲ ಏರ್ಪಾಡು ಮಾಡಿಕೊಂಡಿದೆ ಎಂದು ವ್ಯವಸ್ಥಾಪಕ ನಿರ್ದೇಶಕರು ತಿಳಿಸಿದ್ದಾರೆ.

ಈ ಬಗ್ಗೆ ಬೆಳಗಾವಿ ಹಾಲು ಒಕ್ಕೂಟ ಪತ್ರಿಕಾ ಪ್ರಕಟಣೆ ಕೂಡ ಹೊರಡಿಸಿದೆ. ಎಲ್ಲಾ ಕನ್ನಡ ಪರ ಸಂಘಟಣೆಗಳು ಬೆಂಬಲಿಸಿ ಎಂದಿನಂತೆ ಸಹಕರಿಸಲು ಕೋರಿದೆ.