Manvitha Kamath: ‘ಟಗರು ಪುಟ್ಟಿ’ಗೆ ಡಬಲ್ ಡಿಗ್ರಿ ಕಿರೀಟ; ಫೋಟೋಶೂಟ್​ನಲ್ಲಿ ಮಿಂಚಿದ ಮಾನ್ವಿತಾ

ಸ್ನಾತಕೋತ್ತರ ಪಡೆದ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ತನ್ನ ಸ್ನೇಹಿತರು ಹಾಗೂ ಶಿಕ್ಷಕರ ಜೊತೆ ಫೋಟೋಗೆ ಪೋಸ್ ಕೊಟ್ಟಿದ್ದಾರೆ.

ಫಿಲ್ಮಂ ಶೂಟಿಂಗ್ನಲ್ಲಿ ಬ್ಯುಸಿ ಆಗಿರೋ ಮಾನ್ವಿತಾ ಕಾಮತ್ ಸಾಮಾಜಿಕ ಜಾಲತಾಣಗಳಲ್ಲೂ ಆ್ಯಕ್ಟಿವ್ ಆಗಿದ್ದಾರೆ. ಸಿನಿಮಾ ಸ್ಟೇಟಸ್ಗಳ ಬಗ್ಗೆ ಕೂಡ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ತಾರೆ.

ಕೆಂಡಸಂಪಿಗೆ ಮಾನ್ವಿತಾ ಕಾಮತ್ ಕನ್ನಡ ಚಿತ್ರರಂಗದಲ್ಲಿ ಸಕ್ರಿಯವಾಗಿರುವ ಪ್ರತಿಭಾನ್ವಿತ ಯುವನಟಿಯಾಗಿದ್ದಾರೆ. ಮಂಗಳೂರಿನಲ್ಲಿ ಪತ್ರಿಕೋದ್ಯಮ ಮತ್ತು ಇಂಗ್ಲೀಷ್ ಸಾಹತ್ಯದಲ್ಲಿ ಪದವಿ ಪಡೆದ ಇವರು ರೇಡಿಯೋ ಜಾಕಿಯಾಗಿ ತಮ್ಮ ವೃತ್ತಿಜೀವನ ಆರಂಭಿಸುತ್ತಾರೆ.

ದುನಿಯಾ ಸೂರಿಯವರ `ಕೆಂಡಸಂಪಿಗೆ' ಚಿತ್ರದ ಅಡಿಷನ್ ನಲ್ಲಿ ನಾಯಕಿ ಪಾತ್ರಕ್ಕೆ ಆಯ್ಕೆಯಾದ ಮಾನ್ವಿತಾ ತಮ್ಮ ಮೊದಲ ಚಿತ್ರ ಕೆಂಡಸಂಪಿಗೆಯಲ್ಲಿನ ಅಭಿನಯಕ್ಕೆ ಸೈಮಾ ಪ್ರಶಸ್ತಿ ಪಡೆದಿದ್ದಾರೆ.

`ಚೌಕ' ಚಿತ್ರದಲ್ಲಿ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡು `ಕನಕ',`ಟಗರು' ಚಿತ್ರಗಳಲ್ಲಿ ನಾಯಕಿಯಾಗಿ ನಟಿಸಿದ್ದಾರೆ. `ಟಗರು' ಚಿತ್ರದಲ್ಲಿನ ಇವರ ಅಭಿನಯಕ್ಕೆ ಪ್ರೇಕ್ಷಕರು ಮತ್ತು ವಿಮರ್ಶಕರು ಮೆಚ್ಚಿ ಕೊಂಡಾಡಿದ್ರು

ಮಾನ್ವಿತಾಗೆ ನಟನೆಯ ಜೊತೆಗೆ ಬರವಣಿಗೆಯಲ್ಲೂ ಆಸಕ್ತಿ ಹೊಂದಿರೋದಾಗಿ ಹೇಳಿದ್ರು. 'ನನ್ನ ತಂದೆ ಬರಹಗಾರರು. ಅವರು ಕನ್ನಡ-ಇಂಗ್ಲಿಷ್ನಲ್ಲಿ ತುಂಬ ಬರೆಯುತ್ತಿದ್ದರು. ನನಗೂ ಅದೇ ಗುಣ ಬಂದಿದೆ. ಸಿನಿಮಾಗಳಿಗೂ ಬರೆಯಬಹುದು ಎಂಬುದನ್ನು ನಾನು ಈಚೆಗೆ ಅರಿತೆ. ನಿರ್ದೇಶನ ಮಾಡಬೇಕೆನ್ನುವ ಆಸೆ ಕೂಡ ಇದೆ.

ಆದರೆ, ಅದಕ್ಕೆ ಇನ್ನಷ್ಟು ಅಭ್ಯಾಸದ ಅಗತ್ಯತೆ ಇದೆ. ಸದ್ಯಕ್ಕಂತೂ ಬರವಣಿಗೆ ಮೇಲೆ ಹೆಚ್ಚು ಗಮನ ನೀಡಿದ್ದೇನೆ. ಪೂರ್ಣ ಪ್ರಮಾಣದ ಸಿನಿಮಾಕ್ಕೆ ತಕ್ಕಂತೆ ಸ್ಕ್ರಿಪ್ಟ್ ಸಿದ್ಧಗೊಳ್ಳುತ್ತಿದ್ದಂತೆಯೇ, ನಿರ್ಮಾಪಕರಿಗೆ ಕಥೆ ಹೇಳಲಿದ್ದೇನೆ.

ಚಿತ್ರರಂಗದ ಒಂದಷ್ಟು ಜನರೊಂದಿಗೆ ಬರವಣಿಗೆ ಕುರಿತು ಚರ್ಚೆ ಮಾಡುತ್ತಿದ್ದೇನೆ. ಸಿನಿಮಾ ಅನ್ನೋದು ಬರೀ ನನ್ನ ಪ್ಯಾಷನ್ ಅಷ್ಟೇ ಅಲ್ಲ, ನನ್ನ ಜೀವನವೇ ಅದಾಗಿದೆ. ಸಿನಿಮಾವನ್ನು ನಾನು ತುಂಬ ಗಂಭೀರವಾಗಿ ತೆಗೆದುಕೊಂಡಿದ್ದೇನೆ' ಎಂದು ಮಾನ್ವಿತಾ ಹೇಳಿದ್ರು.