Marriage: ಪ್ರೇಯಸಿಯ ಮದುವೆಗೆ ಬಂದು ಕತ್ತು ಕುಯ್ದುಕೊಂಡ ಯುವಕ; ಮಂಟಪದಿಂದ ಓಡಿ ಹೋದ ವರ

ಬೆಂಗಳೂರು ಗ್ರಾಮಾಂತರ ಜಿಲ್ಲೆ ದೊಡ್ಡಬಳ್ಳಾಪುರ ತಾಲ್ಲೂಕಿನ ಶ್ರೀಕ್ಷೇತ್ರ ಘಾಟಿ ಸುಬ್ರಮಣ್ಯದಲ್ಲಿ ಯುವತಿ ಅಪ್ಸರಾ (ಹೆಸರು ಬದಲಾಯಿಸಲಾಗಿದೆ) ಮದುವೆ ನಿಶ್ಚಯವಾಗಿತ್ತು. ಈ ವೇಳೆ ಅಲ್ಲಿಗೆ ಬಂದ ಯುವಕ ಗಲಾಟೆ ಮಾಡಿ ಮದುವೆಯನ್ನು ನಿಲ್ಲಿಸಿದ್ದಾನೆ. (ಸಾಂದರ್ಭಿಕ ಚಿತ್ರ)

ಬೆಂಗಳೂರು ಮೂಲದ ನಿತೀಶ್ ಕತ್ತು ಕುಯ್ದುಕೊಂಡ ಪಾಗಲ್ ಪ್ರೇಮಿ. ರಕ್ತದ ಮುಡುವಿನಲ್ಲಿ ಬಿದಿದ್ದ ಪಾಗಲ್ ಪ್ರೇಮಿಯನ್ನು ಬೆಂಗಳೂರಿನ ವಿಕ್ಟೋರಿಯಾ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ. (ಸಾಂದರ್ಭಿಕ ಚಿತ್ರ)

ಅಪ್ಸರಾ ಮತ್ತು ನಿತೀಶ್ 10ನೇ ತರಗತಿಯಲ್ಲಿ ಜೊತೆಯಾಗಿ ಓದಿದ್ದರು. ಈ ವೇಳೆ ಇಬ್ಬರ ಮಧ್ಯೆ ಪ್ರೇಮಾಂಕುರವಾಗಿತ್ತು. ಅಪ್ಸರಾ ಸಹ ನಿತೀಶ್​ನನ್ನು ಪ್ರೀತಿಸುತ್ತಿದ್ದಳು ಎಂದು ಹೇಳಲಾಗ್ತಿದೆ. (ಸಾಂದರ್ಭಿಕ ಚಿತ್ರ)

ಈಗ ನಿತೀಶ್ ಪ್ರೀತಿಯನ್ನು ತಿರಸ್ಕರಿಸಿ ಅಪ್ಸರಾ ಪೋಷಕರು ನಿಶ್ಚಯಿಸಿದ ಯುವಕನ ಜೊತೆ ಮದುವೆಯಾಗಲು ಮುಂದಾಗಿದ್ದಳು. ಮದುವೆ ವಿಷಯ ತಿಳಿದ ನಿತೀಶ್ ಕಲ್ಯಾಣಮಂಟಪಕ್ಕೆ ಬಂದು ಗಲಾಟೆ ಮಾಡಿದ್ದಾನೆ. (ಸಾಂದರ್ಭಿಕ ಚಿತ್ರ)

ಆರಂಭದಲ್ಲಿ ಯುವತಿ ಪೋಷಕರು ನಿತೀಶ್ ಮೇಲೆ ಹಲ್ಲೆ ನಡೆಸಿದ್ದಾರೆ ಎಂಬ ಮಾತುಗಳು ಕೇಳಿ ಬಂದಿವೆ. ಕೊನೆಗೆ ನಿತೀಶ್ ಕತ್ತು ಕುಯ್ದುಕೊಂಡಿದ್ದಾನೆ. (ಸಾಂದರ್ಭಿಕ ಚಿತ್ರ)

ಅಪ್ಸರಾ ಆತನನ್ನು ಪ್ರೀತಿ ಮಾಡುತ್ತಿರಲಿಲ್ಲ ಎಂದು ಯುವತಿ ಪೋಷಕರು ಹೇಳಿದ್ದಾರೆ. ಸ್ನೇಹವನ್ನು ನಿತೀಶ್ ತಪ್ಪಾಗಿ ತಿಳಿದುಕೊಂಡಿದ್ದರ ಪರಿಣಾಮ ಈ ಘಟನೆ ನಡೆದಿದೆ ಎಂದು ಅಪ್ಸರಾ ಕುಟುಂಬಸ್ಥರು ಹೇಳಿದ್ದಾರೆ. (ಸಾಂದರ್ಭಿಕ ಚಿತ್ರ)

ಇನ್ನು ನಿತೀಶ್ ಕತ್ತು ಕುಯ್ದುಕೊಂಡು ಕಲ್ಯಾಣ ಮಂಟಪದಿಂದ ಬೀಳುತ್ತಿದ್ದಂತೆ ಮದುವೆಯನ್ನು ರದ್ದುಗೊಳಿಸಲಾಗಿದೆ. ವರ ಹಾಗೂ ಆತನ ಸಂಬಂಧಿಕರು ಮದುವೆ ಮುರಿದುಕೊಂಡು ತಮ್ಮೂರಿಗೆ ತೆರಳಿದ್ದಾರೆ. (ಸಾಂದರ್ಭಿಕ ಚಿತ್ರ)

ಸದ್ಯ ನಿತೀಶ್ ವಿಕ್ಟೋರಿಯಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದಾನೆ. ದೊಡ್ಡಬಳ್ಳಾಪುರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ. (ಸಾಂದರ್ಭಿಕ ಚಿತ್ರ)