Vote: ಮತದಾನ ಮಾಡುವುದಕ್ಕಾಗಿ ಲಂಡನ್​ನಿಂದ ಬಂದ ವಿದ್ಯಾರ್ಥಿ! 80 ಸಾವಿರ ಖರ್ಚು ಮಾಡಿ ವೋಟ್ ಹಾಕಿದ ಯುವಕ

ಕರ್ನಾಟಕದಲ್ಲಿ 2023ರ ವಿಧಾನಸಭಾ ಚುನಾವಣೆ ಬರದಿಂದ ಸಾಗುತ್ತಿದೆ. ನಗರ-ಪಟ್ಟಣದಲ್ಲಿರುವವರು ತಮ್ಮ ಸ್ವಗ್ರಾಮಕ್ಕೆ ತೆರಳಿ ಮತದಾನ ಮಾಡುತ್ತಿದ್ದಾರೆ. ವಿಶೇಷ ಎಂದರೆ ಬೇರೆ ದೇಶದಲ್ಲಿ ಇರುವವರೂ ಕೂಡ ತಮ್ಮ ಊರಿಗೆ ಬಂದು ಮತದಾನ ಮಾಡಿದ್ದಾರೆ.

ಹಾಸನ ಜಿಲ್ಲೆಯ ಹೆತ್ತೂರು ಹೋಬಳಿಯ ಕಾಗಿನೆರೆ ಗ್ರಾಮದ ಪರಮೇಶ್​ ಎಂಬುವವರ ಪುತ್ರ ಸ್ಪಂದನ್​ಗೌಡ ಮತದಾನ ಮಾಡುವುದಕ್ಕಾಗಿಯೇ ಇಂಗ್ಲೆಂಡ್​ನಿಂದ ಸ್ವಗ್ರಾಮಕ್ಕೆ ಬಂದಿದ್ದಾರೆ.

ಸ್ಪಂದನ್​ಗೌಡ ಸಕಲೇಶಪುರ- ಆಲೂರು ಕ್ಷೇತ್ರದ ಮತದಾರರಾಗಿರುವ ಅವರು ಮತದಾನ ಮಾಡುವುದಕ್ಕಾಗಿಯೇ ವಿದೇಶದಿಂದ 80 ಸಾವಿರ ಖರ್ಚು ಮಾಡಿ ಆಗಮಿಸಿದ್ದಾರೆ.

ಸ್ಪಂದನ್​ ಅವರು ಲಂಡನ್​ನಲ್ಲಿ ಗ್ಲೋಬಲ್​ ಮ್ಯಾನೇಜ್​ಮೆಂಟ್​ ವಿಷಯದಲ್ಲಿ ಎಂಬಿಎ ಸ್ನಾತಕೋತ್ತರ ಓದುತ್ತಿದ್ದಾರೆ. ಪ್ರಥಮ ವರ್ಷದ ವಿದ್ಯಾರ್ಥಿ ಆಗಿರುವ ಸ್ಪಂದನ್​ ಕಾಲೇಜಿನ ಅನುಮತಿ ಪಡೆದು ತಮ್ಮ ಕಾಳಜಿ ಗ್ರಾಮಕ್ಕೆ ಆಗಮಿಸಿ ಮತದಾನ ಮಾಡಿದ್ದಾರೆ.

ಭಾರತೀಯ ಪ್ರಜಾಪ್ರಭುತ್ವ ವ್ಯವಸ್ಥೆಯ ಬಗ್ಗೆ ತಮ್ಮ ಕಾಲೇಜಿನಲ್ಲಿ ಗೌರವ ಇದ್ದು, ನನ್ನ ನಿರ್ಧಾರಕ್ಕೆ ಪ್ರೋತ್ಸಾಹ ನೀಡಿ ಅನುಮತಿ ನೀಡಿದರು. ನನಗೆ ನಮ್ಮ ಮನೆಯವರು ಹಾಗೂ ಸ್ನೇಹಿತರೂ ಕೂಡ ಬೆಂಬಲ ನೀಡಿದ್ದರಿಂದ ಇಲ್ಲಿಗೆ ಆಗಮಿಸಿ ಮತನಾದ ಮಾಡಿದ್ದೇನೆ. ಯುವ ಜನತೆ ತಮ್ಮ ಹಕ್ಕನ್ನು ತಪ್ಪದೇ ಚಲಾಯಿಸಬೇಕು. ಪ್ರತಿಯೊಬ್ಬರೂ ಮತ ಚಲಾಯಿಸುವುದರಿಂದ ಯೋಗ್ಯ ಅಭ್ಯರ್ಥಿ ಆಯ್ಕೆ ಮಾಡಬಹುದು ಎಂದು ತಿಳಿಸಿದ್ದಾರೆ.

ದಾವಣಗೆರೆಯಲ್ಲೂ ರಾಘವೇಂದ್ರ ಎನ್ನುವವವರು ಅಮೇರಿಕಾದಿಂದ ಮತ ಚಲಾಯಿಸಲು ಬಂದಿದ್ದರು. 15 ವರ್ಷದಿಂದ ಅಮೇರಿಕಾದಲ್ಲಿರುವ ಅವರು ಮತದಾನ ಮಾಡುವ ಆಸೆಯಿಂದ ಬಂದಿದ್ದರು.

ದಾವಣಗೆರೆಯಲ್ಲೂ ರಾಘವೇಂದ್ರ ಎನ್ನುವವವರು ಅಮೇರಿಕಾದಿಂದ ಮತ ಚಲಾಯಿಸಲು ಬಂದಿದ್ದರು. 15 ವರ್ಷದಿಂದ ಅಮೇರಿಕಾದಲ್ಲಿರುವ ಅವರು ಮತದಾನ ಮಾಡುವ ಆಸೆಯಿಂದ ಬಂದಿದ್ದರು.