Gadag: ವಿದ್ಯಾರ್ಥಿ ಕೊಂದಿದ್ದ ಶಿಕ್ಷಕ ಪೊಲೀಸರ ಬಲೆಗೆ, ಅತ್ತ ಗಾಯಾಳು ಶಿಕ್ಷಕಿ ಸ್ಥಿತಿ ಗಂಭೀರ

ನಾಲ್ಕನೇ ತರಗತಿ ವಿದ್ಯಾರ್ಥಿಯನ್ನು ಮೊದಲನೇ ಮಹಡಿಯಿಂದ ಕೆಳಗೆಸೆದು ಹತ್ಯೆಗೈದಿದ್ದ ಅತಿಥಿ ಶಿಕ್ಷಕನನ್ನು ಪೊಲೀಸರು ಬಂಧಿಸಿದ್ದಾರೆ. ಆರೋಪಿ ಶಿಕ್ಷಕ, ಶಾಲೆಯಲ್ಲಿ ಕೆಲಸ ಮಾಡುತ್ತಿದ್ದ ಮೃತ ಬಾಲಕನ ತಾಯಿ, ಶಿಕ್ಷಕಿಯೂ ಆಗಿದ್ದ ಗೀತಾ ಬಾರಕೇರಿ ಎಂಬವರ ಮೇಲೂ ಹಲ್ಲೆ ಮಾಡಿದ್ದು, ಸದ್ಯ ಶಿಕ್ಷಕಿಯ ಸ್ಥಿತಿ ಗಂಭೀರವಾಗಿದ್ದು, ಹುಬ್ಬಳ್ಳಿ ಕಿಮ್ಸ್ ಗೆ ದಾಖಲು ಮಾಡಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. (ಆರೋಪಿ ಮುತ್ತಪ್ಪ)

ಗದಗ ಜಿಲ್ಲೆಯ ನರಗುಂದ ತಾಲೂಕಿನ ಹದಲಿ ಗ್ರಾಮದಲ್ಲಿ 10 ವರ್ಷದ ಬಾಲಕನನ್ನು ಅತಿಥಿ ಶಿಕ್ಷಕನೊಬ್ಬ ನಿನ್ನೆ ಕಟ್ಟದಿಂದ ಕೆಳಗೆಸೆದು ನಿನ್ನೆ ಕೊಲೆಗೈದಿದ್ದನು. ಆದರೆ ಇಂದು ಮಧ್ಯಾಹ್ನ ಗದಗ ಜಿಲ್ಲೆ ನರಗುಂದ ಪಟ್ಟಣದ ರೋಣ ಕ್ರಾಸ್​​ನಲ್ಲಿ ಆರೋಪಿ ಮುತ್ತಪ್ಪ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾನೆ.

ನರಗುಂದ ತಾಲೂಕಿನ ಹದಲಿ ಗ್ರಾಮದ ಸರ್ಕಾರಿ ಮಾದರಿ ಪ್ರಾಥಮಿಕ ಶಾಲೆಯ ಅತಿಥಿ ಶಿಕ್ಷಕ ಮುತ್ತಪ್ಪ ಹಾಗೂ ಗೀತಾ ಇಬ್ಬರು ಬಹಳ ಸಲುಗೆಯಿಂದ ಇದ್ದರು. ದಿನ ನಿತ್ಯ ಮೊಬೈಲ್ ಮೆಸೇಜ್, ಫೋನ್ ನಲ್ಲಿ ಇಬ್ಬರು ಮಾತುಕತೆ ನಡೆಸುತ್ತಿದ್ದರು.

ಕೆಲವು  ದಿನಗಳ ಹಿಂದೆ ಶೈಕ್ಷಣಿಕ ಪ್ರವಾಸಕ್ಕೆ ಹೋದ ವೇಳೆ ಗೀತಾ , ಸಹ ಶಿಕ್ಷಕ ಸಂಗನಗೌಡನ ಜೊತೆಗೆ ಕೂಡ ಸಲಗೆಯಿಂದ ಇರಲು ಆರಂಭಿಸಿದ್ದರು. ಇದರಿಂದ ಕೋಪಗೊಂಡ ಮುತ್ತಪ್ಪ, ತನ್ನನ್ನು ಬಿಟ್ಟು ಸಂಗನಗೌಡ ನೊಂದಿಗೆ ಸಲುಗೆಯಿಂದ ಇದ್ದ  ಗೀತಾಳನ್ನು ಮುಗಿಸಿ ಬಿಡಬೇಕೆಂದು ಶಾಲೆಗೆ ಬಂದಿದ್ದ.

ಈ ವೇಳೆ ಕ್ಲಾಸ್ ರೂಮ್​​ನಲ್ಲಿ ಕುಳಿತಿದ್ದ ಭರತ್ ಅನ್ನು ಹೊರಗೆ ಕರೆದು ತಿರುಗಿಸಿ ಹೊಡೆದಿದ್ದಾನೆ.  ಅಲ್ಲದೇ ಆಕ್ರೋಶದಿಂದ ಮೊದಲನೇ ಮಹಡಿಯಿಂದ ಭರತ್​ ಅನ್ನು ಕೆಳಗೆ ಬಿಸಾಕಿದ್ದಾನೆ. ಈ ವೇಳೆ ಮತ್ತಪ್ಪನ್ನ ಪ್ರಶ್ನಿಸಲು ಬರುತ್ತಿದ್ದ  ಗೀತಾಳ ಮೇಲೆ ಸಲಕೆಯಿಂದ  ಹಲ್ಲೆ ನಡೆಸಿದ್ದನು. (ಸಹ ಶಿಕ್ಷಕ ಸಂಗನಗೌಡ ಪಾಟೀಲ್)

ಇನ್ನೂ ಮತ್ತಪ್ಪ ನಡೆಸಿದ ಮಾರಣಾಂತಿಕ ಹಲ್ಲೆಗೆ ಒಳಗಾದ ಭರತ್ ನಿನ್ನೆ ಮತೃಪಟ್ಟಿದ್ದಾನೆ. ಮತ್ತೊಂದೆಡೆ ಮಗ ಭರತನ ತಾಯಿ ಗೀತಾಳ ಸ್ಥಿತಿ ಚಿಂತಾಜನಕವಾಗಿದ್ದು ಹುಬ್ಬಳ್ಳಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಸದ್ಯ ಅತಿಥಿ ಶಿಕ್ಷಕನಿಂದ ಹಲ್ಲೆಗೊಳಗಾದ ಶಿಕ್ಷಕಿ ಗೀತಾರನ್ನು ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ. ಈ ನಡುವೆ ಶಿಕ್ಷಣ ಸಚಿವ ಬಿ.ಸಿ.ನಾಗೇಶ್​ ಅವರು ಇಂದು ಕಿಮ್ಸ್ ಆಸ್ಪತ್ರೆಗೆ ಭೇಟಿ ನೀಡಿ ಗಾಯಾಳು ಶಿಕ್ಷಕಿಯ ಆರೋಗ್ಯ ವಿಚಾರಿಸಿದರು.

ಶಿಕ್ಷಕಿಯ ಆರೋಗ್ಯ ಸ್ಥಿತಿ ಮತ್ತು ಚಿಕಿತ್ಸೆಯ ಕುರಿತಂತೆ ವೈದ್ಯರಿಂದ ಮಾಹಿತಿ ಪಡೆದರು. ಜೊತೆಗೆ ಗಾಯಾಳು ಶಿಕ್ಷಕಿಯ ಕುಟುಂಬಕ್ಕೆ ಧೈರ್ಯ ತುಂಬಿದರು. ನಂತರ ಬಿ.ಸಿ. ನಾಗೇಶ್ ಅವರು ಬೆಳಗಾವಿಗೆ  ಹಿಂದಿರುಗಿದರು. (ಶಿಕ್ಷಣ ಸಚಿವ ಬಿ.ಸಿ. ನಾಗೇಶ್)