PM Modi: ರೋಡ್​ಶೋಗೆ 40 ಟನ್ ಹೂ ಬಳಕೆ; ಮೋದಿ Rallyಗೆ ಖರ್ಚು ಆಗಿದೆಷ್ಟು?

ಇಂದು ರಾಜಧಾನಿ ಬೆಂಗಳೂರಿನಲ್ಲಿ ಪ್ರಧಾನಿ ನರೇಂದ್ರ ಮೋದಿ ಮಿಂಚಿನ ಸಂಚಾರ ನಡೆಸಿ ಮತಯಾಚನೆ ಮಾಡಿದ್ದಾರೆ. ಬೆಂಗಳೂರಿನ 13 ವಿಧಾನಸಭಾ ಕ್ಷೇತ್ರಗಳಲ್ಲಿ ಇಂದು ಮೋದಿ ಪ್ರಚಾರ ನಡೆಸಿದರು.

ರೋಡ್​ಶೋ ಆರಂಭವಾದಾಗಿನಿಂದ ಮುಕ್ತಾಯಕದವರೆಗೂ ಪ್ರಧಾನಿಗಳ ಮೇಲೆ ಹೂಮಳೆಯನ್ನು ಸುರಿಸಲಾಯ್ತು. ಇಂದು ನಡೆದ ರೋಡ್​ಶೋಗೆ ಎಷ್ಟು ಹೂ ಬಳಕೆ ಮಾಡಲಾಗಿದೆ ಎಂಬುದರ ಮಾಹಿತಿ ಇಲ್ಲಿದೆ.

ಈ ಶೋಗಾಗಿ ಟನ್​ಗಟ್ಟಲೇ ಹೂಗಳನ್ನು ಬಳಕೆ ಮಾಡಲಾಗಿದೆ. ಹೂವಿಗೆ ಎಷ್ಟು ಖರ್ಚು ಆಗಿದೆ? ಈ ಹೂ ಎಲ್ಲಿಂದ ಬಂದಿದೆ ಎಂಬುದರ ಬಗ್ಗೆ ಚುನಾವಣಾಧಿಕಾರಿಗಳು ಮಾಹಿತಿ ಕಲೆ ಹಾಕುತ್ತಿದ್ದಾರೆ.

ಇಂದಿನ ಹೂಗಳ ಬಳಕೆ ಬಗ್ಗೆ ಬಿಜೆಪಿ ಕಾರ್ಯಕರ್ತ ಚಂದು ಎಂಬವರು ಮಾತನಾಡಿದ್ದಾರೆ. ಇಂದಿನ ರೋಡ್​ಶೋಗೆ ರೈತರೇ ಉಚಿತವಾಗಿ ನೀಡಿದ್ದಾರೆ ಎಂದು ಹೇಳಿದ್ದಾರೆ.

ಒಟ್ಟು 40 ಟನ್​ ಹೂಗಳನ್ನು ಪ್ರಧಾನಿಗಳ ರೋಡ್​ ಶೋಗೆ ಬಳಕೆ ಮಾಡಲಾಗಿದೆ ಎಂದು ನ್ಯೂಸ್ ಫಸ್ಟ್ ವೆಬ್​ಸೈಟ್ ವರದಿ ಮಾಡಿದೆ.

ಹೂವಿನ ಖರ್ಚು ವೆಚ್ಚದ ಬಗ್ಗೆ ಚರ್ಚೆ ಆಗಲಿ. ಎಲ್ಲಾ ನಾಯಕರು ಜೊತೆಯಾಗಿ ಖರ್ಚು ಮಾಡಿದ್ದಾರೆ. ಇಲ್ಲಿ ಖರ್ಚು ವೆಚ್ಚದ ಬಗ್ಗೆ ಚರ್ಚೆಯೇ ಇಲ್ಲ ಬರಲ್ಲ ಎಂದು ಹೇಳ್ತಾರೆ ಬಿಜೆಪಿ ಕಾರ್ಯಕರ್ತ ಚಂದು.

ಪ್ರಧಾನಿ ಮೋದಿ ಅವರನ್ನು ಕಣ್ತುಂಬಿಕೊಳ್ಳಲು ಮಕ್ಕಳಿಂದ ಹಿಡಿದು ವೃದ್ಧರು ಸಹ ಆಗಮಿಸಿದ್ದರು.