Indian Cricketers: 2021ರಲ್ಲಿ ಟೀಂ ಇಂಡಿಯಾಗೆ ಎಂಟ್ರಿಕೊಟ್ಟ ಪ್ಲೇಯರ್ಸ್​, ಈ ವರ್ಷ ತಂಡದಿಂದ ಕಣ್ಮರೆ

ಹೊಸ ವರ್ಷ 2023 ಕೆಲವೇ ದಿನಗಳಲ್ಲಿ ಪ್ರಾರಂಭವಾಗಲಿದೆ. ಈ ವರ್ಷದ ಸಾಧನೆಗಳು ಮತ್ತು ಮುಂದಿನ ವರ್ಷ ಸಾಧಿಸಬೇಕಾದ ಗುರಿಗಳ ಬಗ್ಗೆ ಎಲ್ಲರೂ ಯೋಚಿಸುತ್ತಾರೆ. ಆದರೆ 2022 ಅನೇಕ ಭಾರತೀಯ ಕ್ರಿಕೆಟಿಗರಿಗೆ ಮರೆಯಲಾಗದ ವರ್ಷವಾಗಿದೆ.

ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ, ಹಾರ್ದಿಕ್ ಪಾಂಡ್ಯ, ಜಸ್ಪ್ರೀತ್ ಬುಮ್ರಾ, ರಿಷಬ್ ಪಂತ್, ಶ್ರೇಯಸ್ ಅಯ್ಯರ್, ಸೂರ್ಯಕುಮಾರ್ ಯಾದವ್ ಅವರಂತಹ ಆಟಗಾರರು 2022 ರಲ್ಲಿ ಸ್ಮರಣೀಯ ಇನ್ನಿಂಗ್ಸ್ ಆಡಿದರು. ಈ ಪ್ರದರ್ಶನಗಳನ್ನು ಎಂದಿಗೂ ಮರೆಯಲಾಗದು.

ಮತ್ತೊಂದೆಡೆ, 2021 ರಲ್ಲಿ, ಕೆಲವು ಭಾರತೀಯ ಕ್ರಿಕೆಟಿಗರು ಭಾರಿ ನಿರೀಕ್ಷೆಗಳೊಂದಿಗೆ ಅಂತರರಾಷ್ಟ್ರೀಯ ಕ್ರಿಕೆಟ್​ಗೆ ಪ್ರವೇಶೀಸಿದರು. ಆದರೆ ನಂತರ ಅವಕಾಶಗಳು ಸಿಗಲಿಲ್ಲ. 2022ರಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಿಂದ ಬಹುತೇಕ ದೂರ ಉಳಿದರು.

ರಾಹುಲ್ ಚಹಾರ್: 2021ರ ಟಿ20 ವಿಶ್ವಕಪ್‌ನಲ್ಲಿ ರಾಹುಲ್ ಚಹಾರ್ ಭಾರತದ ಪ್ರಮುಖ ಲೆಗ್ ಸ್ಪಿನ್ನರ್ ಆಗಿದ್ದರು. ಆದರೆ 2022ರಲ್ಲಿ ಭಾರತ ಪರ ಒಂದೇ ಒಂದು ಅಂತಾರಾಷ್ಟ್ರೀಯ ಪಂದ್ಯವನ್ನು ಆಡಲಾಗಲಿಲ್ಲ. ಚಹರ್ ಒಂದು ಪಂದ್ಯದಲ್ಲಿ ಹಾಗೂ ಮೂರು ODI ವಿಕೆಟ್‌ಗಳನ್ನು ಮತ್ತು ಆರು ಪಂದ್ಯಗಳಲ್ಲಿ ಏಳು T20I ವಿಕೆಟ್‌ಗಳನ್ನು ಪಡೆದರು. ಆದರೆ ರಾಹುಲ್ ಚಹಾರ್ ಆಯ್ಕೆಗಾರರ ​​ಗಮನ ಸೆಳೆಯಲು ಸಾಧ್ಯವಾಗಲಿಲ್ಲ.

T.ನಟರಾಜನ್: ಭಾರತವು 2022ರಲ್ಲಿ ಅನೇಕ ವೇಗದ ಬೌಲರ್‌ಗಳನ್ನು ಪ್ರಯತ್ನಿಸಿದೆ. ಆದರೆ ಆಯ್ಕೆಗಾರರು ಎಡಗೈ ವೇಗಿ ಟಿ ನಟರಾಜನ್‌ಗೆ ಒಂದೇ ಒಂದು ಅವಕಾಶ ನೀಡಲಿಲ್ಲ. ಎಡಗೈ ವೇಗಿ 2021ರಲ್ಲಿ ಟೆಸ್ಟ್‌ಗೆ ಪಾದಾರ್ಪಣೆ ಮಾಡಿದರು. ಗಬ್ಬಾದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಭಾರತದ ಸ್ಮರಣೀಯ ಜಯದಲ್ಲಿ ಮೂರು ವಿಕೆಟ್‌ಗಳನ್ನು ಪಡೆದರು. ನಟರಾಜನ್ ಅವರು ODI ಮತ್ತು T20 ಗಳಲ್ಲಿ ಉತ್ತಮ ಅಂಕಿಅಂಶಗಳನ್ನು ದಾಖಲಿಸಿದ್ದಾರೆ. ಆದರೆ ಫಿಟ್ನೆಸ್ ಸಮಸ್ಯೆಯಿಂದಾಗಿ ಆಯ್ಕೆಗಾರರು ಅವರಿಗೆ ಹೆಚ್ಚಿನ ಅವಕಾಶಗಳನ್ನು ನೀಡಲಿಲ್ಲ.

ವೆಂಕಟೇಶ್ ಅಯ್ಯರ್: ಹಾರ್ದಿಕ್ ಪಾಂಡ್ಯ 2021ರ ಕೊನೆಯಲ್ಲಿ ಅಂತರರಾಷ್ಟ್ರೀಯ ಕ್ರಿಕೆಟ್‌ನಿಂದ ವಿರಾಮ ಪಡೆದಿದ್ದರು. ಇದರಿಂದ ಟೀಂ ಇಂಢಿಯಾದಲ್ಲಿ ವೆಂಕಟೇಶ್ ಅಯ್ಯರ್ ಸ್ಥಾಣ ಪಡೆದರು. ಅಯ್ಯರ್ ದಕ್ಷಿಣ ಆಫ್ರಿಕಾ ವಿರುದ್ಧದ ಸರಣಿಯಲ್ಲಿ ತಮ್ಮ ಚೊಚ್ಚಲ ODI ಪಂದ್ಯವನ್ನು ಮಾಡಿದರು. ಈ ವರ್ಷ 6 ಟಿ20 ಪಂದ್ಯಗಳನ್ನು ಆಡಿರುವ ಅಯ್ಯರ್ 179.63 ಸ್ಟ್ರೈಕ್ ರೇಟ್‌ನಲ್ಲಿ 97 ರನ್ ಗಳಿಸಿದ್ದರು. ಅಚ್ಚರಿಯ ಸಂಗತಿಯೆಂದರೆ, ಅಯ್ಯರ್‌ಗೆ ಟಿ20 ಆಡುವ ಹೆಚ್ಚಿನ ಅವಕಾಶಗಳು ಸಿಗಲಿಲ್ಲ. ಅವರ ಕೊನೆಯ T20I ಪಂದ್ಯ ಫೆಬ್ರವರಿಯಲ್ಲಿ ಶ್ರೀಲಂಕಾ ವಿರುದ್ಧವಾಗಿತ್ತು. ಐಪಿಎಲ್ 2022 ರಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ಪರ ಅಯ್ಯರ್ ಪ್ರಭಾವ ಬೀರಿದರು. ಈ ಕ್ರಮದಲ್ಲಿ ಅವರು ರಾಷ್ಟ್ರೀಯ ತಂಡವನ್ನು ಪ್ರವೇಶಿಸಿದರು. ಆದರೆ ಹಾರ್ದಿಕ್ ಪಾಂಡ್ಯ ಅದ್ಭುತ ಪುನರಾಗಮನದೊಂದಿಗೆ ವೆಂಕಟೇಶ್ ಅಯ್ಯರ್ ಅವಕಾಶಗಳು ಕ್ಷೀಣಿಸಿದವು.

ಚೇತನ್ ಸಕರಿಯಾ: ಕಳೆದ ವರ್ಷ ಶ್ರೀಲಂಕಾ ವಿರುದ್ಧದ ವಿದೇಶ ಸರಣಿಯಲ್ಲಿ ಚೇತನ್ ಸಕಾರಿಯಾ ಭಾರತದ ಪರ ಅಂತರರಾಷ್ಟ್ರೀಯ ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದರು. ಅವರು ತಮ್ಮ ಚೊಚ್ಚಲ ODI ನಲ್ಲಿ ಎರಡು ವಿಕೆಟ್ ಪಡೆದರು. ಅವರು ಆಡಿದ ಎರಡು T20I ಗಳಲ್ಲಿ ಒಂದು ವಿಕೆಟ್ ಅನ್ನು ಪಡೆದರು. ಸಕಾರಿಯಾ 2022ರಲ್ಲಿ ಟೀಂ ಇಂಡಿಯಾದಲ್ಲಿ ಸ್ಥಾನ ಪಡೆಯಲು ಸಾಧ್ಯವಾಗಲಿಲ್ಲ.

ಸಂದೀಪ್ ವಾರಿಯರ್: ಚೇತನ್ ಸಕರಿಯಾ ಅವರಂತೆ, 2021ರಲ್ಲಿ ಶ್ರೀಲಂಕಾ ವಿರುದ್ಧ ಟಿ20ಗೆ ಪಾದಾರ್ಪಣೆ ಮಾಡಿದ ಭಾರತೀಯ ಕ್ರಿಕೆಟಿಗರಲ್ಲಿ ಸಂದೀಪ್ ವಾರಿಯರ್ ಒಬ್ಬರು. ಚೊಚ್ಚಲ ಪಂದ್ಯದ ನಂತರ ಅವರಿಗೆ ಒಂದೇ ಒಂದು ಅವಕಾಶ ಸಿಗಲಿಲ್ಲ.