Womens IPL 2023: ಮಹಿಳಾ ಐಪಿಎಲ್‌ನಷ್ಟೂ ಇಲ್ಲ ಪಾಕ್‌ ಟಿ-20 ಲೀಗ್, ಪಿಎಸ್‌ಎಲ್‌ ಬಜೆಟ್‌ಗಿಂತ ಜಾಸ್ತಿ ಹಣಕ್ಕೆ ಹರಾಜಾಯ್ತು ವುಮೆನ್ಸ್‌ ಪ್ರಾಂಚೈಸಿ!

ಮಹಿಳಾ ಪ್ರೀಮಿಯರ್ ಲೀಗ್‌ನ (WPL) ಫ್ರಾಂಚೈಸಿಗಳ ಹೆಸರನ್ನು ಬಿಸಿಸಿಐ ಈಗಾಗಲೇ ಪ್ರಕಟಿಸಿದೆ. ಎಲ್ಲಾ 5 ಮಹಿಳಾ ಫ್ರಾಂಚೈಸಿಗಳನ್ನು ಮಾರಾಟ ಮಾಡುವ ಮೂಲಕ ಬಿಸಿಸಿಐ ಒಟ್ಟು 4669.99 ಕೋಟಿ ರೂಪಾಯಿ ಗಳಿಸಿದೆ ಎಂದು ಕಾರ್ಯದರ್ಶಿ ಜಯ್ ಶಾ ತಿಳಿಸಿದ್ದಾರೆ. ಈ ಲೀಗ್ ಮೂಲಕ ಭಾರತದ ಪ್ರತಿಷ್ಠಿತ ಅದಾನಿ ಗ್ರೂಪ್ ಕೂಡ ಕ್ರೀಡಾ ಲೋಕಕ್ಕೆ ಕಾಲಿಟ್ಟಿದೆ.

ಅದಾನಿ ಗ್ರೂಪ್ ಮಹಿಳಾ ಪ್ರೀಮಿಯರ್ ಲೀಗ್‌ನ ಅತ್ಯಂತ ದುಬಾರಿ ತಂಡವನ್ನು 1,299 ಕೋಟಿ ರೂಪಾಯಿ ಖರ್ಚು ಮಾಡುವ ಮೂಲಕ ಖರೀದಿಸಿತು. ಅಹಮದಾಬಾದ್‌ನ ಫ್ರಾಂಚೈಸಿ ಗೌತಮ್ ಅದಾನಿ ಅವರ ಬಳಿ ಇದೆ. ಮುಂಬೈ ಇಂಡಿಯನ್ಸ್ ಫ್ರಾಂಚೈಸಿ 912.99 ರೂಪಾಯಿ ಖರ್ಚು ಮಾಡಿ ಮುಂಬೈ ತಂಡವನ್ನು ಖರೀದಿಸಿತು. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಕೂಡ ಮಹಿಳೆಯರ ಫ್ರಾಂಚೈಸಿಯನ್ನೂ ಸಹ ಖರೀದಿಸಿದೆ. ಅವರು ಈ ತಂಡವನ್ನು 901 ಕೋಟಿ ರೂ.ಗೆ ಖರೀದಿಸಿದರು.

ದೆಹಲಿಯ GMR ಗ್ರೂಪ್ ದೆಹಲಿ ಕ್ಯಾಪಿಟಲ್ಸ್‌ನ ಮಹಿಳಾ ತಂಡವನ್ನು 810 ಕೋಟಿಗೆ ಖರೀದಿಸಿತು. ಲಕ್ನೋ ಫ್ರಾಂಚೈಸ್ ವುಮನ್ ಐಪಿಎಲ್‌ನ ಅಗ್ಗದ ತಂಡವಾಗಿದೆ. ಈ ತಂಡವನ್ನು 757 ಕೋಟಿ ರೂ.ಗೆ ಮಾರಾಟ ಮಾಡಲಾಗಿದೆ.

ಪಾಕಿಸ್ತಾನ್ ಸೂಪರ್ ಲೀಗ್‌ನ (WPL vs PSL) ಅತ್ಯಂತ ದುಬಾರಿ ಫ್ರಾಂಚೈಸಿ ಕರಾಚಿ ಕಿಂಗ್ಸ್ ಆಗಿದೆ. ಈ ಫ್ರ್ಯಾಂಚೈಸ್ ಅನ್ನು 26 ಮಿಲಿಯನ್ ಡಾಲರ್‌ಗಳಿಗೆ ಮಾರಾಟ ಮಾಡಲಾಯಿತು. ಎಲ್ಲಾ ತಂಡಗಳು $93 ಮಿಲಿಯನ್‌ಗೆ ಮಾರಾಟವಾದವು. 2019 ರಲ್ಲಿ, ಆರನೇ ಫ್ರ್ಯಾಂಚೈಸ್ ಮುಲ್ತಾನ್ ಸುಲ್ತಾನ್ $ 6.35 ಮಿಲಿಯನ್ಗೆ ಮಾರಾಟವಾಯಿತು. ಒಟ್ಟಾರೆಯಾಗಿ, PSL ನ ಒಟ್ಟು ಮೌಲ್ಯಮಾಪನವು ಸುಮಾರು $100 ಮಿಲಿಯನ್ ಆಗಿದೆ.

ಪಿಎಸ್ಎಲ್ ಅನ್ನು 100 ಮಿಲಿಯನ್ ಡಾಲರ್ ಆಧಾರದ ಮೇಲೆ ಮೌಲ್ಯಮಾಪನ ಮಾಡಿದರೆ, ಈ ಮೊತ್ತವು 814.78 ಕೋಟಿಗಳಿಗೆ ಬರುತ್ತದೆ. ಲಕ್ನೋ ಫ್ರಾಂಚೈಸಿಯ ಮೌಲ್ಯ 757 ಕೋಟಿ ರೂ. ಮತ್ತು ದೆಹಲಿ ತಂಡದ ಮೌಲ್ಯ 810 ಕೋಟಿ ರೂ. ಈ ಎರಡು ಫ್ರಾಂಚೈಸಿಯಿಂದ ಸಂಪೂರ್ಣ ಪಿಎಸ್​ಎಲ್​ ನಡೆಸಬಹುದಾಗಿದೆ.

ಐಪಿಎಲ್‌ಗೆ ಸಮಾನ ಎಂದು ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ಆಗಾಗ್ಗೆ ಬಡಾಯಿ ಕೊಚ್ಚಿಕೊಳ್ಳುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ ಪಿಎಸ್​ಎಲ್​ ಐಪಿಎಲ್​ ಬದಲಾಗಿ ಮಹಿಳಾ ಐಪಿಎಲ್​ನ್ನೂ ಮೀರಿಸಲು ಸಾಧ್ಯವಾಗಲಿಲ್ಲ.

ಇನ್ನು, ಮಹಿಳಾ ಐಪಿಎಲ್​ ಅನ್ನು ಮಹಿಳಾ ವುಮೆನ್ಸ್ ಪ್ರೀಮಿಯರ್ ಲೀಗ್​ ಎಂದು ಅಧಿಕೃತವಾಗಿ ಬಿಸಿಸಿಐ ಘೋಷಿಸಿದೆ. ಇದೇ ವೇಳೆ ಬಿಸಿಸಿಐ ಕಾರ್ಯದರ್ಶಿ ಜಯ್ ಶಾ WPL ನ ಉದ್ಘಾಟನಾ ಆವೃತ್ತಿಯ ತಂಡಗಳಿಗೆ ಬಿಡ್ಡಿಂಗ್ 2008 ರಲ್ಲಿ ಉದ್ಘಾಟನಾ ಪುರುಷರ ಐಪಿಎಲ್ ದಾಖಲೆಗಳನ್ನು ಮುರಿದಿದೆ ಎಂದು ಹೇಳಿದ್ದಾರೆ.