WPL Auction 2023: ಪುರುಷರ ತಂಡದಂತೆ ಚಾಂಪಿಯನ್​ ಪಟ್ಟದ ಮೇಲೆ ಕಣ್ಣು, ವಿದೇಶಿಯರ ಮೇಲೆ ಕೋಟಿ ಕೋಟಿ ಸುರಿದ ಗುಜರಾತ್ ಜೈಂಟ್ಸ್

ಬಹು ನಿರೀಕ್ಷಿತ ಮಹಿಳಾ ಪ್ರೀಮಿಯರ್ ಲೀಗ್​ನ ಮೊದಲ ಮೆಗಾ ಹರಾಜು ಪ್ರಕ್ರಿಯೆ ಮುಗಿದಿದೆ. ಇದೇ ಮೊದಲ ಬಾರಿಗೆ ಪುರಷರ ಐಪಿಎಲ್ ಟೂರ್ನಿ ಮಾದರಿಯಲ್ಲೇ ಬಿಸಿಸಿಐ ಮಹಿಳಾ ಪ್ರೀಮಿಯರ್ ಲೀಗ್ ಆಯೋಜಿಸುತ್ತಿದೆ. ಆದರೆ ಇಲ್ಲಿ 10 ತಂಡಗಳ ಬದಲಾಗಿ ಸದ್ಯಕ್ಕೆ ಐದು ತಂಡಗಳು ಮೊದಲ ಆವೃತ್ತಿಯಲ್ಲಿ ಕಣಕ್ಕಿಳಿಯ

ರಾಯಲ್ ಚಾಲೆಂಜರ್ಸ್​ ಬೆಂಗಳೂರು, ಮುಂಬೈ ಇಂಡಿಯನ್ಸ್, ಗುಜರಾತ್ ಜೈಂಟ್ಸ್, ಯುಪಿ ವಾರಿಯರ್ಸ್, ಡೆಲ್ಲಿ ಕ್ಯಾಪಿಟಲ್ಸ್ ತಂಡಗಳು ಇಂದು ನಡೆದ ಹರಾಜಿನಲ್ಲಿ ಪಾಲ್ಗೊಂಡಿದ್ದವು. ಗುಜರಾತ್ ಟೈಟಾನ್ಸ್ ತಂಡ ಪುರುಷರ ಐಪಿಎಲ್ ಟೂರ್ನಿಯಲ್ಲಿ ಹಾಲಿ ಚಾಂಪಿಯನ್​ ಆಗಿ ಹೊರ ಹೊಮ್ಮಿದೆ. ಇದೀಗ ಮಹಿಳಾ ಐಪಿಎಲ್ ಟೂರ್ನಿಯಲ್ಲೂ ಗುಜರಾತ್ ಜೈಂಟ್ಸ್ ಕೂಡ ಚಾಂಪಿಯನ್ ಪಟ್ಟದ ಮೇಲೆ ಕಣ್ಣಿಟ್ಟು ವಿಶ್ವದ ಸ್ಟಾರ್ ಆಟಗಾರ್ತಿಯರಿಗೆ ಮಣೆಯಾಕಿದೆ.

ಆಸ್ಟ್ರೇಲಿಯಾದ ಸ್ಟಾರ್ ಆಲ್​ರೌಂಡರ್​ ಆ್ಯಶ್ಲೇ ಗಾರ್ಡ್ನರ್‌ ಅವರನ್ನು ಬರೋಬ್ಬರಿ 3.2 ಕೋಟಿ ರೂಪಾಯಿ ನೀಡಿ ಖರೀದಿಸಿದೆ. ಗುಜರಾತ್ ಜೈಂಟ್ಸ್ ಖರೀದಿಸಿದ ದುಬಾರಿ ಆಟಗಾರ್ತಿ ಹಾಗೂ ಅತಿ ಹೆಚ್ಚು ಹಣ ಪಡೆದ ವಿದೇಶಿ ಆಟಗಾರ್ತಿ ಎನಿಸಿಕೊಂಡಿದ್ದಾರೆ.

ಗಾರ್ಡ್ನರ್​ ಜೊತೆಗೆ ಆಸ್ಟ್ರೇಲಿಯಾದ ವಿಕೆಟ್ ಕೀಪರ್ ಬ್ಯಾಟರ್ ಬೆಥ್ ಮೂನಿಯನ್ನೂ ಗುಜರಾತ್ ಜೈಂಟ್ಸ್ 2 ಕೋಟಿ ರೂಪಾಯಿ ನೀಡಿ ಖರೀದಿಸಿದೆ. ಈ ಇಬ್ಬರು ಆಸ್ಟ್ರೇಲಿಯಾ ತಂಡದ ಅವಿಭಾಜ್ಯ ಅಂಗವಾಗಿದ್ದಾರೆ.

ಇವರಿಬ್ಬರ ಜೊತೆಗೆ ಇಂಗ್ಲೆಂಡ್​ನ ಉದಯೋನ್ಮುಖ ಆಟಗಾರ್ತಿ ಸೋಫಿಯಾ ಡಂಕ್ಲೆಯನ್ನು 60 ಲಕ್ಷ ರೂಪಾಯಿ ನೀಡಿ ಖರೀದಿಸಿದೆ. ಇವರ ಜೊತೆಗೆ ಮಹಿಳಾ ಬಿಗ್‌ಬ್ಯಾಶ್ ಟೂರ್ನಿಯಲ್ಲಿ ಮಿಂಚಿರುವ ಆಸ್ಟ್ರೇಲಿಯಾದ ಅನಾಬೆಲ್ ಸದರ್ಲೆಂಡ್‌ರನ್ನು ಜೈಂಟ್ಸ್ 70 ಲಕ್ಷ ರೂಪಾಯಿ ಹಾಗೂ ಜಾರ್ಜಿಯಾ ವರ್ಹ್ಯಾಮ್ 75 ಲಕ್ಷ ರೂಪಾಯಿಗೆ ಗುಜರಾತ್ ಜೈಂಟ್ಸ್ ಪಾಲಾಗಿದ್ದಾದರೆ.

ಭಾರತದ ಆಲ್​ರೌಂಡರ್​ ಹಿಮಾಚಲ ಪ್ರದೇಶದ ಮೂಲದ ಹರ್ಲಿನ್ ಡಿಯೋಲ್ ಕೂಡ ಗುಜರಾತ್ ಜೈಂಟ್ಸ್ ತಂಡ ಸೇರಿಕೊಂಡಿದ್ದಾರೆ. ಡಿಯೋಲ್‌ಗೆ 40 ಲಕ್ಷ ರೂಪಾಯಿ ನೀಡಿ ಗುಜರಾತ್ ಖರೀದಿಸಿದೆ. ವೆಸ್ಟ್ ಇಂಡೀಸ್ ಸ್ಪೋಟಕ ಆಟಗಾರ್ತಿ ಡಿಯಾಂಡ್ರ ಡಟ್ಟಿನ್‌ಗೆ 60 ಲಕ್ಷ ರೂಪಾಯಿ ನೀಡಿ ಖರೀದಿಸಿದೆ. ಟಿ20 ವಿಶ್ವಕಪ್​ನಲ್ಲಿ ಶತಕ ಸಿಡಿಸಿ ಮೊದಲ ಬ್ಯಾಟರ್ ಎನಿಸಿಕೊಂಡಿದ್ದಾರೆ.

ಭಾರತ ಮಹಿಳಾ ತಂಡದ ಹಿರಿಯ ಆಟಗಾರ್ತಿ ಸ್ನೇಹ್ ರಾಣಾ 75 ಲಕ್ಷ ರೂಪಾಯಿ, ಸಬ್ಬಿನೇನಿ ಮೆಘಾನಗೆ 30 ಲಕ್ಷ ರೂಪಾಯಿ, ಮಾನ್ಸಿ ಜೋಶಿ 30 ಲಕ್ಷ ರೂಪಾಯಿ, ದಯಾಲನ್ ಹೇಮಲತಾ 30 ಲಕ್ಷ ರೂಪಾಯಿ, ಮೋನಿಕಾ ಪಟೇಲ್ 30 ಲಕ್ಷ ರೂಪಾಯಿ ಹಾಗೂ ತನುಜಾ ಕನ್ವರ್‌ಗೆ 50 ಲಕ್ಷ ರೂಪಾಯಿ, ಸುಶ್ಮಾ ವರ್ಮಾಗೆ 60 ಲಕ್ಷ ರೂಪಾಯಿ, ಅಶ್ವಿನಿ ಕುಮಾರಿ 35 ಹಾಗೂ ಪುರಾಣಿಕ್ ಸಿಸೋಡಿಯಾಗೆ 10 ಲಕ್ಷ ರೂಪಾಯಿ ನೀಡಿ ಖರೀದಿಸಲಾಗಿದೆ

ಗುಜರಾತ್ ಜೈಂಟ್ಸ್ ತಂಡದ ಪಟ್ಟಿ: ಆ್ಯಶ್ಲೇ ಗಾರ್ಡ್ನರ್, ಬೆಥ್ ಮೂನಿ, ಸೋಫಿಯಾ ಡಂಕ್ಲೆ, ಅನ್ನಾಬೆಲ್ ಸದರ್ಲೆಂಡ್, ಹರ್ಲಿನ್ ಡಿಯೋಲ್, ಡಿಯಾಂಡ್ರ ಡೊಟ್ಟಿನ, ಸ್ನೇಹ್ ರಾಣಾ, ಸಬ್ಬಿನೇನಿ ಮೇಘನಾ, ಜಾರ್ಜಿಯಾ ವರ್ಹ್ಯಾಮ್, ಮಾನ್ಸಿ ಜೋಶಿ, ದಯಾಲನ್ ಹೇಮಲತಾ, ಮೊನಿಕಾ ಪಟೇಲ್, ತನುಜಾ ಕನ್ವರ್, ಸುಶ್ಮಾ ವರ್ಮಾ, ಹರ್ಲೇ ಗಾಲಾ ,ಅಶ್ವಿನಿ ಕುಮಾರಿ , ಪುರಾಣಿಕಾ ಸಿಸೋಡಿಯಾ