Virat Kohli: ವಿರಾಟ್​ಗೆ ಲವ್ ಪ್ರಪೋಸ್​ ಮಾಡಿದ್ದ ಮಹಿಳಾ ಕ್ರಿಕೆಟರ್​, RCB ಸೇರಬೇಕೆಂಬ ಕನಸು ಭಗ್ನ

ಸುಮಾರು 3 ವರ್ಷಗಳ ಕಾಲ ಶತಕದ ಬರ ಎದುರಿಸಿದ್ದ ಟೀಂ ಇಂಡಿಯಾದ ಮಾಜಿ ನಾಯಕ ವಿರಾಟ್ ಕೊಹ್ಲಿ ಫಾರ್ಮ್ ಗೆ ಮರಳಿದ್ದಾರೆ. ಅವರು ODI ಮತ್ತು T20 ಮಾದರಿಯಲ್ಲಿ ಶತಕಗಳ ಬರವನ್ನು ಕೊನೆಗೊಳಿಸಿದ್ದಾರೆ, ಆದರೆ ಇನ್ನೂ ಟೆಸ್ಟ್ ಮಾದರಿಯಲ್ಲಿ ಅವರಿಂದ ಶತಕದ ಅಗತ್ಯವಿದೆ. ಬಾರ್ಡರ್-ಗವಾಸ್ಕರ್ ಟ್ರೋಫಿ ಸಮಯದಲ್ಲಿ ವಿರಾಟ್ ಈ ಕಾರ್ಯವನ್ನು ಪೂರ್ಣಗೊಳಿಸುತ್ತಾರೆ ಎಂದು ನಿರೀಕ್ಷಿಸಲಾಗಿದೆ.

ಕಳೆದ ವರ್ಷ ಏಷ್ಯಾಕಪ್‌ನಲ್ಲಿ ವಿರಾಟ್ ಕೊಹ್ಲಿ ಶತಕ ಬಾರಿಸಿದ್ದರು. ಇದಾದ ಬಳಿಕ ಬಾಂಗ್ಲಾದೇಶ ಪ್ರವಾಸದಲ್ಲಿ ಏಕದಿನ ಪಂದ್ಯದಲ್ಲೂ ಶತಕ ಬಾರಿಸಿದ್ದರು. ಮೂರು ವರ್ಷಗಳ ಹಿಂದೆ ಡಿಸೆಂಬರ್ 2019 ರಲ್ಲಿ ಕೋಲ್ಕತ್ತಾದಲ್ಲಿ ನಡೆದ ಭಾರತ-ಬಾಂಗ್ಲಾದೇಶ ಡೇ-ನೈಟ್ ಟೆಸ್ಟ್‌ನಲ್ಲಿ ಕಿಂಗ್ ಕೊಹ್ಲಿ ತಮ್ಮ ಕೊನೆಯ ಟೆಸ್ಟ್​ ಶತಕ ಸಿಡಿಸಿದ್ದರು.

ಭಾರತ ಹಾಗೂ ವಿಶ್ವದಾದ್ಯಂತ ವಿರಾಟ್ ಕೊಹ್ಲಿಗೆ ಅಭಿಮಾನಿಗಳಿದ್ದಾರೆ. ಕೆಲವು ಸಂದರ್ಭಗಳಲ್ಲಿ, ಮಹಿಳಾ ಅಭಿಮಾನಿಗಳು ವಿರಾಟ್‌ಗೆ ಮದುವೆಯ ಪ್ರಸ್ತಾಪಗಳನ್ನು ಸಹ ಕಳುಹಿಸಿದ್ದಾರೆ. ಆದರೆ, 2017ರಲ್ಲಿಯೇ ವಿರಾಟ್ ನಟಿ ಅನುಷ್ಕಾ ಶರ್ಮಾ ಅವರನ್ನು ವಿವಾಹವಾದರು.

ಭಾರತದಲ್ಲಿ ಮೊದಲ ಬಾರಿಗೆ ಮಹಿಳಾ ಐಪಿಎಲ್ ಆಯೋಜಿಸಲಾಗುತ್ತಿದೆ. WPL ಎಂದು ಕರೆಯಲ್ಪಡುವ ಭಾರತದಲ್ಲಿ ಮಹಿಳಾ ಕ್ರಿಕೆಟ್‌ನ ಈ ಪಂದ್ಯಾವಳಿಯು ಮಾರ್ಚ್ 4 ರಿಂದ ಪ್ರಾರಂಭವಾಗಲಿದೆ. ಇದಕ್ಕಾಗಿ ಈಗಾಗಲೇ ಮುಂಬೈನಲ್ಲಿ ಹರಾಜು ಪ್ರಕ್ರಿಯೆಯೂ ಪೂರ್ಣಗೊಂಡಿದೆ.

ಹರಾಜಿನಲ್ಲಿ ಸ್ಮೃತಿ ಮಂಧಾನ ಅತಿ ಹೆಚ್ಚು ಬಿಡ್​ ಆದ ಆಟಗಾರ್ತಿ ಎನಿಸಿಕೊಂಡರು. ಈ ವೇಳೆ ಸ್ಟಾರ್​ ಆಟಗಾರ್ತಿ ಮಹಿಳಾ ಪ್ರೀಮಿಯರ್ ಲೀಗ್‌ನಲ್ಲಿ ಸ್ಥಾನ ಪಡೆಯುವ ಅವಕಾಶವನ್ನು ಕಳೆದುಕೊಂಡಿದ್ದಾರೆ. ನಾವು ಇಂಗ್ಲೆಂಡ್ ಮಹಿಳಾ ತಂಡದ ಆರಂಭಿಕ ಬ್ಯಾಟರ್ ಡೇನಿಯಲ್ ವೇಟ್ ಬಗ್ಗೆ ಮಾತನಾಡುತ್ತಿದ್ದೇವೆ. ಡೇನಿಯಲ್ ವಿರಾಟ್ ಕೊಹ್ಲಿಯ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಭಾಗವಾಗಲು ಬಯಸಿದ್ದರಂತೆ.

ಐದು ಫ್ರಾಂಚೈಸಿಗಳಲ್ಲಿ ಯಾವುದೂ ಡೇನಿಯಲ್ ವ್ಯಾಟ್ ಖರೀದಿಸಲಿಲ್ಲ. ಅವರು ಇಂಗ್ಲೆಂಡ್ ಪರ 140 ಪಂದ್ಯಗಳಲ್ಲಿ ಆರಂಭಿಕರಾಗಿ ಕಣಕ್ಕಿಳಿದಿದ್ದಾರೆ. ಈ ಸಮಯದಲ್ಲಿ, ವ್ಯಾಟ್‌ನ ಬ್ಯಾಟ್‌ನಿಂದ 124 ಸ್ಟ್ರೈಕ್ ರೇಟ್‌ನೊಂದಿಗೆ 2,276 ರನ್‌ಗಳು ಬಂದಿವೆ. ಆಕೆ ವಿರಾಟ್ ಕೊಹ್ಲಿಯ ದೊಡ್ಡ ಅಭಿಮಾನಿ ಸಹ ಹೌದು.

2014ರಲ್ಲಿ ಡೇನಿಯಲ್ ವ್ಯಾಟ್ ವಿರಾಟ್ ಕೊಹ್ಲಿ ಬಗ್ಗೆ ಟ್ವೀಟ್ ಮಾಡಿದ್ದರು. ಈ ಟ್ವೀಟ್ ನಲ್ಲಿ ಅವರು, ಕೊಹ್ಲಿ ಬಳಿ, ‘ನೀವು ನನ್ನನ್ನು ಮದುವೆ ಆಗ್ತೀರಾ‘ ಎಂದು ಕೇಳಿದ್ದರು. ಆ ವೇಳೆ ಆಂಗ್ಲ ಆಟಗಾರ್ತಿಯ ಈ ಟ್ವೀಟ್ ಸಾಕಷ್ಟು ಸುದ್ದಿ ಮಾಡಿತ್ತು. ನಂತರ ಆಕೆಯನ್ನು ವಿರಾಟ್‌ ಭೇಟಿಯಾಗಿದ್ದರು.