WPL Auction 2023: ಆರ್​​ಸಿಬಿಗೆ ಎಂಟ್ರಿಕೊಟ್ಟ ಸ್ಮೃತಿ ಮಂದಾನ! ಮೆನ್ಸ್​ ತಂಡಕ್ಕೂ ಮೊದಲೇ ಕಪ್​ ಗೆಲ್ತಾರಂತೆ ವುಮೆನ್ಸ್​ ಟೀಂ!

ಮಹಿಳಾ ಐಪಿಎಲ್‌ಗಾಗಿ ಆಟಗಾರರ ಹರಾಜು ಮುಂಬೈನಲ್ಲಿ ನಡೆಯುತ್ತಿದೆ. ಮಹಿಳಾ ಪ್ರೀಮಿಯರ್ ಲೀಗ್​ನ (WPL 2023) ಮೊದಲ ಋತುವಿನ ಹರಾಜು ಇಂದು ನಡೆಯುತ್ತಿದೆ. ಮಾರ್ಚ್ 4 ರಿಂದ ಲೀಗ್ ಆರಂಭವಾಗಲಿದೆ. ಪಂದ್ಯಾವಳಿಯ ಫೈನಲ್ ಪಂದ್ಯವು ಮಾರ್ಚ್ 26ರಂದು ನಡೆಯಲಿದೆ.

ಭಾರತದ ಆರಂಭಿಕ ಆಟಗಾರ್ತಿ ಸ್ಮೃತಿ ಮಂದಾನ ಇಂದಿನ ಬಿಡ್​ನಲ್ಲಿ ಪ್ರಮುಖ ಆಕರ್ಷಣೆ ಆಗಿದ್ದರು. ಮುಂಬೈ ಇಂಡಿಯನ್ಸ್ ಮತ್ತು RCB ನಡುವೆ ಸ್ಮೃತಿಗಾಗಿ ಭರ್ಜರಿ ಪೈಪೋಟಿ ನಡೆಯಿತು.

ಸ್ಮೃತಿ ಮಂದಾನ  50 ಲಕ್ಷ ಮೂಲ ಬೆಲೆಯನ್ನು ಹೊಂದಿದ್ದರು. ಆದರೆ ಬಿಡ್​ ವೇಳೆ ಮುಂಬೈ ಮತ್ತು ಬೆಂಗಳೂರು ನಡುವಿನ ಪೈಪೋಟಿ ಮೂಲಕ ಮಂದಾನಾ ಬರೋಬ್ಬರಿ 3.40 ಕೋಟಿಗೆ ಅಂತಿಮವಾಗಿ ಬೆಂಗಳೂರು ತಂಡದ ಪಾಲಾದರು.

ಈ ಮೂಲಕ ಆರ್​ಸಿಬಿ ಅಭಿಮಾನಿಗಳ ಕನಸು ಕೊನೆಗೂ ಈಡೇರಿದ. ಮಹಿಳಾ ಐಪಿಎಲ್​ ಆರಂಭಕ್ಕೂ ಮುನ್ನವೇ ಅಭಿಮಾನಿಗಳು ಸ್ಮೃತಿ ಮಂದಾನ ಅವರು ಬೆಂಗಳೂರು ತಂಡಕ್ಕೆ ಬರಬೇಕೆಂದು ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಚರ್ಚೆಗಳು ಆಗುತ್ತಿದ್ದವು.

ಬಳಿಕ ದೆಹಲಿ ಮತ್ತು RCB ಕೂಡ ಭಾರತೀಯ ಕ್ರಿಕೆಟ್​ ತಂಡದ ನಾಯಕಿ ಹರ್ಮನ್‌ಪ್ರೀತ್‌ ಗಾಗಿ ಭರ್ಜರಿ ಬಿಡ್​ ಮಾಡಿದರು. ಅಂತಿಮವಾಗಿ ಮುಂಬೈ ಅವರನ್ನು 1.80 ಕೋಟಿ ರೂ.ಗೆ ಖರೀದಿಸಿದೆ.

ಆರ್​ಸಿಬಿ ಸ್ಮೃತಿ ಮಂದಾನ ಅವರು ಈವೆಗೆಇನ ಬಿಡ್​ನಲ್ಲಿ ಅತಿ ಹೆಚ್ಚು ಬಿಡ್​ ಆದ ಆಟಗಾರ್ತಿಯಾಗಿದ್ದಾರೆ. ಇವರ ಬಳಿಕ ಆಸ್ಟ್ರೇಲಿಯಾದ ಆಲ್‌ರೌಂಡರ್ ಆಶ್ಲೇ ಗಾರ್ಡ್ನರ್ ಗಾಗಿ ಮುಂಬೈ ಮತ್ತು ಯುಪಿ ವಾರಿಯರ್ಸ್ ನಡುವೆ ದೊಡ್ಡ ಬಿಡ್​ ನಡೆಯಿತು. ಆಶ್ಲೇ ಅವರ ಮೂಲ ಬೆಲೆ 50 ಲಕ್ಷವಾಗಿತ್ತು. ಅಂತಿಮವಾಗಿ ಅವರನ್ನು ಗುಜರಾತ್ ಜೈಂಟ್ಸ್ 3.20 ಕೋಟಿ ರೂ.ಗೆ ಖರೀದಿಸಿತ್ತು. ಈ ಮೂಲಕ ಅವರು 2ನೇ ಅತಿ ಹೆಚ್ಚು ಬಿಡ್ ಆದ ಆಟಗರ್ತಿಯಾಗಿದ್ದಾರೆ.

ಆಸ್ಟ್ರೇಲಿಯಾದ ಆಲ್‌ರೌಂಡರ್ ಎಲ್ಲಿಸ್ ಪೆರ್ರಿ ಸಹ ಕೋಟಿ ಕೋಟಿಗೆ ಬಿಡ್​ ಆಗಿದ್ದಾರೆ. ಇವರಿಗಾಗಿ ದೆಹಲಿ ಮತ್ತು RCB ನಡುವೆ ಭರ್ಜರಿ ಪೈಪೋಟಿ ನಡೆಯಿತು. ಅಂತಿಮವಾಗಿ ಅವರನ್ನು 1.70 ಕೋಟಿಗೆ ಆರ್‌ಸಿಬಿ ತಂಡ ಖರೀದಿಸಿತು.

ಈ ಬಾರಿ ಆರ್​ಸಿಬಿ ಮಹಿಳಾ ತಂಡ ಭರ್ಜರಿ ಸ್ಟ್ರಾಂಗ್​ ಆಗಿದೆ. ಈಗಾಗಲೇ ಸ್ಮೃತಿ ಮಂದನಾ ತಂಡಕ್ಕೆ ಎಂಟ್ರಿಕೊಟ್ಟಿದ್ದು, ಇದೀಗ ಭಾರತೀಯ ವೇಗದ ಬೌಲರ್ ರೇಣುಕಾ ಸಿಂಗ್ ಅವರೂ ಸೇರಿಕೊಂಡಿದ್ದಾರೆ. ಇವರ ಮೂಲ ಬೆಲೆ 50 ಲಕ್ಷ ರೂ ಆಗಿತ್ತು. ಅಂತಿಮವಾಗಿ ಅವರನ್ನು ಆರ್‌ಸಿಬಿ 1.50 ಕೋಟಿ ನೀಡಿ ಖರೀದಿಸಿತು.