Womens IPL 2023: ಆರ್​ಸಿಬಿ ಮಹಿಳಾ ತಂಡದ ಲೋಗೋ ರಿಲೀಸ್​, ವುಮೆನ್ಸ್ ಐಪಿಎಲ್​ಗೆ ಹೊಸ ಹೆಸರಿಟ್ಟ ಬಿಸಿಸಿಐ

ಮಹಿಳಾ ಐಪಿಎಲ್‌ನ ಉದ್ಘಾಟನಾ ಆವೃತ್ತಿಯಲ್ಲಿ ಕಾಣಿಸಿಕೊಳ್ಳುವ 5 ಫ್ರಾಂಚೈಸಿಗಳ ಯಶಸ್ವಿ ಹರಾಜು ನಂತರ ಬುಧವಾರ ಭಾರತೀಯ ಮಹಿಳಾ ಕ್ರಿಕೆಟ್ ಇತಿಹಾಸಕ್ಕೆ ಹೊಸ ಅಧ್ಯಾಯವನ್ನು ಸೇರಿಸಲಾಗಿದೆ. ಈ ಮೂಲಕ ಮಹಿಳಾ ಆಟಗಾರ್ತಿಯರಿಗೂ ಐಪಿಎಲ್​ ಆಡುವ ಕನಸು ನನಸಾಗಿದೆ.

BCCI 951 ಕೋಟಿಗಳಿಗೆ ಪಂದ್ಯಾವಳಿಯ ಮಾಧ್ಯಮ ಹಕ್ಕುಗಳನ್ನು ಮಾರಾಟ ಮಾಡಿದ ಕೆಲವು ದಿನಗಳ ನಂತರ, ಲೀಗ್ ಅನ್ನು ಮಹಿಳಾ ಪ್ರೀಮಿಯರ್ ಲೀಗ್ - WPL ಎಂದು ಕರೆಯಲಾಗುವುದು ಎಂದು ದೃಢಪಡಿಸಿದೆ.

ಈ ಮೂಲಕ ಮಹಿಳಾ ಐಪಿಎಲ್​ ಅನ್ನು ಮಹಿಳಾ ವುಮೆನ್ಸ್ ಪ್ರೀಮಿಯರ್ ಲೀಗ್​ ಎಂದು ಅಧಿಕೃತವಾಗಿ ಬಿಸಿಸಿಐ ಘೋಷಿಸಿದೆ. ಇದೇ ವೇಳೆ ಬಿಸಿಸಿಐ ಕಾರ್ಯದರ್ಶಿ ಜಯ್ ಶಾ WPL ನ ಉದ್ಘಾಟನಾ ಆವೃತ್ತಿಯ ತಂಡಗಳಿಗೆ ಬಿಡ್ಡಿಂಗ್ 2008 ರಲ್ಲಿ ಉದ್ಘಾಟನಾ ಪುರುಷರ ಐಪಿಎಲ್ ದಾಖಲೆಗಳನ್ನು ಮುರಿದಿದೆ ಎಂದು ಹೇಳಿದ್ದಾರೆ.

ಅದಾನಿ ಸ್ಪೋರ್ಟ್ಸ್ ಲೈನ್ ಪ್ರೈವೇಟ್ ಲಿಮಿಟೆಡ್ ಅಹಮದಾಬಾದ್ ತಂಡವನ್ನು 1289 ಕೋಟಿ ರೂ.ಗೆ ಖರೀದಿಸಿದೆ. ಮತ್ತೊಂದೆಡೆ ಇಂಡಿಯಾ ವಿನ್ ಸ್ಪೋರ್ಟ್ಸ್ ಪ್ರೈವೇಟ್ ಲಿಮಿಟೆಡ್ ಮುಂಬೈ ತಂಡದ ಹಕ್ಕನ್ನು 912.99 ಕೋಟಿ ರೂ.ಗೆ ಪಡೆದುಕೊಂಡಿದೆ.

ಅದೇ ವೇಳೆ ಆರ್​ಸಿಬಿ 901 ಕೋಟಿ ರೂ.ಗೆ ಬೆಂಗಳೂರನ್ನು ತನ್ನ ಹೆಸರಿಗೆ ಸೇರಿಸಿಕೊಂಡಿದೆ. ದೆಹಲಿಯ ಬಗ್ಗೆ ಮಾತನಾಡುತ್ತಾ, JSW GMR ಕ್ರಿಕೆಟ್ ಪ್ರೈವೇಟ್ ಲಿಮಿಟೆಡ್ ಇದನ್ನು 810 ಕೋಟಿ ರೂ.ಗೆ ಖರೀದಿಸುವಲ್ಲಿ ಯಶಸ್ವಿಯಾಗಿದೆ.

ಕಪ್ರಿ ಗ್ಲೋಬಲ್ ಹೋಲ್ಡಿಂಗ್ಸ್ ಲಕ್ನೋ ಮಹಿಳಾ ತಂಡವನ್ನು ಖರೀದಿಸಿದೆ. ಒಟ್ಟಾರೆಯಾಗಿ ಮಹಿಳಾ ಐಪಿಎಲ್‌ನ ಎಲ್ಲಾ 5 ತಂಡಗಳನ್ನು ಮಾರಾಟ ಮಾಡಿದ ನಂತರದ ಮೌಲ್ಯ 4669.99 ಕೋಟಿ ರೂಪಾಯಿ ತಲುಪಿದೆ ಎಂದು BCCI ತಿಳಿಸಿದೆ.

ಇದೇ ವೇಳೆ, RCB ಮಹಿಳಾ ತಂಡದ ಪರವಾಗಿ ಟ್ವೀಟ್​ ಮಾಡಿರುವ ವಿರಾಟ್ ಕೊಹ್ಲಿ, 'RCB! ಮಹಿಳಾ ಪ್ರೀಮಿಯರ್ ಲೀಗ್ ತಂಡವನ್ನು ಖರೀದಿಸಿದೆ ತುಂಬಾ ಖುಷಿ ತಂದಿದೆ. ಹೊಸ ಉತ್ಸಾಹದಲ್ಲಿ ನಮ್ಮ ಮಹಿಳಾ ತಂಡವನ್ನು ಹುರಿದುಂಬಿಸಲು ಕಾಯಲು ಸಾಧ್ಯವಿಲ್ಲ‘ ಎಂದು ಬರೆದುಕೊಂಡಿದ್ದಾರೆ.

ಇದೇ ವೇಳೆ, ಮಹಿಳಾ RCB ತಂಡವು ತನ್ನ ಟೀಂನ ಹೊಸ ಲೋಗೋವನ್ನು ಬಿಡುಗಡೆ ಮಾಡಿದ್ದು, ಕೆಂಪು ಮತ್ತು ಚಿನ್ನದ ಬಣ್ಣದಲ್ಲಿ ಲೋಗೋವನ್ನು ಡಿಸೈನ್​ ಮಾಡಲಾಗಿದೆ.