IPL 2023: ಸನ್ ರೈಸರ್ಸ್ ಹೈದರಾಬಾದ್ ತಂಡದ ಓನರ್ ಸಖತ್ ಕ್ಯೂಟ್! ಕಾವ್ಯ ಮಾರನ್ ಬಗ್ಗೆ ಇಂಟ್ರೆಸ್ಟಿಂಗ್ ಮಾಹಿತಿ ಇಲ್ಲಿದೆ

ಈಗಾಗಲೇ ಇಂಡಿಯನ್ ಪ್ರೀಮಿಯರ್ ಲೀಗ್ 2023 (IPL) ಶುರುವಾಗಿದ್ದು, ಹೊಡಿ ಬಡಿ ಆಟ ಜೋರಾಗಿಯೇ ಸದ್ದು ಮಾಡುತ್ತಿದೆ. ಅಭಿಮಾನಿಗಳಿಂದ ಕಿಕ್ಕಿರಿದು ತುಂಬಿದ ಕ್ರಿಕೆಟ್ ಆಟದ ಮೈದಾನಗಳು ಮತ್ತು ಆಟಗಾರರ ರೋಚಕ ಬ್ಯಾಟಿಂಗ್ ಮತ್ತು ಬೌಲಿಂಗ್ ಪ್ರದರ್ಶನದಿಂದಾಗಿ ಈ ಬಾರಿಯ ಐಪಿಎಲ್ ಕ್ರಿಕೆಟ್ ಆಟಕ್ಕೆ ಮತ್ತಷ್ಟು ರೋಚಕತೆ ತಂದಿದೆ.

ಅದರಲ್ಲೂ ಐಪಿಎಲ್ ತಂಡಗಳ ಆಟಗಾರರನ್ನು ಹುರಿದುಂಬಿಸಲು ಆಯಾ ಫ್ರಾಂಚೈಸಿ ತಂಡಗಳ ಮಾಲೀಕರು ಸಹ ಕ್ರಿಕೆಟ್ ಆಟದ ಮೈದಾನದಲ್ಲಿ ಅಭಿಮಾನಿಗಳ ಜೊತೆಗೆ ಕುಳಿತುಕೊಂಡು ಪಂದ್ಯವನ್ನು ವೀಕ್ಷಿಸುತ್ತಿದ್ದಾರೆ.

ಹೀಗೆ ಪೆವಿಲಿಯನ್ ನಲ್ಲಿ ಕುಳಿತು ಆಟ ನೋಡುತ್ತಿರುವ ಮತ್ತು ತನ್ನ ಸನ್‌ರೈಸರ್ಸ್ ಹೈದರಾಬಾದ್ ತಂಡವನ್ನು ಹುರಿದುಂಬಿಸುತ್ತಿರುವ ಆ ಯುವತಿ ಯಾರೆಂದು ತಿಳಿದುಕೊಳ್ಳಲು ಜನರು ತುಂಬಾನೇ ಕಾತುರರಾಗಿದ್ದಾರೆ.

ಹೌದು, ಆಕೆಯ ಹೆಸರು ಕಾವ್ಯ ಮಾರನ್ ಅಂತ. ಎಸ್‌ಆರ್‌ಎಚ್ ತಂಡದ ಮಾಲೀಕರು. ಈ ಹೆಸರು ಈಗ ಸೋಶಿಯಲ್ ಮೀಡಿಯಾದಲ್ಲಿ ತುಂಬಾನೇ ಹರಿದಾಡುತ್ತಿದ್ದು, ಜನರ ಗಮನ ಸೆಳೆದಿದೆ. ಎಸ್ಆರ್‌ಎಚ್ ತಂಡದ ಮಾಲೀಕರು ಮತ್ತು ಸಿಇಒ ಆದ ಕಾವ್ಯ ಮಾರನ್ ಅವರು ಕಲಾನಿಧಿ ಮಾರನ್ ಅವರ ಮಗಳು. ತಮಿಳುನಾಡಿನ ದಿವಂಗತ ಮಾಜಿ ಮುಖ್ಯಮಂತ್ರಿ ಎಂ ಕರುಣಾನಿಧಿ ಅವರು ಕಾವ್ಯ ಅವರ ಅಜ್ಜ.

ಕಾವ್ಯ ಮಾರನ್ ಯಾರು?: ವರದಿಯ ಪ್ರಕಾರ, 30 ವರ್ಷ ವಯಸ್ಸಿನ ಕಾವ್ಯ ಅವರ ಎತ್ತರ 5 ಅಡಿ 4 ಇಂಚುಗಳಷ್ಟು ಇದ್ದು, ಇವರ ತಂದೆಯ ಹೆಸರು ಕಲಾನಿಧಿ ಮಾರನ್. ಅವರು ಸನ್ ರೈಸರ್ಸ್ ಹೈದರಾಬಾದ್ ಫ್ರಾಂಚೈಸಿಯ ಸಿಇಒ ಆಗಿ ಕೆಲಸ ಮಾಡುತ್ತಿದ್ದಾರೆ. ಅವರ ತಂದೆ ಕಲಾನಿಧಿ ಮಾರನ್ ಸನ್ ಗ್ರೂಪ್ ನ ಅಧ್ಯಕ್ಷ ಮತ್ತು ಸಂಸ್ಥಾಪಕರಾಗಿದ್ದಾರೆ. ಅವರು ಸನ್ ಟಿವಿಯ ಸನ್ ಮ್ಯೂಸಿಕ್ ಮತ್ತು ಆರ್‌ಎಂ ಚಾನೆಲ್ ಗಳ ಭಾಗವಾಗಿದ್ದಾರೆ.

ಐಪಿಎಲ್ ಎಸ್ಆರ್‌ಎಚ್ ಮಿಸ್ಟರಿ ಗರ್ಲ್ ಕಾವ್ಯ ಮಾರನ್ ತನ್ನ ತಂಡವನ್ನು ಬೆಂಬಲಿಸುವ ಮತ್ತು ಆಟಗಾರರನ್ನು ಹುರಿದುಂಬಿಸುವ ಸಲುವಾಗಿ ಪಂದ್ಯಗಳಿಗೆ ನಿಯಮಿತವಾಗಿ ಆಟದ ಮೈದಾನಕ್ಕೆ ಹೋಗುತ್ತಿದ್ದಾರೆ. ಆದರೆ ಅವರ ಗುರುತನ್ನು ಸಂಪೂರ್ಣವಾಗಿ ಬಹಿರಂಗಪಡಿಸಲು ಸ್ವಲ್ಪ ಸಮಯ ಹಿಡಿಯಿತು. ಆಕೆಯ ಸಕ್ರಿಯ ಪಾಲ್ಗೊಳ್ಳುವಿಕೆಯು ಅವಳ ಜನಪ್ರಿಯತೆಗೆ ದೊಡ್ಡ ಕಾರಣವಾಗಿದೆ.

ಕಾವ್ಯ ಅವರು ನ್ಯೂಯಾರ್ಕ್ ನ ಲಿಯೊನಾರ್ಡ್ ಎನ್ ಸ್ಟರ್ನ್ ಸ್ಕೂಲ್ ಆಫ್ ಬಿಸಿನೆಸ್ ನಿಂದ ಎಂಬಿಎ ಪದವಿಯನ್ನು ಪೂರ್ಣಗೊಳಿಸಿದ್ದಾರೆ. ತಮ್ಮ ಶಿಕ್ಷಣವನ್ನು ಪೂರ್ಣಗೊಳಿಸಿದ ನಂತರ ತಮ್ಮ ಕುಟುಂಬದ ವ್ಯವಹಾರವನ್ನು ನೋಡಿಕೊಳ್ಳಲು ಮತ್ತು ಆಕೆಯ ತಂದೆ ಮತ್ತು ತಾಯಿಗೆ ಬೆಂಬಲಿಸಲು ಭಾರತಕ್ಕೆ ಹಿಂದಿರುಗಿದ್ದಾರೆ.

ಕಾವ್ಯ ಅವರು ಕ್ರಿಕೆಟ್ ಆಟದಲ್ಲಿ ಹೆಚ್ಚು ಆಸಕ್ತಿ ಹೊಂದಿದ್ದಾರೆ ಮತ್ತು ತಮ್ಮ ತಂಡವಾದ ಎಸ್ಆರ್‌ಎಚ್ ಅನ್ನು ಹುರಿದುಂಬಿಸಲು ನಿಯಮಿತವಾಗಿ ಕ್ರೀಡಾಂಗಣಕ್ಕೆ ಬರುತ್ತಿದ್ದಾರೆ. ಕೆಲವರು ಅವರನ್ನು ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ಮಾಲೀಕರಾದ ಪ್ರಸಿದ್ಧ ನಟಿ ಪ್ರೀತಿ ಜಿಂಟಾಗೆ ಹೋಲಿಸುತ್ತಿದ್ದಾರೆ. ಐಪಿಎಲ್ ಸಮಯದಲ್ಲಿ ಅವರ ಅಭಿಮಾನಿಗಳು ಅವರನ್ನು 'ನ್ಯಾಷನಲ್ ಕ್ರಶ್ ಆಫ್ ಇಂಡಿಯಾ' ಎಂದು ಸಹ ಕರೆಯುತ್ತಿದ್ದಾರೆ.