IPL 2023: ಬರೀ ದಂಡ ಹಾಕೋದಲ್ಲ, ಬ್ಯಾನ್​ ಮಾಡಿ; ಬಿಸಿಸಿಐಗೆ ಸಲಹೆ ಕೊಟ್ಟ ಮಾಜಿ ಸ್ಟಾರ್​ ಪ್ಲೇಯರ್!

ವಿರಾಟ್ ಕೊಹ್ಲಿ ಮತ್ತು ಗೌತಮ್ ಗಂಭೀರ್ ತಮ್ಮ ನಡವಳಿಕೆಯನ್ನು ಸುಧಾರಿಸಿಕೊಳ್ಳಬೇಕು ಎಂದು ಭಾರತದ ಮಾಜಿ ಆರಂಭಿಕ ಆಟಗಾರ ವೀರೇಂದ್ರ ಸೆಹ್ವಾಗ್ ಹೇಳಿದ್ದಾರೆ.

ಐಪಿಎಲ್ 2023 ರ ಸಮಯದಲ್ಲಿ, ಲಕ್ನೋ ಸೂಪರ್‌ಜೈಂಟ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ನಡುವಿನ ಪಂದ್ಯದ ನಂತರ ವಿರಾಟ್ ಮತ್ತು ಗೌತಮ್ ನಡುವೆ ಜಗಳ ನಡೆದಿತ್ತು.

ಐಪಿಎಲ್ 2023 ರ ಸಮಯದಲ್ಲಿ, ಲಕ್ನೋ ಸೂಪರ್‌ಜೈಂಟ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ನಡುವಿನ ಪಂದ್ಯದ ನಂತರ ವಿರಾಟ್ ಮತ್ತು ಗೌತಮ್ ನಡುವೆ ಜಗಳ ನಡೆದಿತ್ತು.

ಪಂದ್ಯದ ವೇಳೆ ವಿರಾಟ್ ಕೊಹ್ಲಿ ಅಫ್ಘಾನಿಸ್ತಾನದ ವೇಗಿ ನವೀನ್-ಉಲ್-ಹಕ್ ಅವರೊಂದಿಗೆ ವಾಗ್ವಾದ ನಡೆಸಿದರು. ಈ ಜಗಳದ ನಂತರ ಬಿಸಿಸಿಐ ಮೂವರು ಆಟಗಾರರಿಗೆ ಶಿಕ್ಷೆಯಾಗಿ ದಂಡ ವಿಧಿಸಿದೆ.

ಇದೇ ವೇಳೆ ಮಾತನಾಡಿದ ಸೆಹ್ವಾಗ್, ವಿರಾಟ್ ಕೊಹ್ಲಿ ಮತ್ತು ಗೌತಮ್ ಗಂಭೀರ್ ನಮ್ಮ ದೇಶದಲ್ಲಿ ಬಹಳ ಪ್ರಸಿದ್ಧವಾದ ಹೆಸರುಗಳು. ಲಕ್ಷಾಂತರ ಮಕ್ಕಳು ಅವರನ್ನು ನೋಡುತ್ತಾರೆ, ಜೊತೆಗೆ ಅವರನ್ನು ತಮ್ಮ ಆದರ್ಶವೆಂದು ಪರಿಗಣಿಸುತ್ತಾರೆ. ಅಂತಹ ಪರಿಸ್ಥಿತಿಯಲ್ಲಿ, ಅವರ ಮೈದಾನದಲ್ಲಿನ ಈ ರೀತಿಯ ಜಗಳ ಭವಿಷ್ಯದ ಪೀಳಿಗೆಯ ಮೇಲೆ ಉತ್ತಮ ಪರಿಣಾಮ ಬೀರುವುದಿಲ್ಲ ಎಂದಿದ್ದಾರೆ.

ಈ ಕುರಿತು ಮಾತನಾಡಿದ ವೀರೇಂದ್ರ ಸೆಹ್ವಾಗ್, ಪಂದ್ಯ ಮುಗಿದ ತಕ್ಷಣ ನಾನು ಟಿವಿಯನ್ನು ಸ್ವಿಚ್ ಆಫ್ ಮಾಡಿದೆ. ಪಂದ್ಯದ ನಂತರ ಏನಾಯಿತು ಎಂದು ನನಗೆ ತಿಳಿದಿರಲಿಲ್ಲ. ಮರುದಿನ ಸಾಮಾಜಿಕ ಮಾಧ್ಯಮದಲ್ಲಿ ವಿಷಯ ತಿಳಿದುಕೊಂಡಿದೆ. ಸೋತವರು ಸದ್ದಿಲ್ಲದೆ ಸೋಲನ್ನು ಸ್ವೀಕರಿಸಿ ಹೊರನಡೆಯಬೇಕು ಮತ್ತು ಗೆದ್ದ ತಂಡ ಸಂಭ್ರಮಿಸಬೇಕು.

ಆದರೆ ಇಲ್ಲಿ ಬೇರೆಯದೇ ನಡೆಯಿತು. ನಾನು ಯಾವಾಗಲೂ ಒಂದು ಮಾತನ್ನು ಹೇಳುತ್ತೇನೆ, ಈ ಜನರು ದೇಶದ ಐಕಾನ್‌ಗಳು. ಅವರು ಏನನ್ನಾದರೂ ಮಾಡಿದರೆ ಅದನ್ನು ಲಕ್ಷಾಂತರ ಮಕ್ಕಳು ಅವರನ್ನು ಅನುಸರಿಸುತ್ತಾರೆ ಎಂದು ಭಾವಿಸುತ್ತಾರೆ. ಹಾಗಾಗಿ ಅವರು ಈ ವಿಷಯಗಳನ್ನು ಗಮನದಲ್ಲಿಟ್ಟುಕೊಂಡರೆ ಇಂತಹ ಘಟನೆಗಳು ನಡೆಯುವುದಿಲ್ಲ.

ಈ ರೀತಿ ಆಡಿದಾಗ ಆಟಗಾರರನ್ನು ಬ್ಯಾನ್ ಮಾಡುವುದು ಸೇರಿದಂತೆ ಬಿಸಿಸಿಐ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಬೇಕು ಎಂದು ಒತ್ತಾಯಿಸಿದ ಸೆಹ್ವಾಗ್, ಈ ರೀತಿಯಾಗಿ ಮಾತ್ರ ಐಪಿಎಲ್‌ಗೆ ಕಳಂಕ ತರುವ ಇಂತಹ ಘಟನೆಗಳಿಗೆ ಕಡಿವಾಣ ಹಾಕಲಾಗುವುದು ಎಂದು ಹೇಳಿದ್ದಾರೆ.

ಬಿಸಿಸಿಐ ಯಾರನ್ನಾದರೂ ನಿಷೇಧಿಸಲು ನಿರ್ಧರಿಸಿದರೆ, ಬಹುಶಃ ಇಂತಹ ಘಟನೆಗಳು ಸಂಭವಿಸುವುದಿಲ್ಲ. ಈ ಹಿಂದೆಯೂ ಹಲವು ಬಾರಿ ಇಂತಹ ಘಟನೆಗಳು ನಡೆದಿದ್ದು, ನೀವು ಏನು ಮಾಡಬೇಕೆಂದಿದ್ದರೂ ಅದನ್ನು ನಿಮ್ಮ ಡ್ರೆಸ್ಸಿಂಗ್ ರೂಮ್‌ನೊಳಗೆ ಮಾಡುವುದು ಉತ್ತಮ ಎಂದು ಹೇಳಿದ್ದಾರೆ.