Virat Kohli: ಒಂದು ವರ್ಷಕ್ಕೆ ಕೊಹ್ಲಿ-ಅನುಷ್ಕಾ ಜೋಡಿ ಗಳಿಸುವ ಆದಾಯ ಎಷ್ಟು ಗೊತ್ತೇ?

ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಹಾಗೂ ಅನುಷ್ಕಾ ಶರ್ಮಾ ಟೀಂ ಇಂಡಿಯಾದ ಕ್ಯೂಟ್ ಕಪಲ್ ಎಂದೇ ಬಿಂಬಿತವಾಗಿದ್ದಾರೆ.

ಕೊಹ್ಲಿ ಕ್ರಿಕೆಟ್​ನಲ್ಲಿ ಮಿಂಚು ಹರಿಸುತ್ತಿದ್ದರೆ, ಅನುಷ್ಕಾ ಶರ್ಮಾ ಬಾಲಿವುಡ್​ನಲ್ಲಿ ತಮ್ಮದೆ ಆದ ಚಾಪು ಮಾಡಿಸಿದ್ದಾರೆ.

ವಿರಾಟ್ ಕೊಹ್ಲಿ ಏಕದಿನ, ಟೆಸ್ಟ್ ಕ್ರಿಕೆಟ್​ನ ನಂಬರ್ 1 ಬ್ಯಾಟ್ಸ್​ಮನ್​ ಆದರೆ, ಅನುಷ್ಕಾ ಶರ್ಮಾ ಬಾಲಿವುಡ್ ಟಾಪ್ ನಟಿಯರಲ್ಲಿ ಪ್ರಮುಖರು.

ಅಷ್ಟೇ ಅಲ್ಲದೆ ಸದ್ಯ ವಿರುಷ್ಕಾ ಜೋಡಿ ಭಾರತದ ಶ್ರೀಮಂತ ಕಪಲ್ಸ್ ಕೂಡ ಹೌದು.

ವಿರಾಟ್ ಕೊಹ್ಲಿ ಸದ್ಯ ಒಂದು ವರ್ಷಕ್ಕೆ ಬರೋಬ್ಬರಿ 252.72 ಕೋಟಿ ರೂ. ಆದಾಯ ಗಳಿಸುತ್ತಾರಂತೆ. ಬಿಸಿಸಿಐ ಗುತ್ತಿಗೆ, ಪಂದ್ಯದ ಸಂಭಾವನೆ, ಐಪಿಎಲ್, ಜಾಹೀರಾತು, ಎಂಡೋರ್ಸ್ಮೆಂಟ್, ರೆಸ್ಟೋರೆಂಟ್​ಗಳಿಂದ ಕೊಹ್ಲಿ ಕೋಟಿ ಕೋಟಿ ಆದಾಯ ಗಳಿಸುತ್ತಿದ್ದಾರೆ.

ಕೊಹ್ಲಿಯ ಒಟ್ಟು ಆದಾಯ 900 ಕೋಟಿ ರೂಪಾಯಿ ಆಗಿದೆ. ಹೆಂಡತಿ ಅನುಷ್ಕಾ ಶರ್ಮಾ ಅವರು ಕಳೆದ ವರ್ಷ 28. 67 ಕೋಟಿ ರೂಪಾಯಿ ಆದಾಯ ಗಳಿಸಿದ್ದಾರೆ. ಅನುಷ್ಕಾ ಒಟ್ಟು ಆದಾಯ 350 ಕೋಟಿ.

ಈ ಮೂಲಕ ಕೊಹ್ಲಿ ಹಾಗೂ ಅನುಷ್ಕಾ ಜೋಡಿಯ ಒಟ್ಟು ಆದಾಯ ವರ್ಷಕ್ಕೆ 1200 ಕೋಟಿ ರೂಪಾಯಿಗಿಂತಲೂ ಅಧಿಕವಾಗಿದೆ.

ಐಪಿಎಲ್​ನಲ್ಲಿ ಆರ್​ಸಿಬಿ ತಂಡದಿಂದ ಕೊಹ್ಲಿ ಪ್ರತಿ ವರ್ಷ 17 ಕೋಟಿ ರೂ. ಪಡೆಯುತ್ತಿದ್ದಾರೆ. ಬಿಸಿಸಿಐ ವಾರ್ಷಿಕ ಗುತ್ತಿಗೆ 7 ಕೋಟಿ. ಇದರ ಜೊತೆಗೆ ಪುಮಾ 5 ವರ್ಷಕ್ಕೆ 100 ಕೋಟಿ ರೂಪಾಯಿ ಕೊಹ್ಲಿಗೆ ನೀಡುತ್ತಿದೆ.

ಇದನ್ನ ಬಿಟ್ಟರೆ ಮಿಂತ್ರ, ಉಬರ್, ಆಡಿ, MRF, ಮಾನ್ಯಾವರ್, ಟಿಸ್ಸಾಟ್ ಸೇರಿದಂತೆ ಹಲವು ಬ್ರ್ಯಾಂಡ್ ರಾಯಭಾರಿಯಾಗಿಯೂ ಕೊಹ್ಲಿ ಕೋಟಿ ಕೋಟಿ ಆದಾಯ ಗಳಿಸುತ್ತಿದ್ದಾರೆ.

ಕೊಹ್ಲಿ ಪತ್ನಿ ಅನುಷ್ಕಾ ಶರ್ಮಾ ಪ್ರತಿ ಚಿತ್ರಕ್ಕೆ ಸುಮಾರು 12-15 ಕೋಟಿ ರೂಪಾಯಿ ಪಡೆಯುತ್ತಾರೆ ಎನ್ನಲಾಗಿದೆ. ತಮ್ಮದೇ ಸ್ವಂತ ಚಿತ್ರ ನಿರ್ಮಾಣ ಸಂಸ್ಥೆ ಕೂಡ ಹೊಂದಿದ್ದಾರೆ. ಜೊತೆಗೆ ಜಾಹೀರಾತುಗಳಿಂದಲೂ ಅನುಷ್ಕಾ ಆದಾಯ ಗಳಿಸುತ್ತಿದ್ದಾರೆ.

2017, ಡಿಸೆಂಬರ್ 11 ರಂದು ವಿರಾಟ್ ಹಾಗೂ ಅನುಷ್ಕಾ ಇಟಲಿಯಲ್ಲಿ ಸಪ್ತಪದಿ ತುಳಿದ ನಂತರ ಮುಂಬೈನ ಬಾಡಿಗೆ ಮನೆಯೊಂದರಲ್ಲಿ ವಾಸ ಮಾಡುತ್ತಿದ್ದಾರೆ.

ವಿರುಷ್ಕಾ ಜೋಡಿ ಪ್ರೀತಿಯಿಂದ ಆರಿಸಿದ ಮನೆಗೆ ತಿಂಗಳಿಗೆ 15 ಲಕ್ಷ ರೂ. ಬಾಡಿಗೆ ಇದೆಯಂತೆ. ಅಲ್ಲದೆ ಡೆಪಾಸಿಟ್ ಆಗಿ 1.50 ಕೋಟಿ ರೂ. ಕೊಟ್ಟಿದ್ದಾರಂತೆ.