Virat Kohli: ಕನಸಿನ ಮನೆ ಖರೀದಿಸಿದ ವಿರಾಟ್ ಕೊಹ್ಲಿ, ಬೆಲೆ ಎಷ್ಟು ಗೊತ್ತೇ? ಫೋಟೋಸ್​ ನೋಡಿದ್ರೆ ಫಿದಾ ಆಗ್ತೀರಾ!

ಭಾರತದ ಸ್ಟಾರ್ ಆಟಗಾರ ವಿರಾಟ್ ಕೊಹ್ಲಿ ಇತ್ತೀಚೆಗೆ ಅಲಿಬಾಗ್‌ನ ಆವಾಸ್ ಗ್ರಾಮದಲ್ಲಿ ಐಷಾರಾಮಿ ಬಂಗಲೆಯನ್ನು ಖರೀದಿಸಿದ್ದಾರೆ. ವಿರಾಟ್ ಕೊಹ್ಲಿ ಪ್ರಸ್ತುತ ಭಾರತ ಮತ್ತು ಆಸ್ಟ್ರೇಲಿಯಾ ನಡುವೆ ನಡೆಯುತ್ತಿರುವ 4 ಟೆಸ್ಟ್‌ಗಳ ಬಾರ್ಡರ್-ಗವಾಸ್ಕರ್ ಟ್ರೋಫಿಯಲ್ಲಿ ನಿರತರಾಗಿದ್ದಾರೆ.

ಕೊಹ್ಲಿಯ ಅಲಿಬಾಗ್‌ನಲ್ಲಿ ಬಂಗಲೆ ಖರೀದಿಸುವ ಎಲ್ಲಾ ವಿಧಿವಿಧಾನಗಳನ್ನು ಅವರ ಹಿರಿಯ ಸಹೋದರ ವಿಕಾಸ್ ಕೊಹ್ಲಿ ಪೂರ್ಣಗೊಳಿಸಿದ್ದಾರೆ. ವಿರಾಟ್ ಮತ್ತು ಅನುಷ್ಕಾ ಅಲಿಬಾಗ್‌ನಲ್ಲಿ ಕಳೆದ ವರ್ಷ ಸೆಪ್ಟೆಂಬರ್‌ನಲ್ಲಿ 19.24 ಕೋಟಿ ರೂಪಾಯಿಗೆ ಫಾರ್ಮ್‌ಹೌಸ್ ಅನ್ನು ಖರೀದಿಸಿದ್ದರು. ಇದೀಗ ಮತ್ತೊಂದು ಹೊಸ ಮನೆ ಖರೀದಿಸಿದ್ದಾರೆ.

ವರದಿಯ ಪ್ರಕಾರ ವಿರಾಟ್ ಕೊಹ್ಲಿ ಆವಾಸ್ ವಿಲೇಜ್ ನಲ್ಲಿ 2,000 ಚದರ ಅಡಿ ವಿಲ್ಲಾಕ್ಕೆ 6 ಕೋಟಿ ರೂ. ನೀಡಿದ್ದಾರಂತೆ. ಈ ಆಸ್ತಿಗೆ ಮುದ್ರಾಂಕ ಶುಲ್ಕವಾಗಿ 36 ಲಕ್ಷ ರೂ. ಪಾವತಿಸಿದ್ದಾರೆ ಎನ್ನಲಾಗಿದೆ. ಈ ವಿಲ್ಲಾ 400 ಚದರ ಅಡಿಯ ಈಜುಕೊಳವನ್ನು ಸಹ ಒಳಗೊಂಡಿದೆ ಎಂದು ಹೇಳಲಾಗುತ್ತಿದೆ.

ಬಾಲಿವುಡ್ ನಟ ಸಂಜಯ್ ಖಾನ್ ಅವರ ಮಗಳು ಮತ್ತು ಹೃತಿಕ್ ರೋಷನ್ ಅವರ ಮಾಜಿ ಪತ್ನಿ ಸುಸಾನ್ನೆ ಖಾನ್ ಅವರು ಮನೆಯ ಇಂಟೀರಿಯರ್​ ವಿನ್ಯಾಸ ಗೊಳಿಸಿದ್ದಾರಂತೆ. ಆವಾಸ್ ತನ್ನ ನೈಸರ್ಗಿಕ ಸೌಂದರ್ಯದಿಂದಾಗಿ ಸೆಲೆಬ್ರಿಟಿಗಳಿಗೆ ನೆಚ್ಚಿನ ತಾಣವಾಗಿದೆ.

ಅಲಿಬಾಗ್‌ನಲ್ಲಿನ ಸರಾಸರಿ ಭೂಮಿಯ ಬೆಲೆಗಳು ಪ್ರತಿ ಚದರ ಅಡಿಗೆ ರೂ. 3,000 ರಿಂದ ರೂ. 3,500 ರಷ್ಟಿದೆ ಮತ್ತು ಇದು ಗಣ್ಯ ವರ್ಗದವರಿಗೆ ವಾರಾಂತ್ಯದ ನೆಚ್ಚಿನ ತಾಣವಾಗಿದೆ. ವಿರಾಟ್ ಕೊಹ್ಲಿ ಮಾತ್ರವಲ್ಲ, ಪ್ರಸ್ತುತ ಭಾರತೀಯ ಕ್ರಿಕೆಟ್ ತಂಡದ ನಾಯಕ ರೋಹಿತ್ ಶರ್ಮಾ ಕೂಡ ಅಲಿಬಾಗ್‌ನಲ್ಲಿ ಭೂಮಿ ಖರೀದಿಸಿದ್ದಾರೆ.

ಇನ್ನು, ಹೊಸ ಮನೆಗೂ ಮೊದಲು ಕೊಹ್ಲಿ ದಂಪತಿಗಳು ಫಾರ್ಮ್‌ಹೌಸ್ ಅಲಿಬಾಗ್‌ನ ಜಿರಾದ್ ಗ್ರಾಮದ ಬಳಿ 8 ಎಕರೆ ಭೂಮಿಯಲ್ಲಿದೆ. ಆದರೆ ಮಾಧ್ಯಮ ವರದಿಗಳ ಪ್ರಕಾರ, ದಂಪತಿಗಳು ಸುಮಾರು ರೂ. 19.24 ಕೋಟಿ ವೆಚ್ಚ ಮಾಡಿದ್ದಾರೆ ಎನ್ನಲಾಗಿದೆ.

ಮಾಜಿ ಕ್ರಿಕೆಟಿಗ, ರಾಷ್ಟ್ರೀಯ ಕೋಚ್ ಮತ್ತು ವೀಕ್ಷಕ ವಿವರಣೆಗಾರ ರವಿಶಾಸ್ತ್ರಿ ಕೂಡ ದಶಕದ ಹಿಂದೆ ಅಲಿಬಾಗ್‌ನಲ್ಲಿ ಮನೆ ನಿರ್ಮಿಸಿದ್ದರು. ಇದೀಗ ಕೊಹ್ಲಿ ಕೂಡ ಅದೇ ಏರಿಯಾದಲ್ಲಿ ಫಾರ್ಮ್ ಹೌಸ್ ಖರೀದಿಸಿದ್ದಾರೆ. ಅಲ್ಲದೇ ಅನೇಕ ಸ್ಟಾರ್​ಗಳ ಮನೆ ಇಲ್ಲಿಯೇ ಇದೆ.

ರೋಹಿತ್ ಶರ್ಮಾ 202ರಲ್ಲಿ ಮಹತ್ರೋಲಿ ಗ್ರಾಮದಲ್ಲಿ ನಾಲ್ಕು ಎಕರೆ ಭೂಮಿಯನ್ನು ಖರೀದಿಸಿದ್ದರು. ಮತ್ತೊಂದೆಡೆ, ಭಾರತವು ಸರಣಿಯ ಮೊದಲ ಎರಡು ಪಂದ್ಯಗಳಲ್ಲಿ ಆಸ್ಟ್ರೇಲಿಯಾವನ್ನು ಸೋಲಿಸುವ ಮೂಲಕ ಬಾರ್ಡರ್-ಗವಾಸ್ಕರ್ ಟ್ರೋಫಿಯಲ್ಲಿ ಮುನ್ನಡೆ ಸಾಧಿಸಿದೆ.

ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಅವರಿಗೆ ಈ ಮನೆ ತುಂಬಾ ವಿಶೇಷವಂತೆ. ಏಕೆಂದರೆ, ಈ ಮನೆ ಇವರಿಬ್ಬರ ಕನಸಿನ ಮನೆ ಎಂದು ಹೇಳಿಕೊಂಡಿದ್ದಾರೆ.