Virat Kohli: ಕಿಂಗ್​ ಕೊಹ್ಲಿ ಸೆಂಚುರಿ ಮೇಲೆ ಸೆಂಚುರಿ ಹೊಡೆಯೋಕೆ ಇದೇ ಕಾರಣವಂತೆ! ವಿರಾಟ್ ಬ್ಯಾಟ್​​ ಬೆಲೆ ಕೇಳಿದ್ರೆ ಬೆಚ್ಚಿ ಬೀಳ್ತೀರಾ!

ಕ್ರಿಕೆಟ್​ ಲೋಕದಲ್ಲಿ ಸಚಿನ್​ ಅವರ ಶತಕಗಳ ಶತಕದ ದಾಖಲೆಯನ್ನು ಯಾರಾದರೂ ಮುರಿಯಲು ಸಾಧ್ಯವಾಗುತ್ತದೆ ಅದು ವಿರಾಟ್ ಕೊಹ್ಲಿಯಿಂದ ಮಾತ್ರ ಎಂಬ ಮಾತುಗಳು ಕಳೆದ ಅನೇಕ ವರ್ಷಗಳಿಂದ ಕೇಳಿಬರುತ್ತಿದೆ,.

ಇದಕ್ಕೆ ತಕ್ಕಂತೆ ಕೊಹ್ಲಿಯ ಬ್ಯಾಟ್​ ಸಹ ಅಬ್ಬರಿಸುತ್ತಲೇ ಇರುತ್ತದೆ. ಶ್ರೀಲಂಕಾ ವಿರುದ್ಧದ ಏಕದಿನ ಸರಣಿಯಲ್ಲಿ ಮೂರು ಪಂದ್ಯಗಳನ್ನು ಆಡಿರುವ ಕೊಹ್ಲಿ ಎರಡರಲ್ಲಿ ಅಮೋಘ ಶತಕ ಬಾರಿಸಿದ್ದರು. ಅದರಲ್ಲಿಯೂ ಕೊನೆಯ ಏಕದಿನ ಪಂದ್ಯದಲ್ಲಿ ರನ್ ಮಳೆಯನ್ನೇ ಸುರಿಸಿದರು. ಅವರು 13 ಬೌಂಡರಿ ಮತ್ತು 8 ಸಿಕ್ಸರ್‌ಗಳೊಂದಿಗೆ 166 ರನ್ ಗಳಿಸಿ ಅಜೇಯರಾಗುಳಿದರು.

ಇನ್ನು, MRF ವಿರಾಟ್ ಕೊಹ್ಲಿ ಅವರ ಬ್ಯಾಟ್‌ನಲ್ಲಿ ಕಂಡುಬರುವ ಬ್ರಾಂಡ್ ಆಗಿದೆ. ಒಂದಲ್ಲ ಎರಡಲ್ಲ ಕಳೆದ ಕೆಲ ವರ್ಷಗಳಿಂದ ಕಿಂಗ್ ಕೊಹ್ಲಿ ಬ್ಯಾಟ್ ಮೇಲೆ ಈ ಬ್ರ್ಯಾಂಡ್ ಸ್ಟಿಕ್ಕರ್ ಕಾಣಸಿಗುತ್ತಿದೆ. ಇಲ್ಲಿಯವರೆಗೆ ಕೊಹ್ಲಿ ಒಟ್ಟು 74 ಅಂತಾರಾಷ್ಟ್ರೀಯ ಶತಕಗಳನ್ನು ಬಾರಿಸಿದ್ದಾರೆ.

ಕೊಹ್ಲಿಯ ಬ್ಯಾಟ್‌ನಿಂದ ಬರುವ ಪ್ರತಿಯೊಂದು ಶತಕದ ಹಿಂದೆ ಅವರ ಬ್ಯಾಟ್ ಪವರ್ ಸಹ ಇದೆ. ಈ ಸೂಪರ್‌ಸ್ಟಾರ್ ಬ್ಯಾಟ್‌ನ ಬೆಲೆಯನ್ನು ತಿಳಿದರೆ ನೀವು ಖಂಡಿತವಾಗಿಯೂ ಆಶ್ಚರ್ಯಚಕಿತರಾಗುತ್ತೀರಾ.

MRF ಕಂಪನಿ ತಯಾರಿಸಿರುವ ಈ ಬ್ಯಾಟ್ ಅನ್ನು ಅತ್ಯಂತ ದುಬಾರಿ ಇಂಗ್ಲಿಷ್ ವಿಲೋ ಮರದ ಮರದಿಂದ ತಯಾರಿಸಲಾಗುತ್ತದೆ. ಕಂಪನಿಯು ಈ ಬ್ಯಾಟ್​ಗೆ ಗೋಲ್ಡ್ ವಿಝಾರ್ಡ್ ಎಂದು ಹೆಸರಿಸಿದೆ. ಈ ಬ್ಯಾಟ್‌ಗೆ 10 ರಿಂದ 12 ಗೇಜ್ ಇಂಗ್ಲಿಷ್ ವಿಲೋ ಮರವನ್ನು ಬಳಸಲಾಗುತ್ತದೆ.

ಇನ್ನು, ಕೊಹ್ಲಿ ಅಷ್ಟು ಸುಲಭವಾಗಿ ಫೋರ್​ ಮತ್ತು ಸಿಕ್ಸ್ ಸಿಡಿಸುವ ಬ್ಯಾಟ್​​ ಎಷ್ಟು ತೂಕವಿರುತ್ತದೆ ಎಂದು ನೋಡುವುದಾದರೆ, ಕೊಹ್ಲಿ ಬ್ಯಾಟ್ ತೂಕ ಸರಿಸುಮಾರು 1.1 ಕೆಜಿಯಿಂದ 1.26 ಕೆಜಿವರೆಗೆ ಇರುತ್ತದೆ. ಈ ಬ್ಯಾಟ್ ರೂ.25 ಸಾವಿರದಿಂದ ರೂ.30 ಸಾವಿರದವರೆಗೆ ಇದೆ.

ಇಂಗ್ಲಿಷ್ ವಿಲೋ ಕ್ರಿಕೆಟ್ ಬ್ಯಾಟ್​ನಲ್ಲಿ ಬಳಸುವ ಧಾನ್ಯದ ಆಧಾರದ ಮೇಲೆ ಅದರ ಬೆಲೆ ನಿರ್ಧಾರವಾಗುತ್ತದೆ. ಧಾನ್ಯವು ಇಂಗ್ಲಿಷ್ ವಿಲೋ ಮರದ ವಯಸ್ಸಿಗೆ ಸಂಬಂಧಿಸಿದೆ. ವಿರಾಟ್ ತಮ್ಮ ಬ್ಯಾಟ್‌ನಲ್ಲಿ 10 ರಿಂದ 12 ಧಾನ್ಯಗಳನ್ನು ಬಳಸುತ್ತಾರೆ.

ವಿರಾಟ್ ಕೊಹ್ಲಿ ಮೈದಾನದಲ್ಲಿ ಆಡಲು ಬಳಸುವ ಬ್ಯಾಟ್‌ನ ಬೆಲೆ 17 ಸಾವಿರದಿಂದ ಪ್ರಾರಂಭವಾಗುತ್ತದೆ. ಇದರ ಬೆಲೆ 25 ರಿಂದ 30 ಸಾವಿರದವರೆಗೂ ಹೋಗಬಹುದು. ವಿರಾಟ್ ಕೊಹ್ಲಿ ಅವರ ಬ್ಯಾಟ್‌ನ ತೂಕ 1.1 ಕೆಜಿಯಿಂದ 1.26 ಕೆಜಿ ವರೆಗೆ ಇರುತ್ತದೆ.