Urvashi Rautela: ಪಾಕ್ ಆಟಗಾರನ ಬರ್ತ್​ಡೇಗೆ ವಿಶ್​ ಮಾಡಿದ ಬಾಲಿವುಡ್ ನಟಿ, ಪಂತ್​ ಮೇಲಿದ್ದ ಆಸೆ ಕಡಿಮೆಯಾಯ್ತಾ ಎಂದ ಫ್ಯಾನ್ಸ್​!

ಪಾಕಿಸ್ತಾನದ ವೇಗದ ಬೌಲರ್ ನಸೀಮ್ ಶಾ ಫೆಬ್ರವರಿ 15 ರಂದು ತಮ್ಮ 20ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಂಡರು. ಈ ಸಂದರ್ಭದಲ್ಲಿ ಅವರ ಅಭಿಮಾನಿಗಳು ಸಾಮಾಜಿಕ ಜಾಲತಾಣಗಳ ಮೂಲಕ ಹುಟ್ಟುಹಬ್ಬದ ಶುಭಾಶಯ ಕೋರಿದ್ದಾರೆ. ಊರ್ವಶಿ ರೌಟೇಲಾ ಕೂಡ ಪಾಕ್​ ವೇಗಿಗೆ ಶುಭ ಹಾರೈಸಿದ್ದಾರೆ.

ನಸೀಮ್ ಶಾ ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್ ಪುಟದಲ್ಲಿ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಈ ಫೋಟೋದಲ್ಲಿ ತಂಡದ ಹಿರಿಯ ಆಲ್‌ರೌಂಡರ್ ಶಾದಾಬ್ ಖಾನ್ ಕೂಡ ನಸೀಮ್ ಜೊತೆಯಲ್ಲಿದ್ದಾರೆ. ಈ ಫೋಟೋ ಶಾದಾಬ್ ಖಾನ್ ಅವರ ಮದುವೆಯಾಗಿದೆ. ಶಾದಾಬ್ ಇತ್ತೀಚೆಗೆ ವಿವಾಹವಾದರು. ಈ ಫೋಟೋದಲ್ಲಿ ಊರ್ವಶಿ ನಸೀಮ್ ಶಾ ಅವರ ಹುಟ್ಟುಹಬ್ಬಕ್ಕೆ ಶುಭ ಕೋರಿದ್ದಾರೆ.

ಈ ವೇಳೆ ಊರ್ವಶಿ, ಹುಟ್ಟುಹಬ್ಬದ ಶುಭಾಶಯಗಳು ನಸೀಮ್ ಶಾ. ಡಿಎಸ್ಪಿ ಆಗಿದ್ದಕ್ಕೆ ಅಭಿನಂದನೆಗಳು‘ ಎಂದು ಬರೆದಿದ್ದಾರೆ. ಊರ್ವಶಿ ರೌಟೇಲಾ ಅವರ ಪೋಸ್ಟ್ ಗೆ ನಸೀಮ್ ಶಾ ಕೂಡ ರಿಪ್ಲೇ ನೀಡಿದ್ದಾರೆ. ಅವರು ಭಾರತೀಯ ನಟಿಗೆ ಧನ್ಯವಾದ ಹೇಳಿದ್ದಾರೆ.

ನಸೀಮ್ ಶಾ ಅವರನ್ನು ಇತ್ತೀಚೆಗೆ ಬಲೂಚಿಸ್ತಾನ ಪೊಲೀಸರು ಡಿಎಸ್‌ಪಿಯನ್ನಾಗಿ ಮಾಡಿದ್ದಾರೆ. ಕ್ವೆಟ್ಟಾದ ಐಜಿ ಬಲೂಚಿಸ್ತಾನ್ ಪೊಲೀಸ್ ಕಚೇರಿಯಲ್ಲಿ ನಸೀಮ್ ಅವರನ್ನು ಸನ್ಮಾನಿಸಲಾಯಿತು.

ಊರ್ವಶಿ ರೌಟೇಲಾ ಕಳೆದ ವರ್ಷ ಸಾಮಾಜಿಕ ಮಾಧ್ಯಮದಲ್ಲಿ ರೊಮ್ಯಾಂಟಿಕ್ ರೀಲ್ ಅನ್ನು ಹಂಚಿಕೊಂಡಿದ್ದರು. ಇನ್‌ಸ್ಟಾಗ್ರಾಮ್‌ನಲ್ಲಿ ಶೇರ್ ಮಾಡಿರುವ ಈ ವಿಡಿಯೋ ನೋಡಿದ ಜನರು ನಸೀಮ್​ ಶಾ ಮತ್ತು ಊರ್ವಶಿ ಇಬ್ಬರ ನಡುವೆ ಏನೋ ನಡೆಯುತ್ತಿದೆ ಎಂದು ಹೇಳಲಾರಂಭಿಸಿದ್ದರು.

ಆ ವಿಡಿಯೋದಲ್ಲಿ ಊರ್ವಶಿ ದುಬೈ ಸ್ಟೇಡಿಯಂನಲ್ಲಿ ಕುಳಿತು ಭಾರತ-ಪಾಕಿಸ್ತಾನ ಪಂದ್ಯವನ್ನು ಆನಂದಿಸುತ್ತಿರುವುದು ಕಂಡುಬಂದಿತ್ತು. ಟ್ರೋಲ್ ಆದ ನಂತರ ಊರ್ವಶಿ ಈ ವಿಡಿಯೋವನ್ನು ಡಿಲೀಟ್ ಮಾಡಿದ್ದರು. ಊರ್ವಶಿಯ ಬಗ್ಗೆ ನಸೀಮ್ ಷಾ ಅವರನ್ನು ಕೇಳಿದಾಗ, ತನಗೆ ಈ ಹೆಸರಿನ ಯಾವ ಹುಡುಗಿಯೂ ತಿಳಿದಿಲ್ಲ ಎಂದು ಹೇಳಿ ನುಣುಚಿಕೊಂಡಿದ್ದರು.

ಇದರ ಜೊತೆಗೆ ಊರ್ವಶಿ ಹೆಸರು ಹೆಚ್ಚಾಗಿ ಟೀಂ ಇಂಡಿಯಾ ಆಟಗಾರ ರಿಷಭ್​ ಪಂತ್​ ಜೊತೆ ಕೇಳಿಬರುತ್ತಿರುತ್ತದೆ. ಅಲ್ಲದೇ ಪಂತ್​ ಹೋದ ಕಡೆಯಲ್ಲಿ ಎಲ್ಲಾ ಊರ್ವಶಿ ಸಹ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತಿರುತ್ತಾರೆ.

ಆದರೆ ಇದೀಗ ನಸೀಮ್​ ಶಾಗೆ ವಿಶ್​ ಮಾಡಿದ ಬಳಿಕ ಅನೇಕ ನೆಟ್ಟಿಗರು ಸಾಮಾಜಿಕ ಜಾಲತಾಣದಲ್ಲಿ ಊರ್ವಶಿ ಅವರು ಪಂತ್​ ಅವರನ್ನು ಮರೆತು ಬಿಟ್ರಾ ಎಂದೆಲ್ಲಾ ತಮಾಷೆಯಾಗಿ ಕಾಮೆಂಟ್​ಗಳನ್ನು ಮಾಡುತ್ತಿದ್ದಾರೆ.