IPL 2023: ಊರ್ವಶಿ ರೌಟೇಲಾ ಕಂಡು ಭಾಭಿ ಎಂದ ಪಂತ್​ ಫ್ಯಾನ್ಸ್! ಇದಕ್ಕೆ ಅಕ್ಷರ್ ಪಟೇಲ್ ಕೊಟ್ರು ಸಖತ್ ರಿಯಾಕ್ಷನ್

ಐಪಿಎಲ್ ಕ್ರೇಜ್ ಇಡೀ ದೇಶವನ್ನು ಆವರಿಸಿದೆ ಮತ್ತು ಬಾಲಿವುಡ್ ತಾರೆಯರು ಕೂಡ ಪಂದ್ಯ ವೀಕ್ಷಣೆಗೆ ಬರುತ್ತಿದ್ದಾರೆ. ಅರುಣ್ ಜೇಟ್ಲಿ ಸ್ಟೇಡಿಯಂನಲ್ಲಿ ನಡೆದ ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ಮುಂಬೈ ಇಂಡಿಯನ್ಸ್ ಪಂದ್ಯದ ವೇಳೆ ನಟಿ ಊರ್ವಶಿ ರೌಟೇಲಾ ಕೂಡ ಉಪಸ್ಥಿತರಿದ್ದರು.

ಹೌದು, ಊರ್ವಶಿ ರೌಟೇಲಾ ಡೆಲ್ಲಿ ಕ್ಯಾಪಿಟಲ್ಸ್ ಪಂದ್ಯವೊಂದರಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ವೇಳೆ ಜನರು 'ಊರ್ವಶಿ ಭಾಭಿ' ಎಂಬ ಕೂಗುಗಿದ್ದಾರೆ. ಆದರೆ ಇದಕ್ಕೆ ಅಕ್ಷರ್ ಪಟೇಲ್ ಅವರ ಪ್ರತಿಕ್ರಿಯೆ ಸಖತ್​ ವೈರಲ್ ಆಗುತ್ತಿದೆ.

ಕ್ರೀಡಾಂಗಣದಲ್ಲಿ ಅಭಿಮಾನಿಗಳು ಊರ್ವಶಿ ರೌಟೇಲಾ ಅವರನ್ನು 'ಭಾಭಿ-ಭಾಭಿ' ಎಂದು ಕರೆಯುವ ಮೂಲಕ ಕೀಟಲೆ ಮಾಡಿದ್ದಾರೆ. ಇದಾದ ನಂತರ, ಅಭಿಮಾನಿಗಳು 'ರಿಷಭ್-ರಿಷಭ್' ಘೋಷಣೆಗಳನ್ನು ಕೂಗಲು ಪ್ರಾರಂಭಿಸಿದರು. ಈ ವೇಳೆ ಅಕ್ಷರ್ ಪಟೇಲ್ ಬೌಂಡರಿ ಬಳಿ ಫೀಲ್ಡಿಂಗ್ ಮಾಡುತ್ತಿದ್ದರು.

ಈ ಸಮಯದಲ್ಲಿ, ಅಭಿಮಾನಿಗಳು 'ಭಾಭಿ ಆಯಿ ಹೈ ಭಾಭಿ' ಎಂದು ಕೂಗಿದ್ದಾರೆ. ಅಭಿಮಾನಿಗಳು 'ಭಾಭಿ-ಭಾಭಿ' ಎಂದು ಕೂಗುತ್ತಿರುವುದನ್ನು ಕೇಳಿದ ಅಕ್ಷರ್ ಪಟೇಲ್ ಅವರು ಕೈ ಸನ್ನೆ ಮೂಲಕ ಯಾವುದು ಆ ರೀತಿ ಇಲ್ಲ ಎಂಬರ್ಥದಲ್ಲಿ ಹೇಳಿದ್ದಾರೆ. ಇದೀಗ ಈ ಪ್ರತಿಕ್ರಿಯೆಯು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ.

ಈ ರೀತಿಯ ಫ್ಲರ್ಟಿಂಗ್ ಮತ್ತು ಅಭಿಮಾನಿಗಳ ಮೋಜಿನ ನಡುವೆ ಊರ್ವಶಿ ರೌಟೇಲಾ ಐಪಿಎಲ್ ಪಂದ್ಯವನ್ನು ಆನಂದಿಸಿದ್ದಾರೆ. ಈ ವೇಳೆ ಅವರು 1998 ರ ಹಿಟ್ ಚಿತ್ರ 'ಕುಚ್ ಕುಚ್ ಹೋತಾ ಹೈ' ಯ ಪ್ರಸಿದ್ಧ ಹಾಡು 'ಕೋಯಿ ಮಿಲ್ ಗಯಾ' ಗೆ ನೃತ್ಯ ಮಾಡಿದರು.

ಕುತೂಹಲಕಾರಿಯಾಗಿ, ಊರ್ವಶಿ ರೌಟೇಲಾ ಕಾಣಿಸಿಕೊಳ್ಳುವ ಕೆಲವೇ ದಿನಗಳ ಮೊದಲು, ಗುಜರಾತ್ ಟೈಟಾನ್ಸ್ ವಿರುದ್ಧ ಡೆಲ್ಲಿ ಕ್ಯಾಪಿಟಲ್ಸ್‌ನ ಮೊದಲ ಹೋಮ್ ಪಂದ್ಯದಲ್ಲಿ ರಿಷಭ್ ಪಂತ್ ಕೂಡ ಕಾಣಿಸಿಕೊಂಡಿದ್ದರು. ರಿಷಭ್ ಪಂತ್ ಗಾಯಗೊಂಡ ನಂತರ ಮೊದಲ ಬಾರಿಗೆ ಸಾರ್ವಜನಿಕವಾಗಿ ನೋಡಲು ಅಭಿಮಾನಿಗಳು ತುಂಬಾ ಉತ್ಸುಕರಾಗಿದ್ದರು.

ರಿಷಭ್​ ಪಂತ್ ಮತ್ತು ಊರ್ವಶಿ ರೌಟೇಲಾ ಅವರು ಸ್ವಲ್ಪ ಸಮಯದವರೆಗೆ ಪರಸ್ಪರ ಡೇಟಿಂಗ್ ಮಾಡಿದ್ದಾರೆ. ಇದಾದ ನಂತರ ಇಬ್ಬರೂ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಸುದ್ದಿಯಲ್ಲಿದ್ದರು.

ಇತ್ತೀಚೆಗಷ್ಟೇ ನಸೀಮ್ ಶಾ ಅವರ ವಿಡಿಯೋವೊಂದು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿತ್ತು. ಈ ಕ್ರಿಕೆಟಿಗ ಬಾಲಿವುಡ್ ನಟಿ ಊರ್ವಶಿ ರೌಟೇಲಾ ಜೊತೆ ಕಾಣಿಸಿಕೊಂಡಿದ್ರು. ವಿಡಿಯೋ ಬಗ್ಗೆ ಊರ್ವಶಿ ಸಾರ್ವಜನಿಕ ಸಮಾರಂಭದಲ್ಲಿ ಪ್ರಸ್ತಾಪಿಸಿದ್ದಾರೆ.