Rohit Sharma: ನಾಯಕತ್ವದಲ್ಲಿ ಹೊಸ ದಾಖಲೆ ಬರೆದ ಹಿಟ್​ ಮ್ಯಾನ್, ಈ ಸಲ ವಿಶ್ವಕಪ್ ನಮ್ದೇ ಅಂತಿದ್ದಾರೆ ರೋಹಿತ್​ ಫ್ಯಾನ್

ಟೀಂ ಇಂಡಿಯಾದ ನಾಯಕ ರೋಹಿತ್​ ಶರ್ಮಾ ವರಿಗೆ ಧೊನಿ ಮತ್ತು ಕೊಹ್ಲಿ ಅಷ್ಟು ಹೈಪ್​ ಸಿಗದಿದ್ದರೂ, ತಮ್ಮದೇ ಆದ ರಣತಂತ್ರಗಳೊಂದಿಗೆ ಭಾರತ ತಂಡದ ಗೆಲುವಿನಲ್ಲಿ ಪ್ರಮುಖರಾಗಿ ಗುರುತಿಸಿಕೊಳ್ಳುತ್ತಿದ್ದಾರೆ.

ಐಪಿಎಲ್ ನಲ್ಲಿ ಮುಂಬೈ ಇಂಡಿಯನ್ಸ್ ತಂಡವನ್ನು ಐದು ಬಾರಿ ಚಾಂಪಿಯನ್ ಮಾಡಿದ ರೋಹಿತ್ ಶರ್ಮಾ ಇದೀಗ ಟೀಂ ಇಂಡಿಯಾ ಗೆಲುವಿನಲ್ಲಿಯೂ ಪ್ರಮುಖ ಪಾತ್ರವಹಿಸುತ್ತಿದ್ದಾರೆ.

ವಿರಾಟ್ ಕೊಹ್ಲಿ ನಿರ್ಗಮನದ ನಂತರ ಪೂರ್ಣ ಪ್ರಮಾಣದಲ್ಲಿ ಭಾರತ ತಂಡದ ನಾಯಕ ಎನಿಸಿಕೊಂಡಿರುವ ರೋಹಿತ್ ಶರ್ಮಾ ಸತತವಾಗಿ ಸರಣಿ ಗೆಲ್ಲುತ್ತಿದ್ದಾರೆ. ಕಳೆದ ವರ್ಷಾಂತ್ಯದಲ್ಲಿ ನ್ಯೂಜಿಲೆಂಡ್ ವಿರುದ್ಧದ ಟಿ20 ಸರಣಿಯಿಂದ ಆರಂಭಿಸಿ ಸತತವಾಗಿ ಸರಣಿ ಗೆಲ್ಲುತ್ತಾ ಬಂದಿದ್ದಾರೆ.

ತವರಿನಲ್ಲಿ ಕಿವೀಸ್ ತಂಡವನ್ನು 3-0 ಅಂತರದಲ್ಲಿ ವೈಟ್‌ವಾಶ್ ಮಾಡಿದ ನಂತರ ರೋಹಿತ್ ಈ ವರ್ಷ ವೆಸ್ಟ್ ಇಂಡೀಸ್ ವಿರುದ್ಧದ ODI ಸರಣಿಯನ್ನು ಕ್ಲೀನ್ ಸ್ವೀಪ್ ಮಾಡಿದರು. ಅಲ್ಲದೇ ಇದೀಗ ವೆಸ್ಟ್ ಇಂಡೀಸ್​ ವಿರುದ್ಧದ ಟಿ20 ಸರಣಿಯನ್ನೂ ಗೆದ್ದಿರುವ ಟೀಂ ಇಂಡಿಯಾ ಇಂದು ಕೊನೆಯ ಪಮದ್ಯವನ್ನು ಆಡಲಿದೆ.

ಅದರ ನಂತರ, ಅವರು ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ 20 ಸರಣಿಗೆ ಮತ್ತು ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಪಂದ್ಯದಿಂದ ಹೊರಗುಳಿದಿದ್ದರು. ಬಳಿಕ ಮತ್ತೆ ಟೀಂ ಇಂಡಿಯಾ ಸೇರಿಕೊಂಡ ಅವರು ಇಂಗ್ಲೆಂಡ್ ವಿರುದ್ಧದ ODI ಮತ್ತು T20 ಸರಣಿಯನ್ನು ಗೆದ್ದರು.

ಈಗಾಗಲೇ 5 ಪಂದ್ಯಗಳ ವಿಂಡೀಸ್ ವಿರುದ್ಧದ ಟಿ20 ಸರಣಿಯನ್ನು 3-1ರಿಂದ ಗೆದ್ದಿರುವ ಅವರು, ಇಂದು ಕೊನೆಯ ಪಂದ್ಯವನ್ನು ಆಡಲಿದ್ದಾರೆ. ಅಲ್ಲಿಗೆ ಈ ಟಿ20 ಸರಣಿಯನ್ನೂ ಗೆದ್ದಂತಾಗಿದೆ.

ಈ ಮೂಲಕ ಟೀಮ್ ಇಂಡಿಯಾದ ಪೂರ್ಣ ಸಮಯದ ನಾಯಕರಾಗಿ ಅಧಿಕಾರ ವಹಿಸಿಕೊಂಡ ನಂತರ, ರೋಹಿತ್ ಇದುವರೆಗೆ 9 ಸರಣಿಗಳಲ್ಲಿ (ಮೂರು ಸ್ವರೂಪಗಳಲ್ಲಿ) ಭಾರತವನ್ನು ಮುನ್ನಡೆಸಿದ್ದಾರೆ. ಇದರಲ್ಲಿ 8 ಸರಣಿಗಳಲ್ಲಿ ಗೆಲ್ಲುವ ಮೂಲಕ ಆರಂಭಿಕ ನಾಯಕತ್ವದಲ್ಲಿ ಹೆಚ್ಚು ಸರಣಿ ಗೆದ್ದ ದಾಖಲೆ ಮಾಡಿದ್ದಾರೆ. ಹೀಗಾಗಿ ರೋಹಿತ್ ಅಭಿಮಾನಿಗಳು ಈ ಬಾರಿ ಟಿ20 ವಿಶ್ವಕಪ್ ಪಕ್ಕಾ ಭಾತ ಗೆಲ್ಲುತ್ತದೆ ಎಂದು ಹೇಳುತ್ತಿದ್ದಾರೆ.