Pro Kabaddi 2022: ಯು ಮುಂಬಾಗೆ ಪಲ್ಟಿ ಹೊಡೆಸಲು ಪುಣೇರಿ ಪಲ್ಟನ್ಸ್​ ಪ್ಲ್ಯಾನ್​.. ಇಬ್ಬರಿಗೂ ಗೆಲ್ಲೋದು ಅನಿವಾರ್ಯ!

ಪ್ರೋ ಕಬಡ್ಡಿ 2022 ಟೂರ್ನಿ ಆರಂಭವಾಗಿ ಮುಕ್ಕಾಲು ಪಂದ್ಯಗಳು ನಡೆದಿದೆ. ಹಲವು ಕಾದಾಟ, ರಣ ರೋಚಕ ಪಂದ್ಯಗಳಿಗೆ ಈ ಬಾರಿಯ ಕಬಡ್ಡಿ ಟೂರ್ನಿ(Kabaddi Tournament) ಸಾಕ್ಷಿಯಾಗಿತ್ತು.

ಒಟ್ಟು 12 ಟೀಂಗಳು ಈ ಬಾರಿಯ ಕಬಡ್ಡಿ ಲೀಗ್​ನಲ್ಲಿ ಭಾಗಿಯಾಗಿವೆ. ಇಲ್ಲಿಯವರೆಗೂ ಒಟ್ಟು 86 ಪಂದ್ಯಗಳು ನಡೆದಿವೆ. ಕೊರೋನಾ ಕಾರ್ಮೋಡದ ನಡುವೆಯೂ ಪ್ರೋ ಕಬಡ್ಡಿ ಟೂರ್ನಿಗೆ ವ್ಯಾಪಕ ಬೆಂಬಲ ವ್ಯಕ್ತವಾಗುತ್ತಿದೆ.

ಇಂದು ಕೂಡ ರಣರೋಚಕ ಪಂದ್ಯ ನಡೆಯಲಿದೆ. ಯು ಮುಂಬಾಗೆ ಪಲ್ಟಿ ಹೊಡೆಸಲು ಪುಣೇರಿ ಪಲ್ಟನ್ಸ್​ ಸಜ್ಜಾಗಿ ನಿಂತಿದೆ. ಇಬ್ಬರಿಗೂ ಗೆಲುವು ಅನಿವಾರ್ಯವಾಗಿದೆ. ಹೀಗಾಗಿ ಇಂದಿನ ಪಂದ್ಯ ಸಾಕಷ್ಟು ರೋಚಕತೆಯಿಂದ ಕೂಡಿರಲಿದೆ.

ಕಳೆದ ಸೀಸನ್​ಗಳಲ್ಲಿ ಅಬ್ಬರಿಸಿದ್ದ ಯು ಮುಂಬಾ ಈ ಸೀಸನ್​ನಲ್ಲಿ ಲಯ ಕಳೆದುಕೊಂಡಿದೆ. ಇಲ್ಲಿವರೆಗೂ 14 ಪಂದ್ಯಗಳನ್ನು ಆಡಿದ್ದು, 5 ಪಂದ್ಯಗಳಲ್ಲಿ ಮಾತ್ರ ಗೆದ್ದಿದೆ. 4 ಪಂದ್ಯಗಳಲ್ಲಿ ಸೋಲನುಭವಿಸಿದೆ. ಪಾಯಿಂಟ್ಸ್​ ಟೇಬಲ್​ನಲ್ಲಿ 5ನೇ ಸ್ಥಾನದಲ್ಲಿದೆ.

ಇನ್ನೂ ಟೂರ್ನಿಯಲ್ಲಿ ಮೊದಲಿನಿಂದಲೂ ಲಯ ಕಳೆದುಕೊಂಡಿರುವ ಪುಣೇರಿ ಪಲ್ಟನ್ಸ್​​ ಗೆಲುವಿಗಾಗಿ ಕಾದು ನೋಡುತ್ತಿದೆ. 14 ಪಂದ್ಯಗಳಲ್ಲಿ 7 ಪಂದ್ಯದಲ್ಲಿ ಗೆದ್ದಿದೆ, 7 ಪಂದ್ಯದಲ್ಲಿ ಸೋಲನುಭವಿಸಿದೆ. 7 ಪಂದ್ಯದಲ್ಲಿ ಗೆದ್ದಿದ್ದು, ಪಾಯಿಂಟ್ಸ್​ ಟೇಬಲ್​ನಲ್ಲಿ 11ನೇ ಸ್ಥಾನದಲ್ಲಿದೆ.

ಎರಡು ಟೀಮ್​ಗಳಿಗೂ ಗೆಲ್ಲುವುದು ಅನಿವಾರ್ಯ. ಹೀಗಾಗಿ ಇಂದಿನ ಪಂದ್ಯ ರೋಚಕತೆಯಿಂದ ಕೂಡಿರಲಿದೆ. ಈಗಾಗಲೇ ಮುಕ್ಕಾಲು ಭಾಗದಷ್ಟು ಪಂದ್ಯಗಳು ಮುಗುದಿವೆ.