Neeraj Chopra: ಮತ್ತೊಂದು ಸಾಧನೆ ಮಾಡಿದ ಚಿನ್ನದ ಹುಡುಗ, ತನ್ನದೇ ದಾಖಲೆ ಮುರಿದ ನೀರಜ್ ಚೋಪ್ರಾ

ಟೋಕಿಯೋ ಒಲಿಂಪಿಕ್ಸ್ ಹೀರೋ ಗೋಲ್ಡನ್ ಬಾಯ್ ನೀರಜ್ ಚೋಪ್ರಾ ಮತ್ತೊಮ್ಮೆ ಅದ್ಭುತ ಪ್ರದರ್ಶನ ನೀಡಿದ್ದಾರೆ. ಒಲಿಂಪಿಕ್ಸ್‌ ಬಳಿಕ ಹತ್ತು ತಿಂಗಳ ನಂತರ ಜಾವೆಲಿನ್ ಸ್ಪರ್ದೆಗೆ ಇಳಿದ ಬೆನ್ನಲ್ಲೇ ಹೊಸ ದಾಖಲೆಯನ್ನು ನಿರ್ಮಿಸಿದ್ದಾರೆ.

ಫಿನ್‌ಲ್ಯಾಂಡ್‌ನಲ್ಲಿ ನಡೆದ ಫಿನ್‌ಲ್ಯಾಂಡ್ ಗೇಮ್ಸ್‌ನಲ್ಲಿ ಪಾವೊ ನೂರ್ಮಿ ಬೆಳ್ಳಿ ಗೆದ್ದಿದ್ದರು. 89.30 ಮೀಟರ್ ಎಸೆದ ನೀರಜ್ ತಮ್ಮದೇ ರಾಷ್ಟ್ರೀಯ ದಾಖಲೆ (87.58) ಮುರಿದರು. ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ 87.58 ಮೀಟರ್‌ ದೂರ ಎಸೆದು ಚಿನ್ನ ಗೆದ್ದಿದ್ದರು. ಇದರೊಂದಿಗೆ ಟ್ರ್ಯಾಕ್ ಮತ್ತು ಫೀಲ್ಡ್ ವಿಭಾಗದಲ್ಲಿ ಭಾರತಕ್ಕೆ ಚಿನ್ನ ನೀಡಿದ ಮೊದಲ ಅಥ್ಲೀಟ್ ಎನಿಸಿಕೊಂಡರು.

ನೀರಜ್ ಚೋಪ್ರಾ ಮೊದಲ ಪ್ರಯತ್ನದಲ್ಲಿ 86.92 ಮೀಟರ್ ಮತ್ತು ಎರಡನೇ ಪ್ರಯತ್ನದಲ್ಲಿ 89.30 ಮೀಟರ್ ಎಸೆದರು. ಆ ನಂತರ ಮೂರು ಪ್ರಯತ್ನಗಳು ಕೈ ತಪ್ಪಿದವು.ಕೊನೆಯ ಪ್ರಯತ್ನದಲ್ಲಿ 85.85ಕ್ಕೆ ಸೀಮಿತಗೊಂಡರು. ಫಿನ್‌ಲ್ಯಾಂಡ್‌ನ ಒಲಿವರ್ ಹೈಲೆಂಡರ್ 89.83 ಮೀಟರ್‌ಗಳೊಂದಿಗೆ ಚಿನ್ನದ ಪದಕ ಗೆದ್ದರು.

2008 ರ ಬೀಜಿಂಗ್ ಒಲಿಂಪಿಕ್ಸ್‌ನಲ್ಲಿ ಅಭಿನವ್ ಬಿಂದ್ರಾ ಚಿನ್ನದ ಪದಕ ಗೆದ್ದ ನಂತರ, ಭಾರತವು ನೀರಜ್ ಚೋಪ್ರಾ ರೂಪದಲ್ಲಿ ವೈಯಕ್ತಿಕ ವಿಭಾಗದಲ್ಲಿ ಎರಡನೇ ಚಿನ್ನದ ಪದಕವನ್ನು ಗೆದ್ದುಕೊಂಡಿತು. ಇದಕ್ಕಾಗಿ ನೀರಜ್ ಚೋಪ್ರಾ ಅವರಿಗೆ ಕಳೆದ ವರ್ಷ ಭಾರತ ಸರ್ಕಾರವು ದೇಶದ ಅತ್ಯುನ್ನತ ಕ್ರೀಡಾ ಪ್ರಶಸ್ತಿಯಾದ ಮೇಜರ್ ಧ್ಯಾನಚಂದ್ ಖೇಲ್ ರತ್ನ ಪ್ರಶಸ್ತಿ ನೀಡಿ ಗೌರವಿಸಿತ್ತು.

ಕೇಂದ್ರ ಕ್ರೀ ಡಾ ಸಚಿವ ಅನುರಾಗ್ ಠಾಕೂರ್ ಅವರು ಚೋಪ್ರಾ ಅವರ ಈ ಸಾಧನೆಯನ್ನು ಶ್ಲಾಘಿಸಿದ್ದು, ‘ನೀರಜ್ ಚೋಪ್ರಾ ಮತ್ತೆ ಉತ್ತಮ ಸಾಧನೆ ಮಾಡಿದ್ದಾರೆ. ಪಾವೊ ನೂರ್ಮಿ ಗೇಮ್ಸ್ ನಲ್ಲಿ ನೀರಜ್ ಚೋಪ್ರಾ 89.30 ಮೀಟರ್​ ದೂರ ಜಾವೆಲಿನ್ ಎಸೆದು ಹೊಸ ರಾಷ್ಟ್ರೀಯ ದಾಖಲೆ ನಿರ್ಮಿಸಿದ್ದಾರೆ. ನಾನು ಅದನ್ನು ನೋಡಿ ರೋಮಾಂಚನಗೊಂಡೆ‘ ಎಂದು ಹೇಳಿದ್ದಾರೆ.

ಈ ಕ್ರೀಡಾಕೂಟದಲ್ಲಿ 89.30 ಮೀಟರ್ ದೂರಕ್ಕೆ ಜಾವೆಲಿನ್ ಎಸೆದು ನೀರಜ್ ದ್ವೀತಿಯ ಸ್ಥಾನ (ಬೆಳ್ಳಿ ಪದಕ) ಪಡೆದರೆ, ಓಲಿವರ್ ಹೆಲಂದರ್ 89.83 ಮೀ ದೂರಕ್ಕೆ ಜಾವೆಲಿನ್ ಎಸೆದು ಚಿನ್ನದ ಪದಕ ಮತ್ತು ಗ್ರೆನಡಾದ ವಿಶ್ವ ಚಾಂಪಿಯನ್ ಆಂಡರ್ಸನ್ ಪೀಟರ್ಸ್ 86.60 ಮೀಟರ್ ದೂರಕ್ಕೆ ಜಾವೆಲಿನ್ ಎಸೆದು ಕಂಚಿನ ಪದಕವನ್ನು ಗೆದ್ದಿದ್ದಾರೆ.

ಇನ್ನು, ನೀರಜ್ ಜೂನ್ 30ರಂದು ಡೈಮಂಡ್​ ಲೀಗ್​ನ ಸ್ಟಾಕ್​ ಹೋಮ್ ಲೆಗ್​ಗೆ ತೆರಳುವ ಮೋದಲು ಪಿನ್​ಲ್ಯಾಂಡ್​ ನಲ್ಲಿ ನಡೆಯುವ ಕುರ್ಟೇನ್ ಗೇಮ್ಸ್​ ನಲ್ಲಿ ಪಾಲ್ಗೊಳ್ಳಲಿದ್ದಾರೆ. ನಂತರ ಅವರು ಬರ್ಮಿಂಗ್ ಹ್ಯಾಮ್​ ನಲ್ಲಿ ನಡೆಯುವ ಕಾಮನ್​ವೆಲ್ತ್ ಗೇಮ್ಸ್ ನ ಮೊದಲು ಓರೆಗಾನನ ನಲ್ಲಿನ ಅಥ್ಲೆಟಿಕ್ಸ್ ವಿಶ್ವ ಚಾಂಪಿಯನ್ ಶಿಫ್​ ನಲ್ಲಿ ಪಾಲ್ಗೊಳಲಿದ್ದಾರೆ. ಇದು ಜುಲೈ 28ರಿಂದ ಆರಂಭವಾಗಲಿದೆ.