HBD Neeraj Chopra: ಶತಮಾನಗಳ ಕನಸನ್ನು ಈಡೇರಿಸಿದ ಭಾರತದ ಚಿನ್ನದ ಹುಡುಗ, ನೀರಜ್ ಚೋಪ್ರಾ ಜೀವನದ ಇಂಟ್ರಸ್ಟಿಂಗ್​ ಕಹಾನಿ

ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ ಭಾರತದ 121 ಬರವನ್ನು ಅಂತ್ಯಗೊಳಿಸಿ , ಭಾರತದ ಸ್ಟಾರ್ ಜಾವೆಲಿನ್ ಥ್ರೋ ಆಟಗಾರ ನೀರಜ್ ಚೋಪ್ರಾ ಚಿನ್ನದ ಪದಕವನ್ನು ಗೆದ್ದರು.

ಒಲಿಂಪಿಕ್ ಇತಿಹಾಸದಲ್ಲಿ ಅಥ್ಲೆಟಿಕ್ಸ್‌ನಲ್ಲಿ ಭಾರತಕ್ಕೆ ಮೊದಲ ಚಿನ್ನದ ಪದಕವನ್ನು ಗೆದ್ದುಕೊಟ್ಟ ನೀರಜ್ ಚೋಪ್ರಾ ಇಂದು ತಮ್ಮ 25ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ನೀರಜ್ ಒಲಿಂಪಿಕ್ಸ್‌ನಲ್ಲಿ ವೈಯಕ್ತಿಕ ಚಿನ್ನ ಗೆದ್ದ ಎರಡನೇ ಭಾರತೀಯ ಆಟಗಾರ. ಇದಕ್ಕೂ ಮುನ್ನ ಅಭಿನವ್ ಬಿಂದ್ರಾ ಶೂಟಿಂಗ್‌ನಲ್ಲಿ ಈ ಅದ್ಭುತ ಸಾಧನೆ ಮಾಡಿದ್ದರು.

24 ಡಿಸೆಂಬರ್ 1997 ರಂದು ಹರಿಯಾಣದಲ್ಲಿ ಜನಿಸಿದರು ನೀರಜ್ ಟೋಕಿಯೋ ಒಲಿಂಪಿಕ್ಸ್​ನಲ್ಲಿ 87.58 ಮೀಟರ್‌ ದೂರ ಎಸೆದು ಚಿನ್ನ ಗೆದ್ದರು. ಅಥ್ಲೆಟಿಕ್ಸ್‌ನಲ್ಲಿ ಈ ಪದಕಕ್ಕಾಗಿ ಇಡೀ ದೇಶವೇ ವರ್ಷಗಟ್ಟಲೆ ಕಾಯುತ್ತಿದ್ದರು.

ಹಳ್ಳಿಯ ಹುಡುಗರು ಅವನನ್ನು ಗೇಲಿ ಮಾಡುತ್ತಿದ್ದ ಕಾಲವೊಂದಿತ್ತು. ಈತನ ತೂಕ ಜಾಸ್ತಿಯಾಗಿದ್ದರಿಂದ ಗ್ರಾಮದ ಹುಡುಗರು ಸರಪಂಚ ಎಂದು ಗೇಲಿ ಮಾಡುತ್ತಿದ್ದರು. ಆದರೆ ಈ ಅವಮಾನಗಳನ್ನೇಲ್ಲಾ ಮೆಟ್ಟಿನಿಂತು ಇದಿಗ ಚೋಪ್ರಾ ದೇಶವೇ ಮೆಚ್ಚುವಂತಹ ಸಾಧನೆ ಮಾಡಿದ್ದಾರೆ.

ನೀರಜ್ 12 ವರ್ಷದವನಿದ್ದಾಗ ಮಲೈ ಬುರಾ ಸಕ್ಕರೆ ತಿಂದಿದ್ದರಿಂದ ಅವರ ತೂಕ 85 ಕೆಜಿಗೆ ಏರಿತ್ತು. ಹೀಗಿರುವಾಗ ಕುರ್ತಾ ಹಾಕಿಕೊಂಡು ಹೊರಗೆ ಹೋಗುವಾಗ ಊರಿನ ಹುಡುಗರು ಊರಿನ ಸರಪಂಚ ಎಂದು ಗೇಲಿ ಮಾಡುತ್ತಿದ್ದರು. ಆದರೆ ಚೋಪ್ರಾ ತರಬೇತಿಯಿಲ್ಲದೆ 40 ಮೀಟರ್ ವರೆಗೆ ಜಾವೆಲಿನ್ ಎಸೆಯುತ್ತಿದ್ದರು.

ಇದರ ನಂತರವೇ ಅವರ ತಂದೆ ಅವರನ್ನು ಜಿಮ್‌ಗೆ ಕಳುಹಿಸಲು ಪ್ರಾರಂಭಿಸಿದರು. ಆದರೆ, ಜಿಮ್‌ನಲ್ಲಿ ಚಿಕ್ಕವನಾಗಿದ್ದರಿಂದ ಅವರು ಅಲ್ಲಿಗೆ ಹೋಗಲು ನಿರಾಕರಿಸಿದರು. ಇದಾದ ಬಳಿಕ ಮೈದಾನಕ್ಕಿಳಿದ ಅವರ ಪ್ರತಿಭೆಯನ್ನು ಕೋಚ್ ಜೈವೀರ್ ಸಿಂಗ್ ಅವರು ಗುರುತಿಸಿದರು.

ತರಬೇತಿ ಇಲ್ಲದೆ ನೀರಜ್ 40 ಮೀಟರ್ ವರೆಗೆ ಜಾವೆಲಿನ್ ಎಸೆಯುತ್ತಿದ್ದರು. ಇದಾದ ನಂತರ ನೀರಜ್ ನ ಹೊಸ ಪಯಣ ಶುರುವಾಯಿತು. ಬಳಿಕ ಅವರು ಎಂದಿಗೂ ಹಿಂದೆ ತಿರುಗಿ ನೋಡಲೇ ಇಲ್ಲ. ದೇಶಕ್ಕಾಗಿ ಆಡಿ ಚಿನ್ನ ಗೆದ್ದು, ಭಾರತೀಯರ ಪಾಲಿಗೆ ಚಿನ್ನದ ಹುಡುಗನಾಗಿ ಗುರುತಿಸಿಕೊಂಡರು.

ಇನ್ನು, ಉಸೇನ್ ಬೋಲ್ಟ್ ಈ ವರ್ಷದಲ್ಲಿ ಮೊದಲ ಬಾರಿಗೆ ಅಥ್ಲೀಟ್‌ಗಳ ಬಗ್ಗೆ ಹೆಚ್ಚು ಬರೆಯಲ್ಪಟ್ಟವರ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿರಲು ವಿಫಲರಾಗಿದ್ದಾರೆ. 2022 ರಲ್ಲಿ, ಭಾರತದ ಜಾವೆಲಿನ್ ತಾರೆ ನೀರಜ್ ಚೋಪ್ರಾ ಈ ಸ್ಥಾನವನ್ನು ಕಸಿದುಕೊಂಡಿದ್ದಾರೆ. ಬೋಲ್ಟ್​ ಅವರು 2017 ರಲ್ಲಿ ನಿವೃತ್ತರಾಗಿದ್ದರೂ 100 ಮೀ ಮತ್ತು 200 ಮೀ ಓಟದಲ್ಲಿ ವಿಶ್ವ ದಾಖಲೆಯನ್ನು ಹೊಂದಿದ್ದಾರೆ. ಆದರೆ ಕಳೆದ ವರ್ಷ ನಡೆದ ಒಲಂಪಿಕ್ಸ್​ನಲ್ಲಿ ನೀರಜ್ ಚೋಪ್ರಾ ಜಾವೇಲಿನ್ ಥ್ರೋದಲ್ಲಿ ಭಾರತದ ಪರ ಚಿನ್ನದ ಪದಕ ಗೆದ್ದಿದ್ದರು.