IPL 2022: ಐಪಿಎಲ್​ನಲ್ಲಿ ಮಿಂಚುತ್ತಿರುವ ಯುವ ಪ್ರತಿಭೆಗಳು, ಇವರೇ ಟೀಂ ಇಂಡಿಯಾ ಭವಿಷ್ಯದ ಪ್ಲೇಯರ್ಸ್​..!

ಐಪಿಎಲ್ ಪ್ರತಿ ಋತುವಿನಲ್ಲಿ ಕೆಲವು ಯುವ ಕ್ರಿಕೆಟಿಗರನ್ನು ಭಾರತ ತಂಡಕ್ಕೆ ಕರೆತರುತ್ತದೆ. ಈ ಲೀಗ್ ಮೂಲಕ ಹಲವು ಯುವಕರ ‘ರಾಷ್ಟ್ರೀಯ ತಂಡದ ಕನಸು’ ನನಸಾಗಿದೆ. ಪ್ರಸ್ತುತ ಲೀಗ್‌ನಲ್ಲೂ ಮೂವರು ಆಟಗಾರರು ಗಮನ ಸೆಳೆದಿದ್ದಾರೆ.

ಆಯುಷ್ ಬಡೋನಿ: ಐಪಿಎಲ್ 2022 ಸೀಸನ್‌ನಲ್ಲಿ ಆಯುಷ್ ಬಡೋನಿ ಹೆಚ್ಚು ಕೇಳಿಬರುತ್ತಿರುವ ಹೆಸರು. ಹೊಸ ತಂಡ ಲಕ್ನೋ ಸೂಪರ್ ಜೈಂಟ್ಸ್‌ಗಾಗಿ ಆಡುತ್ತಿರುವ 22 ವರ್ಷದ ಪವರ್ ಹಿಟ್ಟರ್, ಪಂದ್ಯದ ವೇಗಕ್ಕೆ ಹೊಂದಿಕೆಯಾಗುವಂತೆ ಆಡುವ ಚಾಕಚಕ್ಯತೆ ಹೊಂದಿದ್ದಾರೆ. ಕೊನೆಯಲ್ಲಿ ಪಂದ್ಯಗಳನ್ನು ಉತ್ತಮವಾಗಿ ಮುಗಿಸುತ್ತಿದ್ದಾರೆ.

ಲಕ್ನೋ ಸೂಪರ್ ಜೈಂಟ್ಸ್ ಇದುವರೆಗೆ 4 ಪಂದ್ಯಗಳನ್ನು ಆಡಿದ್ದು ಮೂರರಲ್ಲಿ ಗೆದ್ದಿದೆ. ಆದರೆ. ಈ ನಾಲ್ಕೂ ಪಂದ್ಯಗಳಲ್ಲಿ ಕಠಿಣ ಹಂತದಲ್ಲಿ ಕ್ರೀಸ್‌ಗೆ ಬಂದ ಆಯುಷ್ ಬಡೋನಿ ಫಿನಿಶರ್ ಪಾತ್ರವನ್ನು ಉತ್ತಮವಾಗಿ ನಿರ್ವಹಿಸಿದರು. ತಂಡದಲ್ಲಿ ತಮ್ಮದೇ ಆದ ಛಾಪು ಮೂಡಿಸಿದರು. ಈ ವರ್ಷದ ಫೆಬ್ರವರಿಯಲ್ಲಿ ನಡೆದ ಹರಾಜಿನಲ್ಲಿ ಲಕ್ನೋ 20 ಲಕ್ಷ ಜ್ಞಕ್ಕೆ ಖರೀಧಿಸಿತ್ತು. ಅವರು ಈ ಋತುವಿನಲ್ಲಿ ಗುಜರಾತ್ ವಿರುದ್ಧದ ಮೊದಲ ಪಂದ್ಯದಲ್ಲಿ 54 ರನ್ ಗಳಿಸುವ ಮೂಲಕ ಚೊಚ್ಚಲ ​ಅರ್ಧಶತಕದೊಂದಿಗೆ ಪ್ರವೇಶ ಮಾಡಿದರು. ನಂತರ ಅವರು ಚೆನ್ನೈ, ಸನ್‌ರೈಸರ್ಸ್ ಮತ್ತು ಡೆಲ್ಲಿ ವಿರುದ್ಧದ ಪಂದ್ಯಗಳಲ್ಲಿ ತಮ್ಮ ಬ್ಯಾಟಿಂಗ್‌ ಮಾಡಿದ್ದಾರೆ.

ತಿಲಕ್ ವರ್ಮಾ: ಐಪಿಎಲ್ 2022 ರಲ್ಲಿ ಮುಂಬೈ ಇಂಡಿಯನ್ಸ್ ಪರ ಆಡುತ್ತಿರುವ ತಿಲಕ್ ವರ್ಮಾ ಕಣಕ್ಕಿಳಿಯುತ್ತಿದ್ದಾರೆ. ಮುಂಬೈ ಅವರನ್ನು 1.70 ಕೋಟಿ ರೂ.ಗೆ ಖರೀದಿಸಿತು. ಆ ಬೆಲೆಗೆ ತಿಲಕರು ಮೂರು ಬಾರಿ ನ್ಯಾಯ ಸಲ್ಲಿಸಿದ್ದಾರೆ ಎಂದರೂ ತಪ್ಪಾಗಲಾರದು.

ಡೆಲ್ಲಿ ವಿರುದ್ಧದ ಮೊದಲ ಪಂದ್ಯದಲ್ಲಿ 22 ರನ್, ನಂತರ ರಾಜಸ್ಥಾನ ವಿರುದ್ಧದ ಪಂದ್ಯದಲ್ಲಿ ಆಕರ್ಚಕ ಅರ್ಧಶತಕ 61 ರನ್, ಕೆಕೆಆರ್ ವಿರುದ್ಧ 27 ಎಸೆತಗಳನ್ನು ಎದುರಿಸಿ 38 ರನ್ ಗಳಿಸಿ ಅಜೇಯರಾಗಿ ಉಳಿದರು.

ಲಲಿತ್ ಯಾದವ್: ಟೀಂ ಇಂಡಿಯಾಗೆ ಆಯ್ಕೆಯಾಗದೆ ಈ ಬಾರಿ ಬ್ಯಾಟಿಂಗ್ ನಲ್ಲಿ ರಂಜಿಸಿದ ಮತ್ತೊಬ್ಬ ಯುವ ಆಟಗಾರ ಲಲಿತ್ ಯಾದವ್. ಕಳೆದ ವರ್ಷ ಟಿ20 ಲೀಗ್‌ಗೆ ಪದಾರ್ಪಣೆ ಮಾಡಿದ ಅವರು ಹೆಚ್ಚು ಪ್ರಭಾವ ಬೀರಲಿಲ್ಲ. ಆದರೆ, ಇವರನ್ನೇ ನೆಚ್ಚಿಕೊಂಡ ಡೆಲ್ಲಿ ಈ ಬಾರಿಯ ಮೆಗಾ ಹರಾಜಿನಲ್ಲಿ 65 ಲಕ್ಷ ರೂ.ಗೆ ಖರೀದಿಸಿತು.

ಈ ಅವಕಾಶ ಪಡೆದ ಅವರು ಮುಂಬೈ ವಿರುದ್ಧದ ಮೊದಲ ಪಂದ್ಯದಲ್ಲಿ 48 ರನ್ ಗಳಿಸುವ ಮೂಲಕ ತಂಡದ ಯಶಸ್ಸಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು. ನಂತರ ಗುಜರಾತ್ ವಿರುದ್ಧದ ಪಂದ್ಯದಲ್ಲಿ 25 ಉತ್ತಮವಾಗಿ ಆಡಿದರೂ ಅನಿರೀಕ್ಷಿತ ಸಂದರ್ಭಗಳಲ್ಲಿ ರನೌಟ್ ಆದರು. ಲಕ್ನೋ ವಿರುದ್ಧದ ಪಂದ್ಯದಲ್ಲಿ ಬ್ಯಾಟಿಂಗ್ ನಲ್ಲಿ ಅವಕಾಶ ಸಿಗದಿದ್ದರೂ ಬೌಲಿಂಗ್ ನಲ್ಲಿ ವಿಕೆಟ್ ಕಬಳಿಸಿದರು.